ബെംഗളൂരു : ശിവമോഗയിൽ സുഹൃത്തുക്കളായ രണ്ട് യുവാക്കൾക്കും യുവതിക്കും നേരേ സദാചാര ആക്രമണം.
സംഭവത്തിൽ പോലീസ് കേസെടുത്തു. തുംഗ റിസർവോയറിനു സമീപമാണ് ആക്രമണമുണ്ടായത്.
സുഹൃത്തുക്കളായ മൂന്നുപേരും ഇവിടെയെത്തി സംസാരിച്ചുകൊണ്ടിരിക്കെ നാല് യുവാക്കൾ ഇവരെ ആക്രമിക്കുകയായിരുന്നെന്ന് പോലീസ് പറഞ്ഞു.
യുവാക്കളെ ആക്രമിച്ച ശേഷം യുവതിയെ അവിടെ ഉപേക്ഷിച്ചു പോകാൻ ആവശ്യപ്പെട്ടു. യുവാക്കൾ വിവരമറിയിച്ചതിനെത്തുടർന്ന് പോലീസ് സ്ഥലത്തെത്തി യുവതിയെ രക്ഷപ്പെടുത്തി.
അക്രമിസംഘത്തിനെതിരേ യുവതിയെ തട്ടിക്കൊണ്ടുപോകാൻ ശ്രമിച്ചതിനുൾപ്പെടെ കേസെടുത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
