ബെംഗളൂരു : ഹാസൻ ജില്ലയിലെ ഹനമന്തപൂർ ഗ്രാമത്തിൽ പണം മോഷ്ടിക്കാനെത്തിയ മോഷ്ടാക്കൾ എടിഎം മെഷീൻ അപഹരിച്ചു. ഹനുമന്തപുരയിൽ ഇന്ത്യ വൺ എന്ന പേരിലുള്ള എടിഎം കേന്ദ്രത്തിലാണ് സംഭവം.
പുലർച്ചെ രണ്ട് മണിയോടെ മോഷ്ടാക്കൾ എടിഎം കുത്തിത്തുറന്ന് പണം അപഹരിക്കാൻ ശ്രമിച്ചു. എന്നാൽ അത് സാധ്യമാകാതെ വന്നപ്പോൾ അവർ എടിഎം മെഷീൻ മൊത്തത്തിൽ കൊണ്ടുപോയി.
കൂടാതെ മെഷീനിൽ സിസി ക്യാമറയും ഡിവിആറും ഉള്ളതിനാൽ മെഷീൻ അവിടെ വച്ചാൽ തങ്ങളുടെ സൂചന കിട്ടുമോ എന്ന് ഭയന്നാണ് എടിഎം മെഷീൻ കൂടെ കൊണ്ടുപോയതെന്നാണ് റിപ്പോർട്ടുകൾ.
ഹാസൻ റൂറൽ പോലീസ് സ്റ്റേഷൻ പരിധിയിൽ നടന്ന സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
ഡോഗ് സ്ക്വാഡ് സ്ഥലത്തെത്തി പരിശോധന നടത്തി ചുറ്റുപാടുമുള്ള സിസിടിവി ദൃശ്യങ്ങൾ മുതലെടുത്ത് പ്രതികളെ പിടികൂടാൻ വേണ്ട നടപടികൾ സ്വീകരിച്ച് വരികയാണ്.
