ബെംഗളൂരു: അനധികൃത ഭൂമി വിജ്ഞാപന കേസിൽ ജനപ്രതിനിധികൾക്കുള്ള പ്രത്യേക കോടതിയിൽ മുൻ മുഖ്യമന്ത്രി യെഡിയൂരപ്പ ജാമ്യപേക്ഷ നൽകി. കേസ് കോടതി ഇന്ന് പരിഗണിക്കും.
2006 ൽ യെഡിയൂരപ്പ ഉപമുഖ്യമന്ത്രിയായിരിക്കെ ബെലന്തൂരിലും ദേവരബീസനഹള്ളിയിലുമായി ഐ ടി പാർക്കിനായി സർക്കാർ ഭൂമി ഏറ്റെടുത്തിരുന്നു. ആ ഭൂമിയിൽ 434 ഏക്കറിൽ നിന്ന് 15 ഏക്കർ 30 ഗുണ്ട ( ഏക്കറിന്റെ നാൽപതിൽ ഒന്നാണ് ഒരു ഗുണ്ട ) ഭൂമിയുടെ വിജ്ഞാപനം റദ്ദാക്കി സ്വജനങ്ങൾക്ക് നൽകിയെന്ന് ആരോപിച്ചുള്ള കേസ് ആണ് ഇത്.
2013 ൽ വാസുദേവ റെഡ്‌ഡി നൽകിയ പരാതി തെളിവില്ലെന്ന് ചൂണ്ടിക്കാട്ടി ലോകയുക്ത പോലീസ് നേരത്തെ റിപ്പോർട്ട് സമർപ്പിച്ചിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
