Day: 20 August 2024

ബെംഗളൂരു : മണ്ണിടിച്ചിലുണ്ടായ ബെംഗളൂരു-മംഗളൂരു റെയിൽപ്പാത ഗതാഗതയോഗ്യമാക്കി. ഇതോടെ, കെ.എസ്.ആർ. ബെംഗളൂരു-കണ്ണൂർ എക്സ്‌പ്രസിന്റെയും (16511) കണ്ണൂർ-കെ.എസ്.ആർ. ബെംഗളൂരു എക്സ്‌പ്രസിന്റെയും (16512) സർവീസ് ചൊവ്വാഴ്ച പുനരാരംഭിക്കും. ഹാസനിലെ സകലേശപുര-ബല്ലുപേട്ട് സ്റ്റേഷനുകൾക്കിടയിൽ വെള്ളിയാഴ്ചയാണ് പാളത്തിലേക്ക് മണ്ണിടിഞ്ഞുവീണത്. തുടർന്ന് ഈ റൂട്ടിലെ തീവണ്ടിസർവീസുകളെല്ലാം റദ്ദാക്കിയിരുന്നു. പാളത്തിൽനിന്ന് മണ്ണുനീക്കി സുരക്ഷ ഉറപ്പുവരുത്തിയാണ് ഗതാഗതയോഗ്യമാക്കിയതെന്ന് ദക്ഷിണ പശ്ചിമ റെയിൽവേ അറിയിച്ചു.

ബെംഗളൂരു : കോൺഗ്രസും ബി.ജെ.പിയും തമ്മിലുള്ള രാഷ്ട്രീയ ചേരിപ്പോരിനെ തുടർന്ന് ഗ്രാമപഞ്ചായത്ത് കെട്ടിടം രണ്ട് തവണ അലങ്കരിച്ച് ഉദ്ഘാടനം ചെയ്തതായി ആരോപണം. ബിജെപി എംഎൽഎ ശശികല ജോളിയും എംപി പ്രിയങ്ക ജാരക്കിഹോളിയും തമ്മിലുള്ള വാക്കേറ്റത്തെ തുടർന്ന് രണ്ട് തവണയാണ് ഗ്രാമവാസികൾ കെട്ടിട ഉദ്ഘാടന ചടങ്ങിൽ പങ്കെടുത്തത്. ബെൽഗാം ജില്ലയിലെ നിപ്പാനി താലൂക്കിലെ യരണാല ഗ്രാമപഞ്ചായത്ത് കെട്ടിടം തങ്ങളുടെ അഭിമാനവേദിയാക്കി രണ്ട് രാഷ്ട്രീയ നേതാക്കൾ ഉദ്ഘാടനം ചെയ്തു. നാല് ദിവസം മുമ്പ് പ്രാദേശിക ബിജെപി എംഎൽഎ ശശികല കെട്ടിടം ഉദ്ഘാടനം ചെയ്തിരുന്നു. ഈ സമയം കോൺഗ്രസ്…

ബെംഗളൂരു : താമസസ്ഥലത്തെത്തിക്കാമെന്നു പറഞ്ഞ് വിദ്യാർഥിനിയെ ബൈക്കിൽ കയറ്റിക്കൊണ്ടുപോയി പീഡിപ്പിച്ച കേസിൽ പ്രതി അറസ്റ്റിൽ. ബെംഗളൂരുവിൽ നൃത്തസംവിധായകനായ ആഡുഗോഡി എസ്.ആർ. നഗർ സ്വദേശി മുകേശ്വരൻ എന്ന മുകേഷ് (24) ആണ് അറസ്റ്റിലായത്. യുവതി നൽകിയ സൂചനകളുടെയും സംഭവസ്ഥലത്തുനിന്ന് ലഭിച്ച സി.സി.ടി.വി. ദൃശ്യങ്ങളുടെയും അടിസ്ഥാനത്തിൽ തിരച്ചിൽ നടത്തിയ പോലീസ് താമസസ്ഥലത്തുനിന്നാണ് ഇയാളെ അറസ്റ്റുചെയ്തതെന്ന് ഡെപ്യൂട്ടി പോലീസ് കമ്മിഷണർ സാറാ ഫാത്തിമ പറഞ്ഞു. അവസാനവർഷ ബിരുദവിദ്യാർഥിനിയായ 21-കാരിയാണ് ഞായറാഴ്ച പുലർച്ചെ പീഡനത്തിനിരയായത്. യുവതി ആശുപത്രിയിൽ ചികിത്സയിലാണ്. സുഹൃത്തുക്കളോടൊപ്പം നഗരത്തിലെ കോറമംഗലയിൽ ഒരുപാർട്ടിയിൽ പങ്കെടുത്ത് തിരികെവരുകെയായിരുന്നു യുവതി. സുഹൃത്തിന്റെ…