Month: July 2024

ബംഗളുരു: കർണ്ണാടക സർക്കാർ കന്നഡ വികസന അതോറിട്ടിയും മലയാളം മിഷനും സംയുക്തമായി നടത്തുന്ന കന്നഡ പഠന പദ്ധതിയുടെ ഉദ്ഘാടനം കർണ്ണാടക നിയമസഭാ സ്പീക്കർ യു. ടി ഖാദർ നിർവ്വഹിച്ചു. കർണ്ണാടകയിൽ താമസിക്കുന്ന മറ്റു ഭാഷകൾ സംസാരിക്കുന്നവർ കന്നഡ തീർച്ചയായും പഠിച്ചിരിക്കണം. പരസ്പര സ്നേഹവും സാഹോദര്യവും വളർത്തുന്നതിൽ ഭാഷക്ക് സുപ്രധാനമായ പങ്കുണ്ട്. കന്നഡ ഭാഷ മറ്റു ഭാഷകളെ ഉൾക്കൊള്ളുകയും അവയിൽ നിന്ന് പല വാക്കുകളും കടമെടുക്കുകയും ചെയ്തിട്ടുണ്ട്. ചിട്ടയായ പാഠ്യപദ്ധതിയിലൂടെയാണ് കന്നഡ വികസന അതോറിട്ടി കന്നഡ ക്ലാസ്സുകൾ സംഘടിപ്പിക്കുന്നത്. മലയാളം മിഷൻ ഈ ദൗത്യം ഏറ്റെടുക്കുന്നതിൽ…

ബംഗളൂരു :  കുടുംബ വ്യവസ്ഥയെ തകര്‍ക്കാനുള്ള ഒളിയജണ്ടകള്‍ക്കെതിരെ പൊതു സമൂഹം ജാഗ്രത പാലിക്കണമെന്ന് വിസ്ഡം ഇസ്ലാമിക് ഓര്‍ഗനൈസേഷൻ ബംഗളൂരുവിൽ സംഘടിപ്പിച്ച ഫാമിലി കോണ്‍ഫറന്‍സ് ആവശ്യപ്പെട്ടു. വിശ്വാസ വിശുദ്ധി, സംതൃപ്ത കുടുംബം’ എന്ന പ്രമേയത്തിലാണ് ആറു മാസക്കാലത്തെ പ്രചാരണത്തിന് സമാപനമായി സമ്മേ ളനം നടന്നത്. ധാര്‍മ്മികത നിലനിര്‍ത്തുന്നതില്‍ സുപ്രധാന പങ്ക് വഹിക്കുന്ന കുടുംബ സംവിധാനത്തെ തകര്‍ക്കാന്‍ കാരണമാകുന്ന എല്ലാ ചിന്താ ധാരകളും സമൂഹത്തിന്റെ പിന്നോട്ട് പോക്കിന് മാത്രമേ കാരണമാവുകയുള്ളൂ. കുടുംബ സംവിധാനം നേരിടുന്ന വെല്ലുവിളികള്‍ക്ക് ക്രിയാത്മക പരിഹാര മാര്‍ഗങ്ങള്‍ക്ക് നേതൃത്വം കൊടുക്കാന്‍ സര്‍ക്കാര്‍ സംവിധാനങ്ങളും മത…

ബെംഗളൂരു: ഡ്രൈവർരഹിത മെട്രോ സർവീസ് നടത്തുന്ന ആർ.വി. റോഡ്-ബൊമ്മസാന്ദ്ര മെട്രോപാതയിൽ (യെല്ലോ ലൈൻ) വൈദ്യുതിവിതരണത്തിനുള്ള അനുമതി റെയിൽവേ ബോർഡ് ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡിന് (ബി.എം.ആർ.സി.എൽ.) നൽകി. വാണിജ്യാടിസ്ഥാനത്തിൽ സർവീസാരംഭിക്കാൻ ഇനി റെയിൽവേ ബോർഡിൽനിന്ന് രണ്ടനുമതികൂടി ലഭിക്കേണ്ടതുണ്ടെന്ന് ബി.എം.ആർ.സി.എൽ. ഉദ്യോഗസ്ഥൻ പറഞ്ഞു. ഈവർഷം ഡിസംബറോടെ യെല്ലോ ലൈനിൽ മെട്രോ സർവീസ് തുടങ്ങാനാണ് ലക്ഷ്യമിട്ടിരിക്കുന്നത്. ആർ.വി. റോഡിനെയും ബൊമ്മസാന്ദ്രയെയും ബന്ധിപ്പിക്കുന്ന 18.82 കിലോമീറ്റർ ദൂരമാണ് യെല്ലോ ലൈനിൽ വരുന്നത്.ആർ.വി. റോഡ്, റാഗിഗുഡ്ഡ, ജയദേവ ഹോസ്പിറ്റൽ, ബി.ടി.എം. ലേഔട്ട്, സിൽക്ക് ബോർഡ്, ബൊമ്മനഹള്ളി, ഹൊങ്കസാന്ദ്ര, കുഡ്‌ലു…

ബെംഗളൂരു: രാജാജിനഗറിന് സമീപം വൈറ്റ് ടോപ്പിംഗ് കാരണം ജൂലൈ 25 മുതൽ രാജാജിനഗർ ഒന്നാം ബ്ലോക്ക് മുതൽ ഡോ.രാജ്കുമാർ റോഡിൻ്റെ പത്താം ക്രോസ് വരെ ഗതാഗത നിയന്ത്രണം ഏർപ്പെടുത്തിയതായി ബെംഗളൂരു ട്രാഫിക് പോലീസ് വകുപ്പ് അറിയിച്ചു. ട്രാഫിക് റൂട്ട് മാറ്റം ഇസ്‌കോൺ പ്രവേശന ഭാഗത്ത് നിന്ന് വരുന്ന വാഹനങ്ങൾക്ക് സ്റ്റാർ സർക്കിൾ (മോദി ബ്രിഡ്ജ്) ഇടത്തേക്ക് തിരിഞ്ഞ് നവരംഗ് സർക്കിളിന് സമീപം ഇടത്തേക്ക് തിരിഞ്ഞ് ഡോ.രാജ്കുമാർ റോഡ് പത്താം ക്രോസിലേക്ക് പോകാം. താഴത്തെ മഹാലക്ഷ്മി ലേഔട്ടിൽ നിന്ന് പോകുന്ന വാഹനങ്ങൾക്ക് സ്റ്റാർ സർക്കിളിൽ (മോദി…

ബെംഗളൂരു: കനകപുരയില്‍ ദളിത് യുവാവിന്റെ കൈ മുറിച്ചുമാറ്റുകയും കുടുംബാംഗങ്ങളെ ആക്രമിക്കുകയുംചെയ്ത സംഭവത്തില്‍ ഏഴാളുടെപേരില്‍ പോലീസ് കേസെടുത്തു. മാലഗലു സ്വദേശികളായ ഹർഷ, കരുണേശ, ഹാരുല്‍, ശിവ, ശങ്കര, സുബ്ബ, ദർശൻ എന്നിവരുടെപേരിലാണ് കേസെടുത്തത്. ഇതില്‍ നാലുപേരെ അറസ്റ്റുചെയ്തിട്ടുണ്ട്. മാലഗലു സ്വദേശിയായ അനീഷിന്റെ കൈയാണ് പ്രതികള്‍ മുറിച്ചെടുത്തത്. ജാതി പരാമർശത്തെത്തുടർന്നുള്ള തർക്കം സംഘർഷത്തില്‍ കലാശിക്കുകയായിരുന്നു. കഴിഞ്ഞ ഞായറാഴ്ച അനീഷും ബന്ധുവുംകൂടി റോഡിലൂടെ നടന്നുപോകുമ്പോള്‍ പ്രതികളിലൊരാളായ ശിവ ഇരുവർക്കുമെതിരേ ജാതിപരാമർശം നടത്തി. ഇതേത്തുടർന്ന് വഴക്കുണ്ടാവുകയും ശിവ മടങ്ങിപ്പോയി സുഹൃത്തുക്കളെ കൂട്ടിവന്ന് അനീഷിന്റെ വീട്ടില്‍ അതിക്രമിച്ചു കയറി. കുടുംബാംഗങ്ങളെ ജാതി…

ബെംഗളൂരു: കെ എസ് ആർ ടി സി സൂപ്പർ എക്‌സ്പ്രസ് ബസില്‍ സിഗരറ്റ് കടത്ത്. ബെംഗളൂരുവില്‍ നിന്ന് കോഴിക്കോടേക്ക് പോയ ബസിലാണ് സിഗരറ്റ് കടത്ത് നടന്നത്. സംഭവം നടന്നത് ഇന്നലെയാണ്. കെ എസ് ആർ ടി സിയുടെ വിജിലൻസ് വിഭാഗമാണ് സിഗരറ്റ് പാക്കറ്റുകള്‍ കണ്ടെടുത്തത്. പിടിച്ചെടുത്തത് എണ്‍പത് പാക്കറ്റ് സിഗരറ്റാണ്. പിന്നീട് ഇത് സംസ്ഥാന എക്സൈസ് വകുപ്പിന് കൈമറുകയുണ്ടായി. സിഗരറ്റ് കണ്ടെത്തിയത് ബസിലുണ്ടായിരുന്ന ബാഗിനകത്താണ്. ഇത് ആരുടേതാണെന്ന് വ്യക്തമായിട്ടില്ല. കണ്ടക്ടർ വിജിലൻസ് ഉദ്യോഗസ്ഥരോട് പറഞ്ഞത് സിഗരറ്റിനെ കുറിച്ച്‌ അറിയില്ലെന്നാണ്. എന്നാല്‍, കണ്ടക്ടറാണ് ബസില്‍ നിയമ…