September 2024 – Page 22 – BengaluruVartha

കവിയൂർ പൊന്നമ്മയ്ക്ക് വിട; കൊച്ചി കളമശ്ശേരിയിൽ പൊതുദര്‍ശനത്തിന് ശേഷം സംസ്കാരം ഇന്ന്

September 21, 2024 News Team

കൊച്ചി: നടി കവിയൂർ പൊന്നമ്മയുടെ മൃതദേഹം പൊതുദർശനത്തിന് ശേഷം ഇന്ന് സംസ്കരിക്കും. രാവിലെ 9 മണി മുതൽ 12 മണി വരെ കളമശ്ശേരി മുനിസിപ്പൾ ടൗൺ ഹാളിലാണ് പൊതുദർശനം. സംസ്കാരം വൈകിട്ട് 4 മണിക്ക് ആലുവ കരുമാലൂർ ശ്രീപദം വീട്ടുവളപ്പിൽ നടക്കും. നിലവിൽ ലിസി ആശുപത്രിലാണ് മൃതദേഹം സൂക്ഷിച്ചിരിക്കുന്നത്. വാര്‍ധക്യസഹജമായ രോഗങ്ങളാൽ ഇന്നലെയാണ് മരണം സംഭവിച്ചത്. എറണാകുളം ലിസി ആശുപത്രിയില്‍ വെച്ചായിരുന്നു അന്ത്യം.

ജോലിഭാരം മൂലം കുഴഞ്ഞുവീണ് മരിച്ച മലയാളി പെൺകുട്ടി അന്ന സെബാസ്റ്റ്യന്റെ മരണത്തില്‍ അന്വേഷണം പ്രഖ്യാപിച്ച് കേന്ദ്രം;

September 21, 2024 News Team

മുംബൈ: കമ്പനിയില്‍ ചേര്‍ന്ന് നാല് മാസത്തിനുള്ളില്‍ തന്റെ മകള്‍ അന്ന സെബാസ്റ്റ്യന്‍ അമിത ജോലി ഭാരം കാരണം മരിച്ചു എന്ന അമ്മയുടെ വെളിപ്പെടുത്തലില്‍ അന്വേഷണം പ്രഖ്യാപിച്ച് കേന്ദ്രസര്‍ക്കാര്‍. ഏണസ്റ്റ് ആന്‍ഡ് യങ് ഇന്ത്യയില്‍ ജോലിയിലിരിക്കെ ജൂലൈ 20ന് താമസസ്ഥലത്ത് വച്ച് അന്ന സെബാസ്റ്റ്യന്‍ കുഴഞ്ഞുവീണ് മരിക്കുകയായിരുന്നു. അന്നയുടെ മരണത്തിലേക്ക് നയിച്ച സാഹചര്യങ്ങളെ കുറിച്ച് അന്വേഷിക്കുമെന്ന് കേന്ദ്ര തൊഴില്‍മന്ത്രാലയം അറിയിച്ചു. ‘അന്ന സെബാസ്റ്റ്യന്റെ വേര്‍പാടില്‍ അഗാധമായ ദുഃഖം രേഖപ്പെടുത്തുന്നു. സുരക്ഷിതമല്ലാത്തതും ചൂഷണം ചെയ്യുന്നതുമായ തൊഴില്‍ അന്തരീക്ഷത്തെക്കുറിച്ചുള്ള ആരോപണങ്ങളില്‍ സമഗ്രമായ അന്വേഷണം നടത്തും. നീതി ഉറപ്പാക്കാന്‍ ഞങ്ങള്‍ പ്രതിജ്ഞാബദ്ധരാണ്’-…

ശ്രദ്ധിക്കുക നഗാരത്തിലെ ജോലി വാഗ്ദാനം ചെയ്തുള്ള തട്ടിപ്പിൽ അധികവും ഇരയാകുന്നവരിൽ മലയാളികൾ

September 21, 2024September 21, 2024 News Team

ബെംഗളൂരു : ബെംഗളൂരുവിൽ ജോലി വാഗ്ദാനംചെയ്തു പണംതട്ടുന്ന സംഭവങ്ങൾ കൂടിവരുന്നു. സാമൂഹിക മാധ്യമങ്ങൾ വഴിയുള്ള പരസ്യങ്ങൾകണ്ട് ഇതേക്കുറിച്ച് കൂടുതൽ അന്വേഷിക്കാതെ ജോലിലഭിക്കുമെന്ന് വിചാരിച്ച് ഇറങ്ങിത്തിരിക്കുന്നവരാണ് തട്ടിപ്പിനിരയാകുന്നത്. കബളിപ്പിക്കപ്പെടുന്നതിൽ നല്ലൊരു ശതമാനവും മലയാളികളാണ്. സ്വകാര്യസ്ഥാപനത്തിൽ അക്കൗണ്ടിങ് ജോലി ഉണ്ടെന്ന പരസ്യംകണ്ട് ബെംഗളൂരുവിലെത്തിയ പാലക്കാട് മണ്ണാർക്കാട് സ്വദേശിയും സുഹൃത്തുക്കളുമാണ് ഏറ്റവും ഒടുവിൽ കബളിപ്പിക്കപ്പെട്ടത്. കോവിഡിനുശേഷമാണ് ഇത്തരത്തിലുള്ള തട്ടിപ്പുകൾ കൂടിയത്. കഴിഞ്ഞ ഓഗസ്റ്റ് 27-നാണ് മണ്ണാർക്കാട് സ്വദേശിയായ യുവാവ് ബെംഗളൂരുവിൽ ഇന്റർവ്യൂവിനെത്തിയത്. നഗർഭാവിയിലെ ലോജിസ്റ്റിക് സ്ഥാപനത്തിൽ അക്കൗണ്ടിങ് ജോലിക്കായിട്ടായിരുന്നു ഇന്റർവ്യൂ. മലയാളം സംസാരിക്കുന്നവരായിരുന്നു ഓഫീസിലുണ്ടായിരുന്നത്. ഇന്റർവ്യൂ പാസായെന്ന് അറിയിച്ച്…

തിരുപ്പതി ലഡ്ഡുവിൽ പന്നി കൊഴുപ്പ് ചേർത്തിരുന്നെന്ന ആരോപണം നിഷേധിച്ച് സ്വകാര്യ ഡെയറി ഫാം

September 21, 2024September 25, 2024 News Team

ചെന്നൈ : തിരുമല തിരുപ്പതി ദേവസ്ഥാനത്തിന് ലഡ്ഡു തയ്യാറാക്കാൻ നൽകിയ നെയ്യിൽ മൃഗക്കൊഴുപ്പ് ചേർത്തിരുന്നെന്ന ആരോപണം നിഷേധിച്ച് തമിഴ്‌നാട്ടിലെ സ്വകാര്യ ഡെയറി ഫാം. എ.ആർ. ഡെയറിയുടെ ദിണ്ടിക്കലിലെ സംസ്കരണ ശാലയിൽ പരിശോധന നടന്നുവെന്ന വാർത്തകളും അധികൃതർ നിഷേധിച്ചു. മൃഗക്കൊഴുപ്പ് കലർന്ന നെയ്യ് എ.ആർ.ഡെയറി, തിരുപ്പതി ദേവസ്ഥാനത്തിന് വിതരണം ചെയ്തുവെന്ന് ആന്ധ്രാപ്രദേശ് മുൻ മുഖ്യമന്ത്രി ജഗൻമോഹൻ റെഡ്ഡി ആരോപിച്ചിരുന്നു. തുടർന്നാണ് നിഷേധ പ്രസ്താവനയുമായി എ.ആർ.െഡയറി മുന്നോട്ടുവന്നത്. ഫാമിൽനിന്ന് ജൂൺ മുതലാണ് തിരുപ്പതിയിലേക്ക് നെയ്യ് അയയ്ക്കാൻ തുടങ്ങിയത്.

സ്വകാര്യ സ്ലീപ്പർ ബസ് മാറിനുണ്ടായ അപകടത്തിൽ ഒരു മലയാളി വിദ്യാർഥി മരിച്ചു

September 21, 2024September 22, 2024 News Team

ബെംഗളൂരു : ബെംഗളൂരുവിൽനിന്ന് പെരിന്തൽമണ്ണയിലേക്കു പോകുന്ന സ്വകാര്യ സ്ലീപ്പർ ബസ് കർണാടകത്തിലെ ഹുൻസൂരിൽ നിയന്ത്രണംവിട്ടുമറിഞ്ഞ് മലയാളി വിദ്യാർഥി മരിച്ചു. 20 പേർക്ക് പരിക്കേറ്റു. രാമനാട്ടുകര കണ്ടംകുളത്തി വീട്ടിൽ അമൽ ഫ്രാങ്ക്ലിനാ(22)ണ് മരിച്ചത്. ഹുൻസൂരിനടുത്ത് ബന്നികുപ്പയിൽ വെള്ളിയാഴ്ച പുലർച്ചെ 12.30-ഓടെയാണ് അപകടം. പരിക്കേറ്റവരെ ഹുൻസൂരിലെയും മൈസൂരുവിലെയും ആശുപത്രികളിൽ പ്രവേശിപ്പിച്ചു. കോഴിക്കോട് വഴി പെരിന്തൽമണ്ണയിലേക്കു പോകുന്ന എസ്.കെ.എസ്. എ.സി. സ്ലീപ്പർ ബസാണ് അപകടത്തിൽപെട്ടത്. ബി. ടെക് വിദ്യാർഥിയായ അമൽ പഠനത്തിന്റെ ഭാഗമായി ബെംഗളൂരുവിൽനിന്ന് ഇന്റേൺഷിപ്പ് പൂർത്തിയാക്കി മടങ്ങുമ്പോഴായിരുന്നു അപകടം. സഹോദരൻ വിനയും ഒപ്പമുണ്ടായിരുന്നു. വിനയിന് ചെറിയ പരിക്കേറ്റു.…

ക്ഷേത്രങ്ങളിൽ പ്രസാദം തയ്യാറാക്കാൻ നന്ദിനി നെയ്യ്‌ മാത്രം; ഉത്തരവിറക്കി കർണാടക സർക്കാർ

September 21, 2024 News Team

ബെംഗളൂരു : കർണാടകത്തിൽ ദേവസ്വം വകുപ്പിന്റെ കീഴിലുള്ള ക്ഷേത്രങ്ങളിൽ പ്രസാദം തയ്യാറാക്കാൻ കർണാടക കോ-ഓപ്പറേറ്റീവ് മിൽക്ക് പ്രൊഡ്യൂസേഴ്‌സ് ഫെഡറേഷൻ ലിമിറ്റഡ് ഉത്പാദിപ്പിക്കുന്ന നന്ദിനി നെയ്യ്‌മാത്രമേ ഉപയോഗിക്കാവൂവെന്ന് ഉത്തരവിറക്കി കർണാടക സർക്കാർ. തിരുപ്പതി ശ്രീവെങ്കിടേശ്വര ക്ഷേത്രത്തിൽ വിതരണംചെയ്ത പ്രസാദ ലഡുവിൽ മൃഗക്കൊഴുപ്പുണ്ടെന്ന വെളിപ്പെടുത്തലിന്റെ പശ്ചാത്തലത്തിലാണ് സർക്കാരിന്റെ ഉത്തരവ്. നിലവാരമുള്ള പ്രസാദം തയ്യാറാക്കി ഭക്തർക്ക് നൽകണമെന്ന് ദേവസ്വംവകുപ്പ് ഇറക്കിയ ഉത്തരവിൽ പറയുന്നു. നിലവിൽ ഭൂരിഭാഗം അമ്പലങ്ങളിലും പ്രസാദം തയ്യാറാക്കാൻ നന്ദിനി നെയ്യ് തന്നെയാണ് ഉപയോഗിക്കുന്നതെന്ന് മന്ത്രി രാമലിംഗ റെഡ്ഡി പറഞ്ഞു. ലഡു വിവാദത്തിന്റെ പശ്ചാത്തലത്തിൽ ഭക്തർക്ക് ആശങ്കയുണ്ടാകാതിരിക്കാനാണ്…

ഞങ്ങൾക്ക് ഒരു രാജ്യം, ഒരു തിരഞ്ഞെടുപ്പ് ആവശ്യമില്ല; സിദ്ധരാമയ്യ പറഞ്ഞു

September 21, 2024 News Team

ബെംഗളൂരു: കേന്ദ്രസർക്കാരിൻ്റെ ‘ഒരു രാജ്യം, ഒരു തിരഞ്ഞെടുപ്പ്’ (ഒഎൻഒഇ) നിർദ്ദേശത്തിനെതിരെ കർണാടക മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡികെ ശിവകുമാറും. ഒരു രാജ്യം, ഒരു തിരഞ്ഞെടുപ്പ് “ഫെഡറൽ ഘടനക്ക് എതിരാണ്” എന്നും “പ്രായോഗികമായി നടപ്പിലാക്കാൻ അസാധ്യമാണ്” എന്നും സിദ്ധരാമയ്യ ഒരു പ്രസ്താവനയിൽ പറഞ്ഞു. പ്രധാനമന്ത്രി നരേന്ദ്ര മോദിക്ക് മുൻഗണനകളെക്കുറിച്ച് അടിസ്ഥാന അറിവ് പോലുമില്ലെന്ന് സിദ്ധരാമയ്യ ആഞ്ഞടിച്ചു. “രാജ്യത്തുടനീളം തൊഴിലില്ലായ്മ രൂക്ഷമാണ്, പണപ്പെരുപ്പം സമ്പദ്‌വ്യവസ്ഥയെ അസ്ഥിരപ്പെടുത്തുന്നു, അവശ്യസാധനങ്ങളുടെ വിലക്കയറ്റം മൂലം ജനങ്ങൾ കഷ്ടപ്പെടുന്നു. രാജ്യവ്യാപകമായി ക്രമസമാധാനം തകർന്നു, ദലിതർക്കും സ്ത്രീകൾക്കും എതിരായ അതിക്രമങ്ങൾ ഭയാനകമായ തലത്തിലെത്തിയതായും,” സിദ്ധരാമയ്യ…

വയനാട് ദുരിതാശ്വാസത്തിനായി ധനസഹായം നൽകി

September 20, 2024 Arya

ബെംഗളൂരു: ചൂരൽമല ദുരന്തത്തിൽ വീടുകൾ നഷ്ടപ്പെട്ട ഇരുപത് കുടുംബങ്ങൾക്ക് കേരളസമാജം ബെംഗളൂരു സൗത്ത് വെസ്റ്റ് ദുരിതാശ്വാസമെത്തിച്ചു. സമാജം അംഗങ്ങളിൽ നിന്നും അഭ്യുദയകാംക്ഷികളിൽ നിന്നും സമാഹരിച്ച തുകയായ രണ്ടേകാൽ ലക്ഷം രൂപയാണ് നൽകിയത്. സമാജം പ്രസിഡൻ്റ് പ്രമോദ് വരപ്രത്ത്, പ്രവർത്തകസമിതി അംഗങ്ങളായ ജഗത് എം. ജി, ശിവശങ്കരൻ. എൻ.കെ, ഫ്രാൻസിസ് ടി. എം, എന്നിവർ മേപ്പാടി പഞ്ചായത്തിലെത്തിയാണ് ധനസഹായം വിതരണം ചെയ്തത്.

35 കാരിയെ കൊലപ്പെടുത്തി സ്യൂട്ട്കേസിലാക്കിയ 22 കാരൻ അറസ്റ്റിൽ

September 20, 2024 Arya

ചെന്നൈ: 35കാരിയെ കൊലപ്പെടുത്തി സ്യൂട്ട്കേസിലാക്കി ഉപേക്ഷിച്ച 22കാരനെ പോലീസ് അറസ്റ്റ് ചെയ്തു. ചെന്നൈ ദുരൈപാക്കത്ത് കഴിഞ്ഞ ദിവസം പുലർച്ചെ 5.30ഓടെ നാട്ടുകാരാണ് രക്തം ഒലിച്ചിറങ്ങുന്ന നിലയില്‍ സ്യൂട്ട്കേസ് കണ്ടെത്തിയത്. തുടർന്ന് പോലീസില്‍ വിവരം അറിയിച്ചു. പോലീസ് നടത്തിയ പരിശോധനയില്‍ സ്യൂട്ട്കേസിനുള്ളില്‍ വെട്ടിമുറിച്ച്‌ കഷണങ്ങളാക്കിയ നിലയില്‍ സ്ത്രീയുടെ മൃതദേഹം കണ്ടെത്തി. ചെന്നൈ മടവരത്തുനിന്ന് മൂന്ന് ദിവസം മുമ്പ് കാണാതായ ദീപയുടെ മൃതദേഹമാണെന്ന് പോലീസ് തിരിച്ചറിഞ്ഞു. തുടർന്ന് നടത്തിയ അന്വേഷണത്തില്‍ മണികണ്ഠൻ എന്ന 22കാരനെ പോലീസ് അറസ്റ്റ് ചെയ്തു. സ്യൂട്ട്കേസുമായി ഇയാള്‍ നടന്നുപോകുന്ന സിസിടിവി ദൃശ്യങ്ങള്‍ പോലീസിന്…

രാജ്യത്തെ ആദ്യ ബുള്ളറ്റ് ട്രെയിന്‍ ബെംഗളൂരുവിൽ

September 20, 2024 Arya

ബെംഗളൂരു: രാജ്യത്തെ ആദ്യ ബുള്ളറ്റ് ട്രെയിന്‍ ബെംഗളൂരുവിൽ നിര്‍മിക്കുമെന്ന് റിപ്പോര്‍ട്ട്. രണ്ട് ചെയര്‍-കാര്‍ ഹൈസ്പീഡ് ട്രെയിനുകള്‍ നിര്‍മിക്കുന്നതിനായി ഇന്റഗ്രല്‍ കോച്ച്‌ ഫാക്ടറി(ഐസിഎഫ്) സെപ്റ്റംബര്‍ അഞ്ചിന് ടെന്‍ഡര്‍ ക്ഷണിച്ചിരുന്നു. ട്രെയിനിന്റെ പരമാവധി വേഗത മണിക്കൂറില്‍ 280 കിലോമീറ്ററും പ്രവര്‍ത്തന വേഗത മണിക്കൂറില്‍ 250 കിലോമീറ്ററുമാണ്. ട്രെയിനുകള്‍ ബംഗളുരുവിലെ ബിഇഎംഎല്‍ പ്ലാന്റില്‍ നിര്‍മിക്കുമെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ട് സൂചിപ്പിക്കുന്നത്. ബിഇഎംഎല്‍ മാത്രമാണ് രണ്ട് എട്ട്-കാര്‍ ട്രെയിന്‍ സെറ്റ് നിര്‍മ്മിക്കാനുള്ള അപേക്ഷ സമര്‍പ്പിച്ചത്. ടെന്‍ഡര്‍ നടപടികളില്‍ ഒരാഴ്ചയ്ക്കുള്ളില്‍ അന്തിമ തീരുമാനമെടുക്കും. രണ്ട് ട്രെയിനുകള്‍ക്കുള്ള ചെറിയ ഓര്‍ഡര്‍ ആയതിനാല്‍ മറ്റ്…