ബെംഗളൂരു: ലൊട്ടേഗഹള്ളി-ബാനസ്വാഡി റൂട്ടിലെ മൂന്ന് ലെവൽ ക്രോസിംഗ് ഗേറ്റുകൾക്ക് താഴെയുള്ള റോഡ് ആസ്ഫാൽ ചെയ്യുന്നതിൽ ബെംഗളൂരു റെയിൽവേ ഡിവിഷന്റെ ഭാഗത്തുനിന്നുണ്ടായ കാലതാമസം ഡ്രൈവർമാർക്കും കാൽനടയാത്രക്കാർക്കും ദുരിതമാകുന്നു. ഹെബ്ബാൾ റെയിൽവേ സ്റ്റേഷനിൽ നിന്ന് അൽപ്പം അകലെ സ്ഥിതി ചെയ്യുന്ന രണ്ട് ലെവൽ ക്രോസിംഗ് ഗേറ്റുകൾ (ഗേറ്റ് നമ്പർ 148, 150) സന്ദർശിക്കുമ്പോൾ വാഹനങ്ങൾ ഗേറ്റുകൾ കടക്കേണ്ടിവരുമ്പോഴെല്ലാം താറുമാറായ ദൃശ്യങ്ങളാണ് കാണാൻ സാധിക്കുന്നത്.
റോഡിൻറെ ദുരവസ്ഥ മൂലം പിലിയൺ റൈഡർമാരുമായി വരുന്ന നിരവധി വാഹനങ്ങൾ ട്രാക്കിന്റെ മധ്യത്തിൽ നിർത്തിയ ശേഷം, പിലിയൺ റൈഡർ ഇറങ്ങി ട്രാക്കുകൾ പൂർണ്ണമായി മുറിച്ചുകടന്ന ശേഷമാണ്, വാഹനത്തിൽ തിരികെ കയറുക. ഇതുകൊണ്ടും നാഗഷെട്ടിഹള്ളിയെയും കൊടിഗെഹള്ളിയെയും ബന്ധിപ്പിക്കുന്നതിനാലും എൽസി ഗേറ്റ് നമ്പർ 150 വളരെ തിരക്കാണ് അനുഭവപ്പെടുന്നത്.
റെയിൽ‌വേയെ പ്രതിനിധീകരിച്ച് തൊഴിലാളികൾ വന്ന് പാളത്തിന് മുകളിലുള്ള സ്ഥലത്ത് മണൽ നിറയ്ക്കുന്നത് പതിവാണെങ്കിലും മണൽ ഒലിച്ചുപോകുന്നതും പതിവാണ്. 7 ഗേറ്റുകൾ നവീകരിച്ചതായി ഡിവിഷണൽ റെയിൽവേ മാനേജർ ശ്യാം സിംഗ് പറഞ്ഞുവെങ്കിലും ആകെ നാല് ഗേറ്റുകളിലായാണ് അസ്ഫാൽറ്റിംഗ് നടത്തിയട്ടുള്ളത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
