ബെംഗളൂരു : കർണാടക പോലീസ് ഡിപ്പാർട്ട്‌മെന്റിലേക്ക് പോലീസ് സബ് ഇൻസ്‌പെക്ടർമാരെ (പിഎസ്‌ഐ) റിക്രൂട്ട് ചെയ്യുന്നതിനായി നടത്തിയ പരീക്ഷയിൽ ഉയർന്ന മാർക്ക് നേടുന്നതിനായി ക്രമക്കേടിൽ ഏർപ്പെട്ടുവെന്നാരോപിച്ച് രണ്ട് ഉദ്യോഗാർത്ഥികളുടെ മുൻകൂർ ജാമ്യാപേക്ഷ ബെംഗളൂരുവിലെ സെഷൻസ് കോടതി തള്ളി.
സംസ്ഥാന ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റ് (സിഐഡി) സമർപ്പിച്ച പ്രഥമദൃഷ്ട്യാ തെളിവുകളുടെ അടിസ്ഥാനത്തിൽ പുരുഷ ഉദ്യോഗാർഥികളിൽ നാലാം റാങ്ക് ജേതാവായ ജഗൃത് എസ്, വനിതകളിൽ ഒന്നാം റാങ്കുകാരി രചന എച്ച് എന്നിവരുടെ മുൻകൂർ ജാമ്യാപേക്ഷ സെഷൻസ് കോടതി തള്ളി.
രണ്ട് സ്ഥാനാർത്ഥികളും സിഐഡി അന്വേഷണത്തിനെതിരെ കർണാടക ഹൈക്കോടതിയെ സമീപിച്ചു. 2021 ഒക്ടോബറിൽ 545 സബ് ഇൻസ്‌പെക്ടർമാരെ റിക്രൂട്ട് ചെയ്യാനുള്ള പോലീസ് പരീക്ഷയിൽ ഉയർന്ന മാർക്ക് നേടാനുള്ള വഞ്ചനാപരമായ നടപടികളിൽ പങ്കുള്ളതായി ആരോപിക്കപ്പെടുന്ന എഫ്‌ഐആറിൽ പേരുള്ള 22 പേരിൽ ഇവരുമുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
