Year: 2019

ബെംഗളൂരു : വനിതാ ഡോക്ടറെ ആക്രമിച്ച സംഭവത്തിൽ 13 കന്നഡ രക്ഷണ വേദികെ പ്രവർത്തകർ കീഴടങ്ങിയതോടെ ഒരാഴ്ച തുടർന്ന പണിമുടക്ക് ഡോക്ടർമാർ പിൻവലിച്ചു. ഡോക്ടർമാർക്കെതിരായ അക്രമത്തിൽ പ്രതിഷേധിച്ച് ഇന്ത്യൻ മെ‍ഡിക്കൽ അസോസിയേഷന്റെ (ഐഎംഎ) നേതൃത്വത്തിലായിരുന്നു സംസ്ഥാന വ്യാപക പണിമുടക്ക്. 25000 സ്വകാര്യ ആശുപത്രികളിലെയും നഴ്സിങ് ഹോമുകളുടേയും ഒപികളാണു ഇന്നലെ സ്തംഭിപ്പിച്ചത്.സർക്കാർ ആശുപത്രികളിലെ ജൂനിയർ ഡോക്ടർമാരും ജോലിയിൽനിന്നു വിട്ടുനിന്നു. ഇന്നലെ രാവിലെ 6 മുതൽ ഡോക്ടർമാർ 24 മണിക്കൂർ പണിമുടക്ക് പ്രഖ്യാപിച്ച് നിരത്തിലിറങ്ങുകയായിരുന്നു.  ചുരുക്കം ചിലയിടങ്ങളിൽ അത്യാഹിത വിഭാഗം മാത്രമായി പ്രവർത്തിച്ചു. വേദികെ നേതാവ് അശ്വിനി ഗൗഡ…

ബെംഗളൂരു: അയോധ്യ ഭൂമിതർക്കകേസിൽ സുപ്രീംകോടതി ഇന്ന് വിധി പറയും. ചീഫ് ജസ്റ്റിസ് രഞ്ജൻ ഗൊഗോയ് അധ്യക്ഷനായ അഞ്ചംഗ ഭരണഘടനാ ബെഞ്ചാണ് രാവിലെ പത്തരയോടെ വിധി പറയുക. നഗരത്തിൽ നിരോധനാജ്ഞ പ്രഖ്യാപിച്ചതായി അധികൃതർ അറിയിച്ചു.  രാവിലെ ഏഴ് മുതൽ അർദ്ധരാത്രി 12 വരെയാണ് നിരോധനാജ്ഞ. സംസ്ഥാനത്തെ എല്ലാ സ്കൂളുകൾക്കും കോളേജുകൾക്കും ഇന്ന് അവധിയായിരിക്കുമെന്ന് വിദ്യാഭ്യാസ മന്ത്രി അറിയിച്ചു. രാജ്യത്തെങ്ങും കനത്ത ജാഗ്രതാ നിർദേശം പുറപ്പെടുവിച്ചിട്ടുണ്ട്. സാമൂഹിക മാധ്യമ അക്കൗണ്ടുകൾ പോലീസ് നിരീക്ഷണത്തിലാണ്. 1885 മുതലുള്ള നിയമ വ്യവഹാരത്തിലാണ് ഇന്ന് വിധി വരുന്നത്.

ബെംഗളൂരു : സിനിമാ തിയറ്ററിൽ ദേശീയഗാനത്തോട് അനാദരം കാണിച്ചെന്ന ആരോപണത്തിൽ ഒരു സംഘം ആളുകൾക്കെതിരെ സ്വമേധയാ കേസെടുത്ത് പൊലീസ്. കഴിഞ്ഞ 23നു ഓറിയോൺ മാളിലെ പിവിആർ സിനിമാസിൽ ദേശീയഗാനം ആലപിച്ചപ്പോൾ ഇവർ എഴുന്നേറ്റു നിന്നില്ലെന്നാണ് ആരോപണം. ഇതിനെ എതിർത്ത ചിലർ സംഘം വാക്കേറ്റത്തിൽ ഏർപ്പെടുന്ന വീഡിയോ വൈറലായതോടെയാണു പൊലീസ് ഇടപെട്ടത്. പിവിആർ സിനിമാസിന് നോട്ടിസ് അയച്ച പൊലീസ്, സംഭവ ദിവസത്തെ സിസി ക്യാമറ ദൃശ്യങ്ങളും സിനിമ കാണാനെത്തിയവരുടെ വിശദാംശങ്ങളും സമർപ്പിക്കാൻ ആവശ്യപ്പെട്ടു.

ബെംഗളൂരു: ടിപ്പുജയന്തി ആഘോഷത്തിന് അനുമതി നിഷേധിച്ചു; പ്രതിഷേധവുമായി കോൺഗ്രസ്. മൈസൂരുവിൽ മുൻമന്ത്രി തൻവീർ സെയ്ദ്, കെ.പി.സി.സി. വക്താവ് എം. ലക്ഷ്മണ എന്നിവരുടെ നേതൃത്വത്തിലായിരുന്നു ധർണ. മൈസൂരു നഗരവികസന അതോറിറ്റിയുടെകീഴിലുള്ള ബാലഭവനിൽ നവംബർ പത്തിന് ടിപ്പുജയന്തി ആഘോഷിക്കാനായിരുന്നു പരിപാടി. ഇതിന് ബാലഭവനിലെ ബന്നിമണ്ഡപ സ്റ്റേഡിയത്തിൽ അനുമതി നൽകണമെന്നാവശ്യപ്പെട്ട് നഗരവികസന അതോറിറ്റിക്ക് തൻവീർ സെയ്ദ് കത്തുനൽകിയിരുന്നു. പക്ഷേ, അതോറിറ്റി അനുമതി നിഷേധിച്ചു. ഇതിനെതിരെയായിരുന്നു പ്രതിഷേധം. അതോറിറ്റിയുടെ ഹാൾ പല പരിപാടികൾക്കും വാടകയ്ക്ക് നൽകാറുണ്ട്. എന്തുകൊണ്ടാണ് ടിപ്പുജയന്തി ആഘോഷത്തിനുമാത്രം നൽകാത്തതെന്ന് എം. ലക്ഷ്മണ ചോദിച്ചു. നഗരവികസന അതോറിറ്റി ഓഫീസിനുമുമ്പിൽ…

ബെംഗളൂരു: ഒരു മലയാളി ഉൾപ്പടെ ആറു പേർക്ക് ഇൻഫോസിസ് പുരസ്‌കാരം; സ്വർണമെഡലും പ്രശസ്തി ഫലകവും ഒരു ലക്ഷം യു.എസ്. ഡോളറും (ഏകദേശം 71 ലക്ഷം രൂപ) അടങ്ങുന്നതാണ് പുരസ്കാരം. ഗവേഷണ മേഖലകളിലെ നേട്ടങ്ങൾക്കുള്ള ഇൻഫോസിസ് സയൻസ് ഫൗണ്ടേഷന്റെ (ഐ.എസ്.എഫ്.) 11-ാം ഇൻഫോസിസ് പുരസ്കാരങ്ങൾ മലയാളിയായ പ്രൊഫ. മനു വി. ദേവദേവൻ ഉൾപ്പെടെ ആറുപേർക്ക്. പത്തനംതിട്ട കോഴഞ്ചേരി സ്വദേശിയായ മനു വി. ദേവദേവൻ ഹിമാചൽപ്രദേശിലെ മംഡി ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജി(ഐ.ഐ.ടി.) സ്‌കൂൾ ഓഫ് ഹ്യുമാനിറ്റീസ് ആൻഡ് സോഷ്യൽ സയൻസസ് അസിസ്റ്റന്റ് പ്രൊഫസറാണ്. മധ്യകാല ഇന്ത്യയെക്കുറിച്ചുള്ള…