ബെംഗളൂരു: വയോജനങ്ങളുടെ ക്ഷേമത്തിനായി പ്രവർത്തിക്കുന്ന എൻജിഒയായ നൈറ്റിംഗേൽസ് മെഡിക്കൽ ട്രസ്റ്റും ബെംഗളൂരു സിറ്റി പോലീസും പുറത്തുവിട്ട സ്ഥിതിവിവരക്കണക്കുകൾ പ്രകാരം അഞ്ചിൽ ഒരാൾക്ക് ഏതെങ്കിലും തരത്തിലുള്ള ദുരുപയോഗം നേരിടേണ്ടി വന്നിട്ടുണ്ടെന്ന് സൂചിപ്പിക്കുന്നു. അതിൽ നഗരപ്രദേശങ്ങളിൽ നിന്നുള്ളവരുടെ എണ്ണമാണ് കൂടുതൽ. ആളുകൾ വീടിനുള്ളിൽ തന്നെ കഴിയാൻ നിർബന്ധിതരായ കോവിഡ് -19 ലോക്ക്ഡൗണുകളും അണുകുടുംബങ്ങളും മറ്റ് പല കാരണങ്ങളും കൊണ്ട് വയോജനങ്ങൾക്കെതിരായ ദുരുപയോഗം ഗണ്യമായി വർദ്ധിപ്പിച്ചതായിട്ടും കണക്കുകൾ സൂചിപ്പിക്കുന്നു.
മുതിർന്ന പൗരന്മാരിൽ നിന്ന് ലഭിക്കുന്ന പരാതികളിൽ 80 ശതമാനവും ദുരുപയോഗവുമായി ബന്ധപ്പെട്ടതാണെന്നും അതിൽ 23.7 ശതമാനം ശാരീരിക പീഡനത്തിനും 77.3 ശതമാനം വൈകാരികവും വാക്കാലുള്ളതുമായ ദുരുപയോഗത്തിനും, 26.7 ശതമാനം സാമ്പത്തിക ചൂഷണവും കൂടാതെ 52.60 ശതമാനം അവഗണന എന്നിങ്ങനെയാണെന്നും അവർ പറഞ്ഞതായി ലോക വയോജനങ്ങളുടെ ദുരുപയോഗ ബോധവൽക്കരണ ദിനത്തിന്റെ സ്ഥിതിവിവരക്കണക്കുകൾ പുറത്തുവിട്ടുകൊണ്ട് നൈറ്റിംഗേൽസ് മെഡിക്കൽ ട്രസ്റ്റിന്റെ സഹസ്ഥാപകയും മാനേജിംഗ് ട്രസ്റ്റിയുമായ ഡോ. രാധ എസ് മൂർത്തി പറഞ്ഞു,
നൈറ്റിംഗേൽസ് മെഡിക്കൽ ട്രസ്റ്റിന്റെയും ബെംഗളൂരു സിറ്റി പോലീസിന്റെയും സംയുക്ത പദ്ധതിയായ, ദുരിതമനുഭവിക്കുന്ന വയോജനങ്ങൾക്കായി രൂപീകരിച്ച വയോജന ഹെൽപ്പ് ലൈനിന്റെ (1090) ഉപയോഗം 20 വർഷം തികയുകയാണ്. എന്നാൽ കഴിഞ്ഞ 20 വർഷത്തിനിടെ ബെംഗളൂരുവിൽ 2,35,541 കോളുകൾ ലഭിച്ചതായും ഇതിൽ 8,419 ശല്യപ്പെടുത്തലുകളും വഞ്ചനകളും ഉൾപ്പെടുന്നുവെന്നും ഡോ. മൂർത്തി പറഞ്ഞു. 4,176 കോളുകൾ കുടുംബാംഗങ്ങൾ, 1,868 എണ്ണം സ്വകാര്യ, പൊതു ഏജൻസികൾ, 2,375 കോളുകൾ വ്യക്തികൾ; 433 കോളുകൾ കാണാതാകുന്ന വയോജനങ്ങൾക്കെതിരെയും 93 കോളുകൾ വൃദ്ധസദനങ്ങൾക്കെതിരെയും 1,646 എണ്ണം ആരോഗ്യം, സാമ്പത്തിക അരക്ഷിതാവസ്ഥ, മാനസിക ആശങ്കകൾ, 43,572 കോളുകൾ പെൻഷനും മറ്റും സംബന്ധിച്ചുള്ള വിവരങ്ങളുമാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
