ബെംഗളൂരു: മോഹൻലാൽ-പ്രിയദർശൻ കൂട്ടുക്കെട്ടിൽ പിറന്ന മരക്കാർ അറബിക്കടലിന്റെ സിംഹം ഓസ്‌കാർ നോമിനേഷൻ പട്ടികയിൽ. ചരിത്ര നായകൻ കുഞ്ഞാലി മരക്കാറിന്റെ കഥ പറഞ്ഞ സിനിമ മലയാളത്തിൽ ഇതുവരെ പുറത്തിറങ്ങിയതിൽ ഏറ്റവും വലിയ ബജറ്റിൽ നിർമിച്ച സിനിമയാണ്. ഓസ്‌കർ അവാർഡ്‌സ്-2021നായി ഇന്ത്യയിൽ നിന്നുള്ള നോമിനേഷൻ പട്ടികയിലാണ് ഗ്ലോബൽ കമ്യൂണിറ്റി മരക്കാർ ഉൾപ്പെടുത്തിയിരിക്കുന്നത്.
മോഹൻലാലിനൊപ്പം വിവിധ ഭാഷകളിൽ നിന്നായി വൻതാരനിര തന്നെ അണിനിരന്നിരുന്നു. കൂടാതെ മികച്ച ഫീച്ചർ സിനിമ, സ്‌പെഷ്യൽ എഫക്ട്‌സ്, വസ്ത്രാലങ്കാരം എന്നീ മേഖലകളിൽ ദേശീയ പുരസ്‌കാരം ലഭിച്ച സിനിമ കൂടിയാണ് ഈ ചിത്രം.
മരക്കാറിനെ കൂടാതെ തമിഴിൽ നിന്ന് സൂര്യ-ജ്ഞാനവേൽ കൂട്ടുക്കെട്ടിൽ പിറന്ന ജയ് ഭീമും ഓസ്‌കർ പട്ടികയിൽ ഉൾപ്പെടുത്തിയിട്ടുണ്ട്. ജാതി വിവേചനത്തിന്റെ കഥ പറഞ്ഞ ജയ് ഭീം മികച്ച ഫീച്ചർ ഫിലിം വിഭാഗത്തിനുള്ള നോമിനേഷൻ ലിസ്റ്റിലാണ് ഉൾപ്പെടുത്തിയിരിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
