Month: September 2024

ബെംഗളൂരു : കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ കുടുംബട്രസ്റ്റിനുകീഴിലുള്ള കലബുറഗിയിലെ വിദ്യാഭ്യാസസ്ഥാപനത്തിന് സംസ്ഥാനസർക്കാർ 19 ഏക്കർ സ്ഥലം സൗജന്യമായി നൽകിയെന്നാരോപണം. ബി.ജെ.പി.യുടെ രാജ്യസഭാംഗം ലഹർ സിങ് സിറോയയാണ് ആരോപണമുന്നയിച്ചത്. കലബുറഗിയിലെ ഇന്റർനാഷണൽ ഇൻസ്റ്റിറ്റ്യൂട്ട് ഓഫ് പാലി-സാൻസ്‌ക്രിറ്റ് ആൻഡ് കംപാരറ്റീവ് ഫിലോസഫിക്ക് സൗജന്യമായി സ്ഥലമനുവദിച്ചെന്നാണ് ആരോപണം. 2014-ൽ സിദ്ധരാമയ്യയുടെ നേതൃത്വത്തിലുള്ള കോൺഗ്രസ് സർക്കാർ 16 ഏക്കർ സ്ഥലം സ്ഥാപനത്തിന് 30 വർഷത്തേക്ക് പാട്ടത്തിനുനൽകിയെന്നും പിന്നീട് 2017-ൽ മൂന്നേക്കർകൂടി നൽകിയെന്നുമാണ് ആരോപണം. എന്നാൽ, ആരോപണം നിഷേധിച്ച് മന്ത്രി പ്രിയങ്ക് ഖാർഗെ രംഗത്തെത്തി. കേന്ദ്രസർക്കാരും സംസ്ഥാന ഉന്നതവിദ്യാഭ്യാസവകുപ്പും സിദ്ധാർഥ…

ബെംഗളൂരു: മൈസൂരുവിൽ ഇത്തവണ ഓണത്തിരക്ക് കടന്നുവരുന്നത് ദസറ ആഘോഷത്തിന്റെ ഒരുക്കങ്ങൾക്കിടയിലേക്കാണ്. ദസറയ്ക്ക് എഴുന്നള്ളിക്കാനുള്ള എട്ട് ആനകൾ കൊട്ടാരനഗരയിലെ രാജവീഥിയിലൂടെ സഞ്ചാരം തുടങ്ങിക്കഴിഞ്ഞു. കൊട്ടാരവളപ്പിൽ കഴിയുന്ന അവയുടെ ആഘോഷത്തിനുള്ള തയ്യാറെടുപ്പുകളും ബെന്നിമണ്ഡപത്തേക്ക് നടത്തുന്ന പരിശീലന യാത്രയും ഓണക്കാലത്ത് സഞ്ചാരികൾക്ക് കൗതുകക്കാഴ്ച പകരും. അടുത്തയാഴ്ച ആറ് ആനകൾ കൂടി നഗരത്തിലെത്തും.

ബെംഗളൂരു : ഖനനനത്തിന് ക്രമവിരുദ്ധമായി ഭൂമിയനുവദിച്ച കേസിൽ കേന്ദ്രമന്ത്രി എച്ച്.ഡി. കുമാരസ്വാമിയെ കുറ്റവിചാരണ ചെയ്യാൻ അനുവദിക്കണമെന്നാവശ്യപ്പെട്ട് ലോകായുക്ത നൽകിയ അപേക്ഷ ഗവർണർ താവർചന്ദ് ഗഹ്‌ലോത് തിരിച്ചയച്ചു. അപേക്ഷയോടൊപ്പം കന്നഡയിൽ സമർപ്പിച്ച രേഖകളുടെ ഇംഗ്ലീഷ് പരിഭാഷ വേണമെന്ന് ആവശ്യപ്പെട്ടാണ് തിരിച്ചയച്ചത്. മറ്റൊരു കേസിൽ ബി.ജെ.പി. മുൻമന്ത്രി ജനാർദന റെഡ്ഡിയെ കുറ്റവിചാരണ ചെയ്യാൻ അനുമതി തേടി പോലീസ് നൽകിയ അപേക്ഷയും രേഖകളുടെ പരിഭാഷ ആവശ്യപ്പെട്ട് തിരിച്ചയച്ചു. ‘മുഡ’ കേസിൽ മുഖ്യമന്ത്രി സിദ്ധരാമയ്യയെ വിചാരണ ചെയ്യാൻ ആവശ്യപ്പെട്ട് നൽകിയ അപേക്ഷയിൽ മണിക്കൂറുകൾക്കകം ഗവർണർ നടപടിയെടുത്തപ്പോഴാണ് എൻ.ഡി.എ. നേതാക്കൾക്കെതിരായ അപേക്ഷകൾ…

ബെംഗളൂരു : രോഗവ്യാപനം ആരംഭിച്ച് മാസങ്ങൾ പിന്നിട്ടിട്ടും നിയന്ത്രണവിധേയമാകാത്ത പശ്ചാത്തലത്തിൽ ഡെങ്കിപ്പനിയെ മഹാമാരിയായി (എപ്പിഡെമിക് ഡിസീസ്) പ്രഖ്യാപിച്ച് കർണാടകം. ഇതുസംബന്ധിച്ച് സർക്കാർ വിജ്ഞാപനം പുറപ്പെടുവിച്ചു. 2020-ലെ കർണാടക എപ്പിഡെമിക് ഡിസീസ് ആക്ട് ഭേദഗതി വരുത്തിയാണ് നടപടി. കെട്ടിടങ്ങളിലും പാർക്കുകളിലും മൈതാനങ്ങളിലും മറ്റും കൊതുകുകൾ പെരുകുന്നത് ഒഴിവാക്കുകയെന്നത് ഇവയുടെ കൈവശക്കാർക്ക് നിയമപരമായി നിർബന്ധിതമാക്കി. ഇത് ഉറപ്പുവരുത്താൻ ബെംഗളൂരു കോർപ്പറേഷൻ പരിധിയിൽ ചീഫ് കമ്മിഷണറെയും ജില്ലകളിൽ കളക്ടർമാരെയും അധികാരപ്പെടുത്തി. നിയമലംഘകരുടെ പേരിൽ പിഴയീടാക്കും. നോട്ടീസ് നൽകിയശേഷം ഇവിടങ്ങളിൽ പരിശോധന നടത്താൻ ഇവർക്ക് അധികാരം നൽകി. കൊതുകു പടരുന്നത്…

ബെംഗളൂരു : ഇന്ത്യയിലെ ആദ്യത്തെ തദ്ദേശീയ ആളില്ലാ ബോംബർവിമാനം വിജയകരമായി പറത്തിയതായി നിർമാതാക്കളായ ഡിഫൻസ് ആൻഡ് എയ്‌റോസ്പെയ്‌സ് കമ്പനിയായ ഫ്ലൈയിങ് വെഡ്ജ് ഡിഫൻസ് ആൻഡ് എയ്‌റോസ്പെയ്‌സ് അറിയിച്ചു. ‘എഫ്.ഡബ്ല്യൂ.ഡി.-200 ബി’ എന്നാണ് ആളില്ലാ ചെറുവിമാനത്തിന്റെ പേര്. ഒപ്റ്റിക്കൽ നിരീക്ഷണ പേലോഡുകളും വ്യോമാക്രമണ ആയുധങ്ങളും വിമാനത്തിനു വഹിക്കാനാകും. വിലകൂടിയ ആളില്ലാ ബോംബർവിമാനങ്ങളുടെ ഇറക്കുമതിയെ ഇന്ത്യ കൂടുതൽ ആശ്രയിക്കുന്നത് കുറയ്ക്കാൻ ഇത്തരം സംരംഭങ്ങൾ സഹായിക്കും. പ്രതിരോധമേഖലയിൽ ഇന്ത്യയുടെ സ്വയംപര്യാപ്തതയിലേക്കുള്ള പ്രധാന നാഴികക്കല്ലാണ് തദ്ദേശീയമായി നിർമിച്ച ആളില്ലാവിമാനമെന്ന് ഫ്ലൈയിങ് വെഡ്ജ് ഡിഫൻസ് സ്ഥാപകൻ സുഹാസ് തേജസ്‌കണ്ഡ പറഞ്ഞു.