ബെംഗളൂരു : മൊബൈൽ ഫോണിനെച്ചൊല്ലിയുള്ള തർക്കത്തിനിടെ അനുജനെ കൊന്ന 18 വയസ്സുകാരൻ അറസ്റ്റിലായി. സർജാപുര സ്വദേശി ശിവകുമാർ ആണ് അറസ്റ്റിലായത്. സഹോദരൻ പ്രാണേഷിനെയാണ് ശിവകുമാർ കൊലപ്പെടുത്തിയത്. പ്രാണേഷ് പതിവായി ശിവകുമാറിന്റെ മൊബൈൽ ഫോണെടുത്ത് ഗെയിം കളിക്കുമായിരുന്നെന്നും ഫോൺ തിരികെ കൊടുക്കില്ലായിരുന്നെന്നും പോലീസ് പറഞ്ഞു. ഇതേച്ചൊല്ലി ഇരുവരും വഴക്കിടുന്നത് പതിവായിരുന്നു. കഴിഞ്ഞ ദിവസം പ്രാണേഷ് ഫോണെടുത്ത് കളിച്ചു. ശിവകുമാർ ഫോൺ തിരികെ ചോദിച്ചിട്ടും കൊടുത്തില്ല. ഇതേത്തുടർന്ന് പ്രകോപിതനായ ശിവകുമാർ ചുറ്റികയെടുത്ത് പ്രാണേഷിനെ അടിച്ചു. കുഴഞ്ഞുവീണ പ്രാണേഷ് മരിച്ചെന്നും പോലീസ് പറഞ്ഞു.
Read Moreമൊബൈൽ ഫോണിനെ ചൊല്ലി തർക്കം; അനുജനെ കൊന്ന സഹോദരൻ അറസ്റ്റിൽ
