Day: 28 December 2020

ബെംഗളൂരു: കള്ളപ്പണം വെളുപ്പിക്കല്‍ കേസില്‍ കേരള മുൻ ആഭ്യന്തര മന്ത്രിയുടെ മകൻ ബിനീഷ് കോടിയേരിക്കെതിരെ എന്‍ഫോഴ്സ്മെന്റ് കുറ്റപത്രം സമര്‍പ്പിച്ചു. പ്രാഥമിക കുറ്റപത്രമാണ് ബെംഗളൂരു സെഷന്‍സ് കോടതിയില്‍ ഇന്ന് സമര്‍പ്പിച്ചത്. ഒക്ടോബര്‍ 29 ന് അറസ്റ്റിലായ ബിനീഷിനെതിരെ 60 ദിവസത്തിനകം കുറ്റപത്രം നല്‍കിയില്ലെങ്കില്‍ സ്വാഭാവിക ജാമ്യം ലഭിക്കും. ഇത് തടയാന്‍ കൂടിയാണ് എന്‍ഫോഴ്സ്മെന്റ് നടപടി. നിലവില്‍ പാരപ്പന അഗ്രഹാര ജയിലിലാണ് ബിനീഷ് കോടിയേരി റിമാന്‍ഡില്‍ കഴിയുന്നത്. കേസില്‍ ജാമ്യാപേക്ഷ തള്ളിയ സെഷന്‍സ് കോടതി നടപടിക്കെതിരെ ബിനീഷ് ഹൈക്കോടതിയെ സമീപിക്കാന്‍ ഒരുങ്ങുകയാണ്.

ബെംഗളൂരു: വിജയനഗർ വിനായക ലേഔട്ട് നിവാസിയും റിട്ടേഡ് അസിസ്റ്റന്റ് പോലീസ് കമ്മീഷണറും ആയ ഹനുമന്തപ്പ 69 ആണ് സ്വവസതിയിൽ കിടപ്പുമുറിയിൽ ഞായറാഴ്ച തൂങ്ങിമരിച്ചത്. വീട്ടുകാർ പല പ്രാവശ്യം കതകിൽ തട്ടി വിളിച്ചെങ്കിലും അകത്തു നിന്ന് പ്രതികരണം ഉണ്ടാകാതിരുന്നതിനെ തുടർന്ന് വീട്ടുകാർ വാതിൽ പൊളിക്കുകയായിരുന്നു. മരിക്കുന്നതിനു തൊട്ടു മുൻപ് അദ്ദേഹം ഒരു സുഹൃത്തിനെ ഫോണിൽ വിളിച്ച് സംസാരിച്ചതായി കണ്ടെത്തിയിട്ടുണ്ട്. ആത്മഹത്യ കുറിപ്പുകൾ ഒന്നും ഇതുവരെ കണ്ടുകിട്ടിയിട്ടില്ല എന്ന് പോലീസ് അറിയിച്ചു. ഹനുമന്തപ്പയുടെ മകൾ പോലീസിന് നൽകിയിട്ടുള്ള വിവരങ്ങളുടെ അടിസ്ഥാനത്തിൽ ഇദ്ദേഹത്തിന് മാരകമായ എന്തോ അസുഖം ഉണ്ടായിരുന്നുവെന്നും…

ബെംഗളൂരു: കോവിഡ് വ്യാപനം തടയാൻ നന്ദിഹിൽസിലേക്കുള്ള പ്രവേശനം നിരോധിച്ചു നഗരത്തിനടുത്ത് കിടക്കുന്ന വിനോദ സഞ്ചാര കേന്ദ്രമായ നന്ദിഹിൽസിലേക്കുള്ള പ്രവേശനം 30താം തിയതി മുതൽ മൂന്ന് ദിവസത്തേക്കാണ് നിരോധിച്ചത്. ന്യൂയിറിനോട് അനുബന്ധിച്ച് വിനോദ സഞ്ചാരികളുടെ തിരക്ക് മുന്നിൽ കണ്ടാണ് മുൻകരുതലിന്റെ ഭാഗമായി കോവിഡ് വ്യാപനം തടയാൻ പ്രവേശനം നിരോധിച്ചത്. ചിക്കബെല്ലാപുര ഡിസ്ട്രിക്റ്റ് ഡെപ്യൂട്ടി കമ്മീഷണർ ആർ ലത ഇറക്കിയ പ്രസ്താവന പ്രകാരം ഡിസംബർ 30 രാവിലെ 6 മുതൽ ജനുവരി 2 രാവിലെ 6 മണി വരെയാണ് നിരോധനം. കോവിഡ് വ്യാപനത്തെ തുടർന്ന് മാർച്ചിൽ നന്ദി ഹിൽസിലേക്കുള്ള…

ബെംഗളൂരു : മാഗഡി റോഡിലെ ടോൾഗേറ്റ് റോഡിന് സമീപം സ്ഥാപിച്ചിരുന്ന പ്രശസ്ത നടൻ വിഷ്ണുവർദ്ധൻ്റെ കോൺക്രീറ്റ് പ്രതിമ തകർത്തതിനെ തുടർന്ന് സമീപ പ്രദേശങ്ങളിൽ സംഘർഷം ഉടലെടുത്തു. ഈ കവലക്ക് ആദിചുംജനഗിരി മഠാധിപതിയായിരുന്നു ബാലഗംഗാധര സ്വാമിയുടെ പേരിടാൻ തീരുമാനിച്ചിരുന്നു. ഇതിനെ തുടർന്ന് ഇരുവിഭാഗങ്ങൾ തമ്മിൽ ഇവിടെ സംഘർഷം നില നിന്നിരുന്നു . സംഭവത്തെ അപലപിച്ച സൂപ്പർ താരം കിച്ചാ സുദീപ്, പ്രതിമ തകർത്തവർക്ക് വിഷ്ണുവർദ്ധൻ്റെ ആരാധകർ തന്നെ വേണ്ട മറുപടി നൽകിയിരിക്കും എന്ന് പ്രസ്താവന ഇറക്കി. നടൻ ദർശൻ അടക്കം സിനിമാ മേഖലയിൽ നിരവധി പേർ…

ബെംഗളൂരു: രാജ്യത്തെ ഏറ്റവും കൂടുതൽ ശീതീകരിച്ച ബസുകൾ നിരത്തിലിറക്കി ശ്രദ്ധനേടിയ ബാംഗ്ലൂർ മെട്രോപോളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി) നിലവിലുള്ള യാത്രാ നിരക്കുകൾ കുറയ്ക്കാൻ ആലോചിക്കുന്നു. 860 ശീതീകരിച്ച ബസുകളാണ് നഗരത്തിൽ സർവീസുകൾ നടത്തിയിരുന്നത്. അതിൽ 70 ബസുകൾ മാത്രമാണ് ഇപ്പോൾ നിരത്തിൽ ഇറങ്ങിയിട്ടുള്ളത്. ഇതിൽ തന്നെ 54 ബസ്സുകൾ അന്താരാഷ്ട്ര വിമാനത്താവളത്തിലേക്ക് ഉള്ളതാണ്. ബി എം ടി സി യുടെ ആകെവരുമാനത്തിലെ സിംഹഭാഗവും ശീതീകരിച്ച ബസുകളിൽ നിന്ന് ആയിരുന്നെന്നും മഹാമാരിയുടെ വ്യാപനം ഇത് തകിടം മറിച്ചു എന്നും ബി എം ടി സി യുടെ…