Day: 21 April 2024

ബെംഗളൂരു : കർണാടകത്തിൽ മോദി തരംഗമില്ലെന്നും സംസ്ഥാനം കോൺഗ്രസിന് അനുകൂലമാണെന്നും മുഖ്യമന്ത്രി സിദ്ധരാമയ്യ. മൈസൂരുവിൽ മാധ്യമങ്ങളോട് സംസാരിക്കുമ്പോഴായിരുന്നു അദ്ദേഹത്തിന്റെ അഭിപ്രായപ്രകടനം. മോദി സർക്കാരിനെതിരായ വികാരമാണ് വോട്ടർമാർക്കെന്നും സിദ്ധരാമയ്യ പറഞ്ഞു.

ബെംഗളൂരു : മൈസൂവിലേക്ക് വിനോദയാത്രയ്ക്കുവന്ന കാഞ്ഞിരപ്പള്ളി സ്വദേശിനിക്ക് കാട്ടാനയുടെ ആക്രമണത്തിൽ പരിക്കേറ്റു. കുളപ്പുറം ഈറ്റക്കുഴി പരേതനായ ഭാസ്കരന്റെ ഭാര്യ തങ്കമ്മ(66)യാണ് ഗൂഡല്ലൂർ ചെക്പോസ്റ്റിന് സമീപം വെച്ച് ഒറ്റയാന്റെ ആക്രമണത്തിനിരയായത്. ശനിയാഴ്ച പുലർച്ചെ അഞ്ചരയ്ക്ക് തമിഴ്നാട്ടിലെ തെരേപ്പള്ളി ചെക്പോസ്റ്റിന് സമീപം ശൗചാലയത്തിൽ കയറി തിരികെ റോഡിലേക്കിറങ്ങുമ്പോൾ പിന്നാലെയെത്തിയ കാട്ടാന തുമ്പിക്കൈക്ക് തങ്കമ്മയെ അടിച്ചുവീഴ്ത്തുകയായിരുന്നു. ആനയുടെ കാലുകൾക്കിടയിൽപ്പെട്ടെങ്കിലും അദ്‌ഭുതകരമായി രക്ഷപ്പെട്ടു. കൂടെയുണ്ടായിരുന്നവർ ബഹളമുണ്ടാക്കിയതിനെത്തുടർന്ന് ആന പിൻവാങ്ങി. തലയ്ക്കും നടുവിനും ഗുരുതരമായി പരിക്കേറ്റ് ബോധരഹിതയായ തങ്കമ്മയെ തൊട്ടടുത്തുള്ള താലൂക്ക് ആശുപത്രിയിൽ പ്രഥമശുശ്രൂഷ നൽകിയതിനുശേഷം ഗൂഡല്ലൂർ മെഡിക്കൽ കോളേജ് ആശുപത്രിയിൽ…

ബെംഗളൂരു : കടുത്ത ചൂടിന് ആശ്വാസമായിവന്നെത്തിയ വേനൽമഴയിലും കാറ്റിലും കർണാടകത്തിലെ ശിവമോഗയിൽ കനത്ത മഴയിൽ ഒരു മരണം  . തീർഥഹള്ളിയിലെ ഡെംലാപുരയ്ക്കുസമീപം വ്യാഴാഴ്ച വൈകീട്ടാണ് അപകടമുണ്ടായത്. കർഷകനായ ജയന്ത് ഭട്ടാണ്‌ (64) മരിച്ചത്.  

ബെംഗളൂരു: കർണാടകയിലും പ്രത്യേകിച്ച് ഇന്ത്യൻ സിലിക്കൺ സിറ്റിയിലും ഉയർന്ന താപനില കുതിച്ചുയരുന്ന സാഹചര്യത്തിൽ ബിയർ വിൽപ്പനയിൽ വൻ കുതിച്ചുചാട്ടം. അടുത്തിടെ പ്രമുഖ മാധ്യമങ്ങളുടെ റിപ്പോർട്ട് ചെയ്തതനുസരിച്ച്, എക്സൈസ് വകുപ്പിലെ ഒരു മുതിർന്ന ഉദ്യോഗസ്ഥൻ കർണാടകയിലെ വർദ്ധിച്ചുവരുന്ന താപനിലയാണ് വിൽപ്പനയിലെ ഈ കുതിച്ചുചാട്ടത്തിന് കാരണമെന്ന് പറഞ്ഞു. കഴിഞ്ഞ 15 ദിവസത്തിനിടെ സംസ്ഥാനത്തുടനീളം 23.5 ലക്ഷം കാർട്ടൺ പെട്ടി ബിയർ വിറ്റഴിച്ചതായാണ് റിപ്പോർട്ടുകൾ പറയുന്നു. 2023 ഏപ്രിൽ മാസത്തിലെ മൊത്തം വിൽപ്പനയുടെ 61% കർണാടക ഇതിനകം കൈവരിച്ചതായി ഡിപ്പാർട്ട്‌മെൻ്റിൽ നിന്ന് ലഭിച്ച വിവരങ്ങൾ സൂചിപ്പിക്കുന്നു. “കഴിഞ്ഞ ഏപ്രിലിൽ…