Month: March 2021

ബെംഗളൂരു: നഗരത്തിൽ കോവിഡ് രോഗികളുടെ എണ്ണം വർധിച്ചുവരുന്ന സാഹചര്യത്തിൽ മൂന്ന് കോവിഡ് കെയർ സെന്റർ ഉടൻ പ്രവർത്തന സജ്ജമാക്കാൻ ബിബിഎംപി നടപടികളാരംഭിച്ചു. മുഖ്യമന്ത്രി യെദിയൂരപ്പ യുമായി പ്രധാനമന്ത്രി നടത്തിയ വീഡിയോ കോൺഫറൻസ് മീറ്റിങ്ങിനു ശേഷം മുഖ്യമന്ത്രിയുടെ നിർദ്ദേശത്തെ തുടർന്ന് ആണ് നടപടി. മീറ്റിങ്ങിനു ശേഷം മാധ്യമങ്ങളെ കണ്ട മുഖ്യമന്ത്രി, കോവിഡ് രോഗികളുടെ എണ്ണം വർധിച്ചുവരുന്ന സാഹചര്യത്തിൽ പ്രധാനമന്ത്രി ആശങ്ക അറിയിച്ചുവെന്നും മഹാമാരി വരുതിയിലാക്കാൻ വേണ്ട നടപടിക്രമങ്ങൾ എത്രയും വേഗം ആരംഭിക്കണമെന്ന് നിർദ്ദേശിച്ചു എന്നും അറിയിച്ചു. പ്രകടമായ ലക്ഷണങ്ങൾ ഇല്ലാത്ത രോഗികളെയും ആശുപത്രി അസൗകര്യങ്ങൾ ആവശ്യമില്ലാത്ത…

ബെംഗളൂരു: ഭൂമിക്കടിയിലൂടെയുള്ള കേബിളുകൾ സ്ഥാപിക്കുന്നതിന്റെ ഭാഗമായി ഇന്ന് വിവിധയിടങ്ങളിൽ രാവിലെ 9 മണിമുതൽ വൈകിട്ട് 5 മണിവരെ വൈദ്യുതി വിതരണം മുടങ്ങും എന്ന് ബസ് കോം കെങ്കേരി സബ്ഡിവിഷൻ അറിയിച്ചു. കെങ്കേരി സാറ്റലൈറ്റ് ടൗൺ, ബിഎംടിസി ബസ്റ്റാൻഡ്, ജെബി ലേയൗട്ട്, കൊമ്മഘട്ട റോഡ്, ദൊഡ്ഡ മാരിയമ്മൻ ടെമ്പിൾ പരിസരപ്രദേശങ്ങൾ എന്നിവിടങ്ങളിലാണ് പ്രധാനമായും വൈദ്യുതി മുടങ്ങുക.

ബെംഗളൂരു: സമീപകാലത്ത് മെട്രോ യാത്രികരുടെ എണ്ണത്തിൽ ക്രമാനുഗതമായ വർദ്ധനവാണ് രേഖപ്പെടുത്തി കൊണ്ടിരിക്കുന്നത്. മഹാമാരി അടച്ചിടലിനു ശേഷം സെപ്റ്റംബറിൽ പ്രവർത്തനം ആരംഭിക്കുമ്പോൾ ഏകദേശം അൻപതിനായിരം ആയിരുന്നു യാത്രക്കാർ. ഇപ്പോൾ അത് 160000 എത്തിനിൽക്കുന്നു. മഹാമാരി വ്യാപനം തടയുന്നതിന് ടോക്കൺ സംവിധാനം നിർത്തലാക്കി കൊണ്ട് സ്മാർട്ട് കാർഡുകൾ നൽകി വന്നിരുന്നു. എന്നാൽ യാത്രക്കാരുടെ എണ്ണത്തിലുണ്ടായ വർധന ഇപ്പോൾ അധികൃതരെ വിഷമഘട്ടത്തിൽ ആക്കിയിരിക്കുകയാണ്. കഴിഞ്ഞ രണ്ടാഴ്ചയായി സ്മാർട്ട് കാർഡുകളുടെ ലഭ്യത കുറവ് മൂലം ആവശ്യക്കാർക്ക് വേണ്ടത്ര സ്മാർട്ട് കാർഡുകൾ നൽകാൻ കഴിയാതെ അധികൃതർ കുഴങ്ങുകയാണ്. സ്മാർട്ട് കാർഡുകളുടെ ലഭ്യത…

ബെംഗളൂരു : കേരളത്തിൽ നിന്നും കർണാടകയിൽ നിന്നും വരുന്നവർക്ക് സംസ്ഥാന അതിർത്തി കടക്കാൻ കോവിഡ് നെഗറ്റീവ് സർട്ടിഫിക്കറ്റ് നിർബന്ധമാണ് എന്ന ഉത്തരവ് ഇറങ്ങിയിട്ട് ആഴ്ചകളായി. കഴിഞ്ഞ ദിവസങ്ങളിൽ മുഖ്യമന്ത്രിയും ആരോഗ്യമന്ത്രിയും ഇത് കർശനമായി നടപ്പിലാക്കും എന്നും അറിയിച്ചിരുന്നു. കണ്ണൂർ മാക്കൂട്ടം ചെക്ക് പോസ്റ്റിൽ കർശന പരിശോധന തുടരുന്നുണ്ട്. നെഗറ്റീവ് റിപ്പോർട്ട് ഉള്ളവരെ മാത്രമേ കടത്തിവിടുന്നുള്ളൂ. അതേ സമയം കാസർകോട് തലപ്പാടി അതിർത്തിയിൽ പരിശോധന കാര്യക്ഷമമല്ല. സർട്ടിഫിക്കറ്റ് ഇല്ലാത്തതിൻ്റെ പേരിൽ ആരേയും മടക്കി അയക്കുന്നില്ല. തമിഴ്നാടുമായി അതിർത്തി പങ്കിടുന്ന ഹൊസൂർ – അത്തിബെലെ അതിർത്തിയിലും കാര്യമായ…

ബെംഗളൂരു: വേനൽ കടുക്കുന്നതിൻ്റെ ലക്ഷണമായി നഗരത്തിലെ താപനിലയിൽ വർദ്ധനവ് രേഖപ്പെടുത്തി. പകൽസമയത്തെ കൂടിയ താപനില 34 ഡിഗ്രി സെൽഷ്യസ് കടന്നു. കുറഞ്ഞ താപനില 19 ഡിഗ്രി സെൽഷ്യസ് ആണ്. 36 ഡിഗ്രി വരെ എത്താം എന്നാണ് കാലാവസ്ഥാ വകുപ്പിൻ്റെ മുന്നറിയിപ്പ്. സംസ്ഥാനത്ത് ഏറ്റവും കൂടുതൽ താപനില രേഖപ്പെടുത്തിയത് ബെളളാരിയിൽ ആണ് 43 ഡിഗ്രി.കഴിഞ്ഞ ദിവസം അത് 38 ഡിഗ്രി ആയിരുന്നു. സൂര്യാതപത്തിനുള്ള സാദ്ധ്യത ഉള്ളതിനാൽ 11 മുതൽ 3 വരെ തുറസായ സൂര്യപ്രകാശം ലഭിക്കുന്ന സ്ഥലങ്ങളിൽ നിൽക്കരുത് എന്ന് നിർദ്ദേശമുണ്ട്.