ഇൻസ്റ്റഗ്രാം ടിക് ടോക്‌ താരം ‘മീശ’ വിനീത് വീണ്ടും അറസ്റ്റിൽ.യുവതിയിൽ നിന്നും സ്വര്‍ണ്ണാഭരണങ്ങള്‍ കവര്‍ന്ന ശേഷം ദേഹോപദ്രവം ഏല്‍പ്പിച്ചു എന്ന കേസിലാണ് വീണ്ടും അറസ്റ്റിലായത്. ഇതിന് മുൻപും തിരുവനന്തപുരം കിളിമാനൂർ വെള്ളയൂർ സ്വദേശിയായ വിനീതിന് എതിരെ പത്തോളം മോഷണ കേസുകൾ ഉണ്ട്.
കൂടാതെ പീഡന കേസിലും മാസങ്ങൾക്ക് മുമ്പ് പെട്രോൾ പമ്പ് മാനേജരിൽനിന്ന് രണ്ടര ലക്ഷം രൂപ തട്ടിയെടുത്തെന്ന കേസുകളിലും അറസ്റ്റിലായിട്ടുണ്ട്. മാസങ്ങള്‍ക്ക് മുമ്പ് പെട്രോള്‍ പമ്പ് മാനേജരില്‍ നിന്ന് രണ്ടര ലക്ഷം രൂപ തട്ടിയെടുത്ത കേസില്‍ വിനീതിനെ അറസ്റ്റ് ചെയ്തിരുന്നു.
മാര്‍ച്ച് 23നാണ് കണിയാപുരത്തെ നിഫി ഫ്യുവല്‍സ് മാനേജര്‍ ഷായുടെ കൈയിലുണ്ടായിരുന്ന പണം വിനീതും സംഘവും കവര്‍ന്ന ശേഷം ബൈക്കിൽ കടന്നു കളയുകയായിരുന്നു.
സംഭവ സ്ഥലത്ത് നിന്നും രക്ഷപെട്ട വിനീതും സംഘവും പിന്നീട് ബൈക്ക് ഉപേക്ഷിച്ച് കടന്നുകളയുകയായിരുന്നു എന്നാൽ സിസിടിവി ദൃശ്യങ്ങളുടെ സഹായത്തോടെ പോലീസ് പ്രതികളെ തിരിച്ചറിയുകയും തൃശൂരിൽ ഒളിവിൽ കഴിയുന്നതിനിടെ പിടികൂടുകയുമായിരുന്നു.
