Tag: street lights in bangalore

ബെംഗളൂരു: നഗരത്തിൽ എൽഇഡി തെരുവുവിളക്കുകൾ സ്ഥാപിക്കുന്നതിൽ കാലതാമസം നേരിട്ടതായി  സമ്മതിച്ചുകൊണ്ട്, ഡിസംബറിൽ മൂന്ന് ലക്ഷം തെരുവ് വിളക്കുകൾ നഗരത്തിൽ സ്ഥാപിക്കുമെന്ന് മുഖ്യമന്ത്രി ബസവരാജ് ബൊമ്മൈ ചൊവ്വാഴ്ച പറഞ്ഞു. സംസ്ഥാനത്തെ സാധാരണ തെരുവുവിളക്കുകൾ മാറ്റി ഊർജ്ജക്ഷമതയുള്ള എൽ ഇ ഡി വിളക്കുകൾ സ്ഥാപിക്കുന്ന പദ്ധതിയുടെ കാലതാമസത്തെക്കുറിച്ച് സംസ്ഥാന നിയമസഭയിൽ ദസറഹള്ളിയിൽ നിന്നുള്ള  ജെ ഡി (എസ്) എം എൽ എ ആർ മഞ്ജുനാഥ് ഉന്നയിച്ച ചോദ്യത്തിന് മറുപടി പറയുകയായിരുന്നു ബെംഗളൂരു നഗരവികസനത്തിന്റെ ചുമതല കൂടി ഉള്ള മുഖ്യമന്ത്രി.  പ്രവർത്തനരഹിതമായ തെരുവ് വിളക്കുകൾ മൂലം രാത്രിയിൽ ആളുകൾക്ക് ഉണ്ടാകുന്ന അസൗകര്യത്തെക്കുറിച്ചും എം എൽ എ ആർ മഞ്ജുനാഥ് സഭയിൽ ചോദ്യം ഉന്നയിച്ചു.