Month: June 2024

ബെംഗളൂരു : കർണാടകത്തിൽ നാല് ഇലക്‌ട്രോണിക്സ് നിർമാണ ക്ലസ്റ്ററുകൾ സ്ഥാപിക്കാനൊരുങ്ങി സർക്കാർ. ബെംഗളൂരു റൂറലിലെ ആദിനാരായണ ഹൊസഹള്ളി, മൈസൂരുവിലെ കൊച്ചനഹള്ളി, തുമകൂരുവിലെ വസന്തനരസപുര, ധാർവാഡിലെ കൊട്ടുർ-ബെലൂർ എന്നിവിടങ്ങളിലാണ് ക്ലസ്റ്ററുകൾ സ്ഥാപിക്കുന്നത്. ഇതിൽ ധാർവാഡിലെ പദ്ധതിക്ക് കേന്ദ്ര ഇലക്‌ട്രോണിക്‌സ് ആൻഡ് ഇൻഫർമേഷൻ ടെക്നോളജി വകുപ്പിന്റെ അനുമതി ലഭിച്ചുകഴിഞ്ഞു. ബാക്കി സ്ഥലങ്ങളിലെ പദ്ധതികൾക്കുള്ള അനുമതിതേടി കർണാടക ഐ.ടി. വകുപ്പുമന്ത്രി പ്രിയങ്ക് ഖാർഗെ കേന്ദ്ര ഇലക്‌ട്രോണിക്സ് ആൻഡ് ഇൻഫർമേഷൻ ടെക്‌നോളജി മന്ത്രി അശ്വിനി വൈഷ്ണവിന് അപേക്ഷ സമർപ്പിച്ചിട്ടുണ്ട്. സംസ്ഥാനത്ത് 300-ലധികം കയറ്റുമതിയധിഷ്ഠിത നിർമാണയൂണിറ്റുകൾ നിലവിലുണ്ട്.

ബെംഗളൂരു : ബെംഗളൂരുവിലെ സ്വകാര്യ നഴ്‌സിങ് കോളേജിന്റെ അഞ്ചുബസുകൾക്ക് തീപിടിച്ചു. ബെംഗളൂരു ഹെഗ്ഗനഹള്ളി ക്രോസിലെ കോളേജിനുമുമ്പിൽ പാർക്കിങ് സ്ഥലത്ത് നിർത്തിയിട്ടിരിക്കുകയായിരുന്ന ബസുകളാണ് തീകത്തിനശിച്ചത്. ശനിയാഴ്ച ഉച്ചകഴിഞ്ഞ് 2.40-നാണ് തീപ്പിടിത്തമുണ്ടായത്. ബസുകളിൽ ആരുമുണ്ടായിരുന്നില്ല. ബസുകൾ അടുത്തടുത്തായി പാർക്ക് ചെയ്തിരിക്കുകയായിരുന്നു. ഒരു ബസിന് ആദ്യം തീപിടിച്ചു. പിന്നീട് മറ്റു ബസുകളിലേക്ക് പടരുകയായിരുന്നു. തീപ്പിടിത്തത്തിന്റെ കാരണം വ്യക്തമായിട്ടില്ല. കോളേജ് അധികൃതർ വിവരമറിയിച്ചതിനെത്തുടർന്ന് അഗ്നിരക്ഷാസേനയെത്തി തീയണച്ചു. അപ്പോഴേക്കും അഞ്ചുബസുകളും കത്തിനശിച്ചിരുന്നു. തൊട്ടടുത്തായി രണ്ടു ബസുകൾ കൂടിയുണ്ടായിരുന്നെങ്കിലും അവയിലേക്ക് തീപടരാതെ സംരക്ഷിക്കാനായി. രാജഗോപാൽ നഗർ പോലീസ് സ്ഥലത്തെത്തി അന്വേഷണം നടത്തി.

ബംഗളൂരു: മുൻ എംപിയ്‌ക്കെതിരായ ബലാത്സംഗം, ലൈംഗിക പീഡനം, അതിക്രമം എന്നീ കുറ്റങ്ങൾ അന്വേഷിക്കുന്ന പ്രത്യേക അന്വേഷണ സംഘത്തിൻ്റെ (എസ്ഐടി) കസ്റ്റഡി അവസാനിച്ചതിനാൽ മജിസ്‌ട്രേറ്റ് ശനിയാഴ്ച പ്രജ്വൽ രേവണ്ണയെ ജൂലൈ 8 വരെ ജുഡീഷ്യൽ കസ്റ്റഡിയിൽ വിട്ടു. കൂടുതൽ കസ്റ്റഡി നീട്ടാൻ എസ്ഐടി ആവശ്യപ്പെട്ടിട്ടില്ലെന്നും അതിനാൽ മജിസ്‌ട്രേറ്റ് പ്രജ്വലിനെ (33) ജയിലിലേക്ക് അയച്ചതായും കേസുമായി പരിചയമുള്ള ഉദ്യോഗസ്ഥർ പറഞ്ഞു. തുടർന്ന് മുൻ എംപിയെ ബെംഗളൂരുവിലെ പരപ്പന അഗ്രഹാര സെൻട്രൽ ജയിലിലേക്ക് കൊണ്ടുപോയി. അതേസമയം, മുൻ എംപിക്ക് സുഖമില്ലെന്നും കൂടുതൽ ചികിത്സയ്ക്കായി ആശുപത്രിയിലേക്ക് കൊണ്ടുപോകാൻ നിർദേശം നൽകണമെന്നും…