ബെംഗളൂരു: പണമടച്ചു താമസിക്കുന്ന അതിഥികളുടെ വിവരങ്ങൾ ശേഖരിക്കുന്നതിനായി ഒരു മൊബൈൽ ഫോൺ ആപ്പ് രൂപകൽപന ചെയ്യുമെന്നും അതിനായി ബെംഗളൂരു പോലീസ് ശ്രമിക്കുന്നതായി സിറ്റി ടോപ്പ് കോപ്പ് ബി ദയാനന്ദ പറഞ്ഞു.
പ്രശ്‌നങ്ങളൊന്നും ഉണ്ടാകാതിരിക്കാനും പിജികളിലെ വാടകക്കാരെ കുറിച്ച് അറിയുന്നതിനുമായി ഒരു ആപ്പ് സജ്ജീകരിക്കുന്നതിനായി സജീവമായി പ്രവർത്തിക്കുകയാണ് എന്നും അദ്ദേഹം പറഞ്ഞു. വരും ദിവസങ്ങളിൽ പദ്ധതി നടപ്പിലാക്കിയേക്കും.
ചില സംസ്ഥാനങ്ങൾ ഇതിനകം ഇത് നടപ്പാക്കിയിട്ടുണ്ട്. ആ മാതൃക പഠിക്കാനാണ് ശ്രമിക്കുന്നത്, അത് അനുയോജ്യമാണെങ്കിൽ, അത് ബെംഗളൂരുവിലും സ്വീകരിക്കും.
ഓപ്പറേറ്റർമാർ സോഫ്റ്റ്‌വെയർ വഴി ശേഖരിക്കുന്ന വിശദാംശങ്ങൾ പങ്കിടുന്നത് നിർബന്ധിത കാര്യമാക്കും.
പിജി ഓപ്പറേറ്റർമാരുമായി പോലീസിന് ഒരു ഡാറ്റാബേസ് ഉണ്ടായിരിക്കാനുള്ള പദ്ധതി അണിയറയിലാണ് എന്നും റിപ്പോർട്ടുകൾ ഉണ്ട്.
തെക്കുകിഴക്കൻ ഡിവിഷനിൽ നിരവധി പ്രശസ്തമായ വിദ്യാഭ്യാസ സ്ഥാപനങ്ങളും ടെക് പാർക്കുകളും ഉള്ളതുകൊണ്ടുതന്നെ ഈ മേഖലയിൽ നിരവധി പിജികളും അവിടെ സംസ്ഥാനത്തിന് പുറത്ത് നിന്നുള്ള ധാരാളം ആളുകളും താമസിക്കുന്നുണ്ട്.
കുറ്റകൃത്യങ്ങൾ തടയാനും മറ്റ് സംസ്ഥാനങ്ങളിൽ നിന്നുള്ളവർക്ക് സുരക്ഷിതമായ താമസം ഉറപ്പാക്കാനും ഡാറ്റാബേസ് സഹായിക്കുമെന്ന് പോലീസ് പറഞ്ഞു.
പിജികൾ, ഇപ്പോൾ, വലിയൊരു അസംഘടിത മേഖലയാണ്, പ്ലാനിന് ഓപ്പറേറ്റർമാരിൽ നിന്ന് മിനിമം കാര്യങ്ങൾ ആവശ്യമാണ്: കമ്പ്യൂട്ടർ ഇൻഫ്രാസ്ട്രക്ചർ, അടിസ്ഥാന ക്യാമറകൾ, സിസിടിവികൾ, കൂടാതെ ഡാറ്റയിൽ ഫീഡ് ചെയ്യാൻ ആരെങ്കിലും ഉണ്ടായിരിക്കണം. ഇപ്പോൾ, പദ്ധതി ഒരു പുതിയ ഘട്ടത്തിലാണ് എന്നും പോലീസ് വ്യക്തമാക്കി
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
