Day: 2 January 2021

ബെംഗളൂരു: ഓക്സ്ഫോർഡ് സർവകലാശാല വികസിപ്പിച്ചെടുത്ത പൂനെ സീറം ഇൻസ്റ്റിറ്റ്യൂട്ട് നിർമ്മിക്കുന്ന കോവി ഷീൽഡ് പ്രതിരോധ മരുന്ന് അംഗീകാരം നൽകാൻ വിദഗ്ധ സമിതി ശുപാർശ ചെയ്തു. ഇന്ന് നടക്കുന്ന പ്രതിരോധ മരുന്നു വിതരണ റിഹേഴ്സൽ പൂർണ്ണ വിജയത്തിൽ എത്തിയാൽ കുത്തിവയ്പ്പുകൾ ബുധനാഴ്ച ആരംഭിക്കുമെന്നാണ് ഇപ്പോൾ ലഭിക്കുന്ന സൂചനകൾ. ആദ്യപടിയായി അഞ്ചുകോടിയോളം പേർക്ക് വിതരണം ചെയ്യാൻ ഉള്ള മരുന്നുകൾ ഇതിനകം തന്നെ ഉൽപാദിപ്പിച്ചു കഴിഞ്ഞിട്ടുണ്ട്. ഇന്ത്യയുടെ ആദ്യ തദ്ദേശീയ പ്രതിരോധമരുന്ന് ആയ കോവാക്സിൻ വിതരണ അനുമതിക്കായി വിദഗ്ധ സമിതി പരിഗണിച്ചെങ്കിലും അംഗീകാരം നൽകിയിട്ടില്ല. ലോകാരോഗ്യ സംഘടനയിൽ നിന്നും…

ബെംഗളൂരു: ജനിതകമാറ്റം സംഭവിച്ച കോവിഡ് വൈറസ് മൂന്നുപേർക്കുകൂടി സ്ഥിരീകരിച്ചു; ഇതിൽ ഒരാൾ ബ്രിട്ടനിൽനിന്ന്‌ മടങ്ങിയെത്തിയയാളുടെ പ്രാഥമികസമ്പർക്കത്തിൽവന്നയാളാണെന്ന് ആരോഗ്യവകുപ്പധികൃതർ പറഞ്ഞു. സംസ്ഥാനത്ത് ആദ്യമായാണ് പുതിയതരം കോവിഡ് സമ്പർക്കത്തിലൂടെ പടരുന്നത് കണ്ടെത്തിയത്. ഇതോടെ സംസ്ഥാനത്ത് വകഭേദംസംഭവിച്ച കോവിഡ് ബാധിച്ചവരുടെ എണ്ണം പത്തായി. ബ്രിട്ടനിൽനിന്ന്‌ മടങ്ങിയെത്തിയവരാണ് പത്തുപേരും. ബ്രിട്ടനിൽനിന്ന്‌ മടങ്ങിയെത്തിയ ഒരു ഡോക്ടറും അദ്ദേഹത്തിന്റെ അമ്മയുമാണ് പുതുതായി വൈറസ് ബാധ സ്ഥിരീകരിച്ചവരിൽ രണ്ടുപേർ. ഇതിൽ അമ്മ ഡോക്ടറുടെ പ്രാഥമികസമ്പർക്കത്തിൽ വന്നയാളാണ്. വൈറസ് സ്ഥിരീകരിച്ച മൂന്നുപേരും നഗരത്തിലെ വിക്ടോറിയ ആശുപത്രിയിൽ ചികിത്സയിൽ കഴിയുകയാണ്.

ബെംഗളൂരു: രാജ്യത്തുടനീളം കോവിഡ് വാക്സിൻ വിതരണത്തിന് മുന്നോടിയായി സംഘടിപ്പിക്കുന്ന ഡ്രൈ റൺ ബെംഗളൂരു അർബൻ ഉൾപ്പടെ ഇന്ന് സംസ്ഥാനത്ത് അഞ്ചുജില്ലകളിൽ സംഘടിപ്പിക്കും. ബെലഗാവി, കലബുറഗി, മൈസൂരു, ശിവമോഗ എന്നിവിടങ്ങളാണ് ഡ്രൈ റൺ നടത്തുന്ന മറ്റു ജില്ലകൾ. ഓരോ ജില്ലയിലും മൂന്നുകേന്ദ്രങ്ങളാണ് ഇതിനായി തിരഞ്ഞെടുത്തിരിക്കുന്നത്. ജില്ലാതല ആരോഗ്യകേന്ദ്രത്തിലും താലൂക്കുതല ആരോഗ്യകേന്ദ്രത്തിലും പ്രാഥമികതല ആരോഗ്യകേന്ദ്രത്തിലും ഡ്രൈ റൺ നടത്തും. ഇതിന്റെ റിപ്പോട്ട് കേന്ദ്ര ആരോഗ്യവകുപ്പിന് കൈമാറും. കോവിഡ് വാക്സിൻ വിതരണത്തിനുള്ള സാങ്കേതിക സൗകര്യങ്ങൾ ഒരുക്കൽ,വാക്സിനേഷൻ നടത്തുന്ന സംഘത്തിന്റെ വിന്യാസം, വാക്സിനേഷൻ നടത്തുന്നതിന്റെ മോക്‌ഡ്രിൽ, വിവരങ്ങളുടെ അവലോകനം, കംപ്യൂട്ടർ സംവിധാനത്തിലേക്കുള്ള അപ്‌ലോഡിങ്, വാക്സിനുകൾ…

ബെംഗളൂരുവിലേക്ക് പുറപ്പെട്ട ബസ് അപകടത്തില്‍ പെട്ടു. തൃശൂര്‍ മണ്ണുത്തി തോട്ടപ്പടി ദേശീയപാതയിലാണ് അപകടമുണ്ടായത്. ബെംഗളൂരുവിലേക്ക് പുറപ്പെട്ട വോള്‍വോ ബസ്സാണ് മറിഞ്ഞത്. അപകടത്തില്‍ 16 പേര്‍ക്ക് പരിക്കേറ്റു. ഇതില്‍ രണ്ടു പേരുടെ നില ഗുരുതരമാണെന്നാണ് വിവരം. തിരുവനന്തപുരത്ത് നിന്നും ബംഗളൂരുവിലേക്ക് പുറപ്പെട്ട സൂര്യ വോള്‍വോ ബസ്സാണ് അപകടത്തില്‍പ്പെട്ടത്. ഉടന്‍ തന്നെ പോലീസും അഗ്നിശമന സേനയും നാട്ടുകാരും ചേര്‍ന്ന് രക്ഷാപ്രവര്‍ത്തനം നടത്തി. ബസില്‍ 19 യാത്രക്കാരാണ് ഉണ്ടായിരുന്നത് എന്നാണ് വിവരം. പരിക്കേറ്റവരെ ഉടന്‍തന്നെ അടുത്തുള്ള ആശുപത്രിയില്‍ പ്രവേശിപ്പിച്ചു.