ബെംഗളൂരു: സംസ്ഥാന സെക്രട്ടേറിയറ്റും നിയമസഭാ മന്ദിരവും പ്രവർത്തിക്കുന്ന വിധാൻ സൗധയിലെത്തിയ ജീവനക്കാരിയുടെ ബാഗിൽ കത്തി കണ്ടെത്തി. വിധാൻ സൗധയുടെ കിഴക്കേ വാതിൽ വഴി പ്രവേശിക്കാനെത്തിയ ഇവരുടെ ബാഗ് പരിശോധിക്കുന്നതിനിടെ സുരക്ഷാ ചുമതലയുള്ള പോലീസാണ് കത്തി കണ്ടെത്തിയത്. പഴവർഗങ്ങൾ മുറിക്കുന്ന കത്തിയാണ് ബാഗിലുണ്ടായിരുന്നത്. ജീവനക്കാരിയുടെ അമ്മ ആശുപത്രിയിലാണ്. അമ്മയ്‌ക്കൊപ്പം രാത്രി കഴിഞ്ഞ ഇവർ രാവിലെ നേരിട്ട് ഓഫീസിലേക്ക് വരുകയായിരുന്നു. അമ്മയ്ക്ക് പഴങ്ങൾ മുറിച്ചുകൊടുത്ത കത്തി അബദ്ധത്തിൽ ബാഗിൽ വെച്ചതാണെന്നും ഇവർ പോലീസിനോട് പറഞ്ഞു. ബാഗ് പുറത്തുവെച്ചശേഷം ഇവരെ ജോലിചെയ്യാൻ അനുവദിച്ചു.
Read Moreജീവനക്കാരി വിധാൻ സൗധയിൽ എത്തിയത് കത്തിയുമായി
