യുവാവ് വീട്ടിലേക്ക് വാങ്ങിയ കോഴിയിറച്ചിയില് പുഴുവിനെ കണ്ടതിനെ തുടര്ന്ന് ആരോഗ്യ വകുപ്പ് ഉദ്യോഗസ്ഥര് കട താല്ക്കാലികമായി അടപ്പിച്ചു.
കോഴിക്കോട് തടമ്പാട്ടുതാഴത്തെ ഫാത്തിമ ചിക്കന് സ്റ്റാളിനെതിരെയാണ് നടപടി. വേങ്ങേരി സ്വദേശി അനീഷ് വാങ്ങിയ രണ്ട് കിലോ ഇറച്ചിയിലാണ് നിറയെ പുഴുക്കളെ കണ്ടെത്തിയത്.
വീട്ടിലെത്തി ഇറച്ചി കഴുകാനെടുത്തപ്പോഴാണ് സംഭവം ശ്രദ്ധയില്പ്പെട്ടത്. ഉടനെ കോര്പറേഷന് കൗണ്സിലര് പി നിഖിലിനെ അറിയിച്ചു.
ആരോഗ്യ വിഭാഗം അധികൃതരെ വിവരം അറിയിച്ചതോടെ കടയ്ക്കു മുന്പില് നാട്ടുകാരും തടിച്ചുകൂടി.
തടമ്പാട്ടുതാഴം വേങ്ങേരി സ്വദേശി റിയാസിന്റെ ഉടമസ്ഥതയിലുള്ളതാണ് ഈ ചിക്കന് സ്റ്റാള്. രണ്ട് അതിഥി തൊഴിലാളികളാണ് ഇവിടെ ജോലി ചെയ്യുന്നത്.
പുഴുവരിച്ച ഇറച്ചി ഇവരെ കാണിച്ചപ്പോള്, തങ്ങളല്ല ഇത് വിറ്റതെന്നാണ് തൊഴിലാളികള് പറഞ്ഞത്. സ്ഥലം പരിശോധിച്ചവര് പരാതിയില് കഴമ്പുണ്ടെന്ന് ബോധ്യപ്പെട്ടതിനെ തുടര്ന്ന് കട താല്ക്കാലികമായി അടച്ചുപൂട്ടാനും അവശേഷിച്ച കോഴികളെ ഇവിടെ നിന്ന് മാറ്റാനും നിര്ദേശം നല്കി
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
