ബെംഗളൂരു: ഡിസംബർ ഒന്നുമുതൽ ശാന്തിനഗർ ബസ് സ്‌റ്റേഷനിൽ നിന്നാണ് മൈസൂരു വഴി പമ്പയിലേക്ക് രണ്ടു പ്രത്യേക ബസ് സർവീസുകൾ ആരംഭിക്കുന്നത്. രാജഹംസ നോൺ എ.സി. സർവീസും വോൾവോ എ.സി. മൾട്ടി ആക്‌സിൽ സർവീസുമായിരിക്കും സർവീസ് നടത്തുക.
മകരവിളക്ക് വരെ പ്രത്യേക സർവീസുകളുണ്ടാകും. ഉച്ചയ്ക്കു ഒന്നിന് ശാന്തിനഗർ ബസ് സ്‌റ്റേഷനിൽനിന്ന് പുറപ്പെടുന്ന രാജഹംസ നോൺ എ.സി. ബസ് പിറ്റേന്ന് രാവിലെ 8.15-ന് പമ്പയിലെത്തും. വൈകീട്ട് അഞ്ചിന് തിരിച്ച് പമ്പയിൽനിന്ന് പുറപ്പെട്ട് പിറ്റേന്ന് ഉച്ചയ്ക്ക് 12-ന് ബെംഗളൂരുവിൽ തിരിച്ചെത്തും. 940 രൂപയാണ് രാജഹംസയുടെ ടിക്കറ്റ് നിരക്ക്.
ഉച്ചക്ക് രണ്ടിന് ശാന്തിനഗറിൽനിന്ന് പുറപ്പെടുന്ന മൾട്ടി ആക്‌സിൽ വോൾവോ ബസ് പിറ്റേന്ന് 6.45-ന് പമ്പയിലെത്തും. വൈകീട്ട് ആറിന് പമ്പയിൽനിന്ന് പുറപ്പെടുന്ന ബസ് പിറ്റേന്ന് രാവിലെ 9.45-ന് ബെംഗളൂരുവിലെത്തും. 1250 രൂപയാണ് വോൾവോ ബസിലെ ടിക്കറ്റ് നിരക്ക്.
ഗുരുവായൂർ പോയശേഷമായിരിക്കും പമ്പയിലെത്തുക. മൈസൂരുവിലെയും തീർഥാടകർക്ക്‌ സഹായകരമാകുന്ന രീതിയിൽ മലബാറിലെ തീർഥാടന കേന്ദ്രങ്ങളെ ബന്ധിപ്പിച്ചുകൊണ്ടായിരിക്കും സർവീസ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
