Tag: donation camp

ബെംഗളൂരു: റോട്ടറി ബംഗളൂരു ജംക്‌ഷൻ സെപ്റ്റംബർ 15 നും 18 നും ഇടയിൽ ശങ്കരപുരം പമ്പ മഹാകവി റോഡിലെ ശ്രീ ചന്ദ്രശേഖർ ഭാരതി കല്യാണ മണ്ഡപത്തിൽ സൗജന്യ കൃത്രിമ അവയവദാന ക്യാമ്പ് സംഘടിപ്പിക്കുന്നു. നാല് ദിവസത്തെ ക്യാമ്പിൽ ആയിരത്തിലധികം ഗുണഭോക്താക്കൾക്ക് കൃത്രിമ കൈകാലുകളും കാലിപ്പറുകളും നൽകും. കാലുകളോ കൈകളോ മുറിച്ചുമാറ്റപ്പെട്ടവർക്ക് ക്യാമ്പ് സന്ദർശിച്ച് സൗജന്യമായി കൈകാലുകൾ ഘടിപ്പിക്കാം. റോട്ടറി ഡിസ്‌റ്റ് 3190 ജില്ലാ ഗവർണർ ജിതേന്ദ്ര അനീജ എന്നിവരുടെ സാന്നിധ്യത്തിൽ ശ്രീ ശൃംഗേരി ശാരദാപീഠം സിഇഒ ഗൗരിശങ്കർ വിആർ ക്യാമ്പ് ഉദ്ഘാടനം ചെയ്തു.