ബെംഗളൂരു: ഡിസംബറിൽ ബെംഗളൂരുവിനും മൈസൂരുവിനുമിടയിൽ യാത്രക്കാർക്ക് ഇലക്ട്രിക് ബസിൽ യാത്ര ചെയ്യാം. ആദ്യമായി കർണാടക സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷൻ (കെഎസ്ആർടിസി) സംസ്ഥാനത്തിനുള്ളിൽ ഇന്റർ സിറ്റി റൂട്ടിൽ ഇ-ബസ് പുറത്തിറക്കും. ഇ-ബസിന്റെ ആദ്യ മാതൃക ഹൈദരാബാദ് ആസ്ഥാനമായുള്ള ഒലെക്‌ട്ര ഗ്രീൻടെക് ലിമിറ്റഡ് ഡിസംബർ 15നകം ലഭ്യമാക്കുമെന്ന് അധികൃതർ അറിയിച്ചു.
തുടർന്ന് ഡിസംബർ 31 നകം മൊത്തം 25 ഇ-ബസുകളും ബാക്കി 25 എണ്ണം 2023 ഫെബ്രുവരി 15 നകം ലഭിക്കുമെന്ന് കെഎസ്ആർടിസി മാനേജിംഗ് ഡയറക്ടർ വി അൻബു കുമാർ പറഞ്ഞു.
ബെംഗളൂരുവിൽ നിന്ന് മൈസൂരു, വിരാജ്പേട്ട്, മടിക്കേരി, ദാവൻഗെരെ, ശിവമോഗ, ചിക്കമംഗളൂരു എന്നിവിടങ്ങളിലേക്ക് ഈ ഇ-ബസുകൾ ഘട്ടംഘട്ടമായി ഓടിക്കാൻ കോർപ്പറേഷൻ ഇന്റർസിറ്റി റൂട്ടുകൾ കണ്ടെത്തിയിട്ടുണ്ട്. ഇതിനായി മജസ്റ്റിക്കിലും മൈസൂരു ബസ് സ്റ്റാൻഡിലും ചാർജിംഗ് ഇൻഫ്രാസ്ട്രക്ചറിന്റെ ജോലികൾ ആരംഭിച്ചു. കൂടാതെ വിരാജ്പേട്ട ബസ് സ്റ്റാൻഡിലും മടിക്കേരി, ദാവൻഗെരെ, ശിവമോഗ, ചിക്കമംഗളൂരു എന്നിവിടങ്ങളിലെ ഡിപ്പോകളിലും ചാർജിംഗ് സൗകര്യം ഒരുക്കും.
യൂറോപ്യൻ മാതൃകയിലുള്ള 20 ബസുകളാണ് കെഎസ്ആർടിസി നിരത്തിലിറക്കാൻ ഉദ്ദേശിക്കുന്നത്. ആദ്യമായാണ് കെഎസ്ആർടിസി 20 നെക്സ്റ്റ്-ജെൻ വോൾവോ 9600 പ്ലാറ്റ്‌ഫോം ബിഎസ്-6 മൾട്ടി-ആക്‌സിൽ സ്ലീപ്പർ ബസുകൾ തങ്ങളുടെ ഫ്‌ളീറ്റിലേക്ക് ഉൾപ്പെടുത്താൻ തീരുമാനിച്ചിരിക്കുന്നത്. 15 മീറ്റർ സ്ലീപ്പർ കോച്ചിൽ 40 ബെർത്തുകളുണ്ടാകും, ഏറ്റവും ദൈർഘ്യമേറിയ ബസുകളിലൊന്നാണിത്.
യൂറോപ്യൻ ഡിസൈനിൽ നിന്ന് ഉരുത്തിരിഞ്ഞ വോൾവോ ആവശ്യമായ സ്ഥലവും സൗകര്യവും വാഗ്ദാനം ചെയ്യുന്നു. ഇതിന് വ്യക്തിഗത യുഎസ്ബി ചാർജിംഗ് പോർട്ടുകളും വ്യക്തിഗത എസി ലൂവറുകളും റീഡിംഗ് ലൈറ്റുകളും ഉണ്ടായിരിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
