Day: 21 September 2024

ബെംഗളൂരു : ബെംഗളൂരു എം.എസ്. രാമയ്യ മെഡിക്കൽ കോളേജ് ആശുപത്രിയിൽ വ്യാഴാഴ്ചയുണ്ടായ തീപ്പിടിത്തത്തെത്തുടർന്ന് മലയാളി യുവാവ് മരിച്ച സംഭവത്തിൽ ആശുപത്രി മാനേജ്‌മെന്റിനെതിരേ പോലീസ് കേസെടുത്തു. ന്യൂമോണിയ ബാധിച്ച് സി.സി.യു.വിൽ ചികിത്സയിലായിരുന്ന കൊല്ലം പുനലൂർ തുമ്പിക്കുന്നത്ത് വീട്ടിൽ സുജയ് സുജാതൻ പണിക്കരാ ണ് (35) മരിച്ചത്. ആശുപത്രി മാനേജ്‌മെന്റിന്റെ അശ്രദ്ധ കാരണമാണ് സുജയ് മരിച്ചതെന്നാരോപിച്ച് ബന്ധുക്കൾ നൽകിയ പരാതിയിലാണ് സദാശിവനഗർ പോലീസ് കേസെടുത്തത്. സെപ്റ്റംബർ ഒന്നിനാണ് സുജയിനെ ആശുപത്രിയിൽ ഐ.സി.യു.വിൽ പ്രവേശിപ്പിച്ചത്. പിന്നീട് സി.സി.യു.വിലേക്ക് മാറ്റുകയായിരുന്നു. ഓക്സിജൻ ലെവൽ സാധാരണ പോലെയായി സുജയ് ആരോഗ്യവാനായിരുന്നുവെന്നും ഇതിനിടെയാണ്…

കണ്ണൂർ: മലപ്പുറം സ്വദേശിക്ക് എംപോക്സ് സ്ഥിരീകരിച്ചതിന് പിന്നാലെ കണ്ണൂരിലും എംപോക്സ് രോ​ഗമെന്ന് സംശയം. രോഗലക്ഷണങ്ങളോടെ ഒരാളെ ചികിത്സയില്‍ പ്രവേശിപ്പിച്ചു. സെപ്തംബര്‍ ഒന്നിന് വിദേശത്ത് നിന്നും വന്നയാൾക്കാണ് എംപോക്‌സ് രോഗ ലക്ഷണങ്ങള്‍ കണ്ടത്. പരിയാരം മെഡിക്കല്‍ കോളജില്‍ ഐസോലേഷനിലാണ് ഇയാൾ. കഴിഞ്ഞ ഒരാഴ്ച്ചയായി രോഗ ലക്ഷണങ്ങളുള്ള പ്രകടിപ്പിച്ച ഇദ്ദേഹത്തെ ഇന്ന് രാവിലെയാണ് ആശുപത്രിയില്‍ പ്രവേശിപ്പിച്ചത്. സംശയത്തിന്റെ അടിസ്ഥാനത്തിലാണ് പരിയാരം മെഡിക്കല്‍ കോളെജില്‍ ഐസോലേഷനിലേക്കാണ് മാറ്റിയത്. സാമ്പിള്‍ പരിശോധനയ്ക്ക് അയച്ചു. പരിശോധന ഫലം നാളെയോ മറ്റന്നാളോ ലഭിക്കും. ചിക്കന്‍ പോക്‌സ് ആയേക്കാമെന്ന സാധ്യതയും ആശുപത്രി അധികൃതര്‍ തള്ളുന്നില്ല.

ഷിരൂർ: മണ്ണിടിച്ചിലില്‍ കാണാതായ കോഴിക്കോട് സ്വദേശി അർജുനായുളള തെരച്ചില്‍ അതിനിർണായകഘട്ടത്തില്‍. മുങ്ങല്‍വിദഗ്ദ്ധൻ ഈശ്വർ മാല്‍പെ ഗംഗാവലിപ്പുഴയിലിറങ്ങി നടത്തിയ പരിശോധനയില്‍ ലോറിയുടെ കൂടുതല്‍ ഭാഗങ്ങള്‍ കണ്ടെടുത്തു. അർജുന്റെ ലോറിയുടെതാണെന്ന് കരുതപ്പെടുന്ന ടയറുകളും സ്റ്റിയറിംഗും ഉള്‍പ്പെടെ കണ്ടെത്തിയതിന് പുറമെ മറ്റൊരു ഭാഗത്ത് വെറൊരു വാഹനത്തിന്‍റെ ഭാഗങ്ങളും കണ്ടെത്തിയിട്ടുണ്ട്. ക്രെയിൻ ഉപയോഗിച്ച്‌ ഉയർത്തിയ രണ്ട് ടയറുകള്‍ അർജുന്റെ ലോറിയുടെതല്ലന്നാണ് ഉടമ മനാഫ് പറയുന്നത്.

ബെംഗളൂരു : റായ്ച്ചൂരുവിൽ അമിതവേഗത്തിലെത്തിയ ബസ്സിടിച്ച് 136 ആടുകൾ ചത്തു. വെള്ളിയാഴ്ച ഉച്ചയ്ക്ക് യെർമാരസിലായിരുന്നു സംഭവം. റോഡിലൂടെ നടന്നുപോവുകയായിരുന്ന അഞ്ഞൂറോളം ആടുകൾക്കിടയിലേക്ക് ഹൈദരാബാദിൽ നിന്ന് ബെലഗാവിയിലേക്ക് പോവുകയായിരുന്ന സ്വകാര്യ സ്ലീപ്പർ ബസ് ഇടിച്ചു കയറുകയായിരുന്നുവെന്ന് പോലീസ് പറഞ്ഞു. തെലങ്കാന നാരായൺപേട്ട് സ്വദേശി ബാലരാജു, ശ്രീനിവാസ് എന്നിവരുടേതായിരുന്നു ആടുകൾ. 30 ലക്ഷത്തിലേറെ രൂപയുടെ നഷ്ടം കണക്കാക്കുന്നതായി പോലീസ് പറഞ്ഞു.