ബെംഗളൂരു: നഗരത്തിൽ താമസിക്കുന്ന 72 റോഹിങ്ക്യകളെ തിരിച്ചറിഞ്ഞ് നാടുകടത്താനുള്ള ഹർജിയിൽ അവരെ ഉടൻ നാടുകടത്താൻ പദ്ധതിയില്ലെന്ന് കർണാടക സർക്കാർ സുപ്രീം കോടതിയെ അറിയിച്ചു.
അഭിഭാഷകനായ അശ്വിനി കുമാർ ഉപാധ്യായ സമർപ്പിച്ച ഹർജി നിലനിൽക്കില്ലെന്നും തള്ളിക്കളയാൻബാധ്യസ്ഥമാണെന്നും സുപ്രീം കോടതിയിൽ സർക്കാർ ബോധിപ്പിച്ചു.
“ബെംഗളൂരു സിറ്റി പോലീസ് തങ്ങളുടെ അധികാരപരിധിയിലുള്ള ഒരു ക്യാമ്പിലോ തടങ്കൽ കേന്ദ്രത്തിലോ റോഹിങ്ക്യകളെ പാർപ്പിച്ചിട്ടില്ലെന്ന് അറിയിക്കുന്നു. എന്നിരുന്നാലും, ബെംഗളൂരു സിറ്റിയിൽ കണ്ടെത്തിയ 72 റോഹിങ്ക്യകൾ വിവിധ മേഖലകളിൽ ജോലി ചെയ്യുന്നവരാണ്, കൂടാതെ ബെംഗളൂരു സിറ്റി പോലീസ് അവർക്കെതിരെ നിർബന്ധിത നടപടികളൊന്നും സ്വീകരിച്ചിട്ടില്ല. ഇപ്പോൾ അവരെ നാടു കടത്താൻ ഉടനടി പദ്ധതിയില്ല, ” എന്ന് സംസ്ഥാന സർക്കാരിന്റെ സത്യവാങ്മൂലത്തിൽ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
