Category: SPORTS

ഐപിഎല്ലില്‍ ഇന്ന്  രണ്ട് മത്സരങ്ങള്‍.ആദ്യ മത്സരത്തില്‍ പഞ്ചാബ് കിങ്ങ്‌സും റോയല്‍ ചലഞ്ചേഴ്‌സ് ബാംഗ്ലൂരും തമ്മില്‍ ഏറ്റുമുട്ടും. പഞ്ചാബ് ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ ഉച്ചയ്ക്ക് 3.30നാണ് മത്സരം. നിലവില്‍ പോയിന്റ് ടേബിളില്‍ പഞ്ചാബ് ആറ് പോയിന്റുമായി അഞ്ചാം സ്ഥാനത്തും, ബാംഗ്ലൂര്‍ നാലു പോയിന്റുമായി എട്ടാം സ്ഥാനത്തുമാണുള്ളത്. രണ്ടാം മത്സരം വൈകീട്ട് 7.30 ന് അരുണ്‍ ജെയ്റ്റ്‌ലി സ്‌റ്റേഡിയത്തില്‍ നടക്കും. ഡല്‍ഹി ക്യാപിറ്റല്‍സും കൊല്‍ക്കത്ത നൈറ്റ് റൈഡേഴ്‌സും തമ്മിലായിരിക്കും മത്സരം. കൊല്‍ക്കത്ത നാല് പോയിന്റുമായി പോയിന്റ് പട്ടികയില്‍ ഏഴാം സ്ഥാനത്തും ഡല്‍ഹി പത്താം സ്ഥാനത്തുമാണുള്ളത്.

കേരള ബ്ലാസ്റ്റേഴ്സിന്റെ സഹപരിശീലക സ്ഥാനം ഒഴിഞ്ഞ് ഇഷ്ഫാഖ് അഹമ്മദ്. സമ്മര്‍ സീസണില്‍ കരാര്‍ പൂര്‍ത്തിയായതോടെയാണ് മഞ്ഞപ്പടയും ഇഷ്ഫാഖും തമ്മിലുള്ള ബന്ധം അവസാനിക്കുന്നത്. ടീമിനോട് കാണിച്ച കഠിനാധ്വാനത്തിനും പ്രതിബദ്ധതയ്ക്കും ഇഷ്ഫാഖിനോട് ക്ലബ് നന്ദി അറിയിച്ചു. സൂപ്പര്‍കപ്പില്‍ നിന്ന് കേരളാ ബ്ലാസ്റ്റേഴ്സ് പുറത്തായതിന് പിന്നാലെയാണ് ഇഷ്ഫാഖും ടീം വിടുന്നത്. ശ്രീനിധി ഡെക്കാനോടേറ്റ കനത്ത തിരിച്ചടിയാണ് സൂപ്പര്‍ കപ്പില്‍ ബ്ലാസ്‌റ്റേഴ്‌സിന് തിരിച്ചടിയായത്. ഇതോടൊപ്പം ഐഎസ്എല്ലില്‍ ക്ലബ്ബ് നേരിടേണ്ടി വന്ന അച്ചടക്ക നടപടിയും ടീമിന് അവമതിപ്പുണ്ടാക്കിയിരുന്നു. ഇതിനു പിന്നാലെയാണ് കരാര്‍ പുതുക്കാതെ ബ്ലാസ്്‌റ്റേഴ്‌സും ഇഷ്ഫാഖ് അഹമ്മദും വഴിപിരിയുന്നത്. ശ്രീനഗറില്‍ നിന്നും…

ഐപിഎല്ലില്‍ ചെന്നൈ സൂപ്പര്‍ കിംഗ്‌സിന് തകര്‍പ്പന്‍ ജയം. എട്ട് റണ്‍സിന് റോയല്‍ ചലഞ്ചേഴ്‌സ് ബാംഗ്ലൂരിനെ പരാജയപ്പെടുത്തി. അവസാന പന്ത് വരെ ആവേശം. ചിന്നസ്വാമിയിലെ റണ്ണൊഴുക്കില്‍ ത്രില്ലര്‍ ജയം സ്വന്തമാക്കി ധോണിപ്പട. ഒരു ഘട്ടത്തില്‍ വിജയിക്കുമെന്ന് തോന്നിച്ചെങ്കിലും ഒടുക്കം കീഴടങ്ങി റോയല്‍ ചലഞ്ചേഴ്‌സ് ബാംഗ്ലൂര്‍. 227 റണ്‍സ് വിജയലക്ഷ്യത്തിലേക്ക് ബാറ്റേന്തിയ ബാംഗ്ലൂരിന് ആദ്യ ഓവറില്‍ തന്നെ കോലിയെ നഷ്ടമായി. അടുത്ത ഓവറില്‍ മഹിപാല്‍ ലോംററും കൂടി പുറത്താതോടെ ആര്‍സിബി സമ്മര്‍ദത്തിലായി. എന്നാല്‍ പിന്നീട് ക്രീസില്‍ കണ്ടത് ഫാഫ്്-മാക്‌സ്‌വെല്‍ ഷോ. ക്രീസില്‍ നിറഞ്ഞുകളിച്ച ഇരുവുരും പവര്‍പ്ലേയില്‍ ടീമിനെ…

ഐപിഎല്ലില്‍ ഇന്ന് ചെന്നൈ സൂപ്പര്‍ കിംഗ്‌സ്-റോയല്‍ ചലഞ്ചേഴ്‌സ് പോരാട്ടം. വിജയവഴിയില്‍ തിരിച്ചെത്താന്‍ ചെന്നൈ ഇറങ്ങുമ്പോള്‍ അവസാന മത്സരത്തിലെ ജയം തുടരുകയാവും ബാംഗ്ലൂര്‍ ലക്ഷ്യമിടുന്നത്. നാല് മത്സരങ്ങളില്‍ രണ്ടെണ്ണം ജയിച്ച് ഇരുടീമുകളും ഒപ്പത്തിനൊപ്പം. വിരാട് കോലിയും ഫാഫ് ഡുപ്ലെസിസും ചേര്‍ന്ന് നല്‍കുന്ന മികച്ച തുടക്കം ആര്‍സിബി ഇന്നിംഗ്‌സില്‍ നിര്‍ണായകം. മാക്‌സ്‌വെല്ലും ഷഹബാസ് അഹമ്മദും ഉള്‍പ്പെടെ മധ്യനിരയില്‍ ഫോം കണ്ടെത്തുന്നത് ടീമിന് കരുത്താണ്. ഹസരങ്ക ടീമിനൊപ്പം ചേര്‍ന്നത് ആര്‍സിബിയുടെ ആത്മവിശ്വാസം വര്‍ധിപ്പിച്ചിട്ടുണ്ട്. പര്‍നലും സിറാജും വിക്കറ്റ് കണ്ടെത്തുന്നതും ആശ്വാസമാണ്. അതേസമയം ഋതുരാജ് ഗെയ്ക്വാദും ഡെവോണ്‍ കോണ്‍വേയും നല്‍കുന്ന…

ഐപിഎല്ലിൽ ഗുജറാത്തിനെതിരെ രാജസ്ഥാന് തകർപ്പൻ ജയം. മൂന്ന് വിക്കറ്റിനാണ് രാജസ്ഥാൻ ഗുജറാത്തിനെ തകർത്തത്. ക്യാപ്റ്റൻ സഞ്ചു സാംസന്റെയും ഹിറ്റ്മെയറുടെയും തകർപ്പൻ ബാറ്റിംഗ് ആണ് രാജ്യസ്ഥാന് ജയം ഒരുക്കിയത്. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഗുജറാത്ത് രാജസ്ഥാന് മുന്നിൽ വെച്ചത് 178 റൺസിന്റെ വിജയ ലക്ഷ്യം. കഠിനമല്ലാത്ത ലക്ഷ്യത്തിലേക്ക് ബാറ്റെടുത്ത രാജസ്ഥാന്റെ തുടക്കം അത്ര റോയലല്ലായിരുന്നു. മുന്ന് ഓവർ പൂർത്തിയാകുന്നതിന് മുന്നേ ഓപ്പണർമാരായ ജയസ്വാളും ജോസ് ബട്ലറും പുറത്ത് . ഇംപാട് പ്ലെയർ ആയി എത്തിയ പടിക്കലും പരാഗും കൂടാരം കയറിയതോടെ രാജസ്ഥാൻ പ്രതിരോധത്തിലായി.…

കോഴിക്കോട്‌: പിന്നിട്ടുനിന്നശേഷം ഐഎസ്‌എൽ റണ്ണറപ്പായ ബംഗളൂരു എഫ്‌സിയെ സമനിലയിൽ പിടിച്ച്‌ കേരള ബ്ലാസ്‌റ്റേഴ്‌സ്‌. സൂപ്പർ കപ്പ്‌ ഫുട്‌ബോളിൽ 1–1ന്‌ ബംഗളൂരുവിനെ കുരുക്കി. കോഴിക്കോട്‌ കോർപറേഷൻ ഇഎംഎസ്‌ സ്‌റ്റേഡിയത്തിൽ നടന്ന പോരാട്ടത്തിൽ ആദ്യപകുതിയിൽ റോയ്‌ കൃഷ്ണയിലൂടെ ബംഗളൂരു മുന്നിലെത്തിയപ്പോൾ രണ്ടാം പകുതിയിൽ ക്യാപ്‌റ്റൻ ദിമിത്രിയോസ്‌ ഡയമന്റാകോസ്‌ ബ്ലാസ്‌റ്റേഴ്‌സിന്റെ സമനില കണ്ടെത്തി. എ ഗ്രൂപ്പിൽ ഒന്നുവീതം ജയവും തോൽവിയും സമനിലയും ഉൾപ്പെടെ നാല്‌ പോയിന്റുമായി മൂന്നാം സ്ഥാനത്ത്‌ അവസാനിപ്പിച്ചു ബ്ലാസ്‌റ്റേഴ്‌സ്‌. സെമി ഫൈനലിൽ എത്താനായില്ല.