News

ബെംഗളൂരു : കസ്റ്റഡിയിലെടുത്ത യുവാവ് മരിച്ചതിനെത്തുടർന്ന് ദാവണഗെരെയിൽ ജനക്കൂട്ടം പോലീസ് സ്റ്റേഷൻ ആക്രമിച്ചു. ചന്നഗിരി ടൗൺ പോലീസ് സ്റ്റേഷനാണ് ആക്രമണത്തിനിരയായത്. ശനിയാഴ്ച രാവിലെയാണ് സംഭവം. അനധികൃത വാതുവെപ്പ് നടത്തിയതിന് ചന്നഗിരി ടിപ്പുനഗർ സ്വദേശി ആദിലിനെ (30)യാണ് വെള്ളിയാഴ്ച വൈകീട്ട് പോലീസ് കസ്റ്റഡിയിലെടുത്തത്. സ്റ്റേഷനിലെത്തിയയുടൻ ഇയാൾ കുഴഞ്ഞുവീഴുകയായിരുന്നെന്ന് പോലീസ് പറഞ്ഞു. ഉടൻ ആശുപത്രിയിൽ പ്രവേശിപ്പിച്ചെങ്കിലും രാത്രി മരിച്ചു. ആദിൽ മരിച്ചവിവരം പരന്നതോടെ കുടുംബാംഗങ്ങളും നാട്ടുകാരും സംഘടിച്ച് പോലീസ് സ്റ്റേഷനുമുമ്പിലെത്തി. പോലീസ് സ്റ്റേഷനുനേരെ കല്ലെറിഞ്ഞു. ചിലർ സ്റ്റേഷനകത്തേക്ക് അതിക്രമിച്ചുകടന്ന് നാശമുണ്ടാക്കി. അക്രമത്തിൽ 11 പോലീസുകാർക്ക് പരിക്കേറ്റു. ഇവരെ…

ബെംഗളൂരു: ഇക്കുറി കനത്ത കാലവർഷം ലഭിച്ചേക്കുമെന്ന പ്രവചനങ്ങളുള്ളതിനാൽ കൃത്യമായ മുന്നൊരുക്കം നടത്താൻ ജില്ലാ അധികൃതർക്കു മുഖ്യമന്ത്രി സിദ്ധരാമയ്യ നിർദേശം നൽകി. കലക്ടർമാരും ജില്ലാ പഞ്ചായത്ത് സിഇഒമാരും പങ്കെടുത്ത വിഡിയോ കോൺഫറൻസ് യോഗത്തിലാണു നിർദേശം നൽകിയത്. ഉപമുഖ്യമന്ത്രി ഡി.കെ.ശിവകുമാറും സന്നിഹിതനായിരുന്നു. സംസ്ഥാനത്ത് മിക്കയിടത്തും കനത്ത വേനൽ മഴ തുടരുകയാണ്. വെള്ളപ്പൊക്കം ഒഴിവാക്കാൻ നഗരമേഖലകളിലെ ഓട നവീകരണത്തിനു പ്രാധാന്യം നൽകാൻ നിർദേശിച്ച മുഖ്യമന്ത്രി, ഇതിന്റെ പേരിൽ എന്തെങ്കിലും അനിഷ്ട സംഭവങ്ങളുണ്ടായാൽ ജില്ലാ അധികൃതർക്കെതിരെ നടപടിയുണ്ടാകുമെന്നും മുന്നറിയിപ്പു നൽകി.

ബെംഗളൂരു: ഒളിവില്‍പ്പോയ ജെഡി(എസ്) എംപിയും സെക്‌സ് വീഡിയോ കേസിലെ മുഖ്യപ്രതിയുമായ പ്രജ്വല് രേവണ്ണയുടെ കുടുംബത്തിന് ഇയാളെക്കുറിച്ച്‌ എല്ലാം അറിയാമെന്ന് മുഖ്യമന്ത്രി സിദ്ധരാമയ്യ. കുടുംബത്തില്‍ നിന്ന് ഒറ്റപ്പെടുമെന്ന് പ്രജ്വല് രേവണ്ണയുടെ മുത്തച്ഛനും മുൻ പ്രധാനമന്ത്രിയുമായ എച്ച്‌ ഡി ദേവഗൗഡ മുന്നറിയിപ്പ് നല്‍കിയതിനെ കുറിച്ച്‌ ചോദിച്ചപ്പോള്‍, പ്രജ്വല് തൻ്റെ കുടുംബത്തെ അറിയിക്കാതെ പോയോ? അവൻ തൻ്റെ കുടുംബാംഗങ്ങളുമായി ബന്ധപ്പെട്ടിട്ടില്ലേ? പ്രജ്വല്‍ താനുമായി ആദ്യം മുതല്‍ ബന്ധപ്പെട്ടിരുന്നില്ലെന്ന് അമ്മാവൻ കുമാരസ്വാമി വ്യക്തമാക്കിയിരുന്നു. എന്നാല്‍, പ്രജ്വല് തൻ്റെ മകനെപ്പോലെയാണെന്ന് കുമാരസ്വാമി പ്രചാരണത്തിനിടെ അവകാശപ്പെട്ടു. “അവർ തമ്മില്‍ ആശയവിനിമയം നടന്നിരുന്നുവെന്ന് ഈ…

ബെംഗളൂരു : മൈസൂരുവിലെ യാരഗനഹള്ളിയിൽ പാചകവാതകം ചോർന്നതിനെത്തുടർന്ന് മരിച്ചവരുടെ ബന്ധുക്കൾക്ക് 12 ലക്ഷം സഹായധനം പ്രഖ്യാപിച്ച് മുഖ്യമന്ത്രി സിദ്ധരാമയ്യ. മരിച്ചവരുടെ ബന്ധുക്കളെ സന്ദർശിച്ചശേഷമാണ് മുഖ്യമന്ത്രി സഹായധനം പ്രഖ്യാപിച്ചത്. സംഭവത്തിൽ അദ്ദേഹം ദു:ഖം രേഖപ്പെടുത്തി. കഴിഞ്ഞ ബുധനാഴ്ചയാണ് യാരഗനഹള്ളിയിലെ വീട്ടിൽ കുമാരസ്വാമി (45), ഭാര്യ മഞ്ജുള (39), മക്കളായ അർച്ചന (19), സ്വാതി (17) എന്നിവരെ മരിച്ചനിലയിൽ കണ്ടെത്തിയത്. തുടർന്നുനടന്ന പരിശോധനയിൽ പാചകവാതക സിലിൻഡർ ചോർന്നാണ് മരണമെന്ന് സ്ഥിരീകരിക്കുകയായിരുന്നു. വീടിനോടുചേർന്ന് വസ്ത്രം ഇസ്തിരിയിടുന്ന സ്ഥാപനം നടത്തിവരികയായിരുന്നു കുമാരസ്വാമി. ഇസ്തിരിപ്പെട്ടി ചൂടാക്കാനാണ് സിലിൻഡറുകൾ വീടിനുള്ളിൽ സൂക്ഷിച്ചിരുന്നത്. നാലുമൃതദേഹങ്ങളും…