Day: 7 June 2019

ബെംഗളൂരു: സംസ്ഥാനത്ത് കേരളാ അതിർത്തി ജില്ലകൾ ഉൾപ്പെടെ എട്ടുജില്ലയിൽ ജാഗ്രതാനിർദേശം. കേരളത്തിൽ നിപ സ്ഥിരീകരിച്ച സാഹചര്യത്തിലാണ് നടപടി. ചാമരാജ് നഗർ, മൈസൂരു, കുടക്, ദക്ഷിണ കന്നഡ, ഉത്തരകന്നഡ, ഉഡുപ്പി, ശിവമോഗ, ചിക്കമഗളൂരു എന്നീ ജില്ലകളിലാണ് ജാഗ്രതാനിർദേശം നൽകിയത്. ഈ ജില്ലകളിലെ ആശുപത്രികളിൽ പ്രത്യേക സജ്ജീകരണങ്ങൾ ഒരുക്കണമെന്നും നിർദേശിച്ചിട്ടുണ്ട്. ആരോഗ്യ-മൃഗസംരക്ഷണ വകുപ്പ് ഉദ്യോഗസ്ഥരുടെ നേതൃത്വത്തിൽ പരിശോധന നടത്തണമെന്നും ആവശ്യമായ മുന്നൊരുക്കങ്ങൾ നടത്തണമെന്നും നിർദേശിച്ചിട്ടുണ്ട്. നിപ വൈറസ് ബാധിച്ചതിന് സമാനമായ രോഗ ലക്ഷണങ്ങളുമായി വരുന്നവരെ പ്രത്യേകം ശ്രദ്ധിക്കണമെന്നും പറയുന്നു.  

ബെംഗളൂരു : ട്രെയിനിനും പ്ലാറ്റ്‌ഫോമിനും ഇടയിൽപെട്ട് മലയാളി വിദ്യാർത്ഥിക്ക് ദാരുണാന്ത്യം.ഹൊസൂർ സ്‌റ്റേഷനിൽ വച്ച് ട്രെയിനിൽ കയറാൻ ശ്രമിക്കുമ്പോൾ ആണ് അപകടം സംഭവിച്ചത്. രാവിലെ 6 മണിയോടെ ആണ് അപകടം നടന്നത്.മലപ്പുറം കൊണ്ടോട്ടി ചിറയിൽ മുക്കൂട സ്വദേശി കുന്നുമ്മൽ പുളിക്കത്തൊടി ഹമീദിന്റെ മകൻ മുഹമ്മദ് ഇർഷാദ് (19) ആണ് മരിച്ചത്. യശ്വന്ത്പൂർ-കണ്ണൂർ എക്സ്പ്രസിൽ യാത്ര ചെയ്യുകയായിരുന്നു. തീവണ്ടി ഹൊസൂരിൽ എത്തിയപ്പോൾ ഇർഷാദ് ചായ വാങ്ങാൻ വേണ്ടി പുറത്തിറങ്ങുകയയും വണ്ടി നീങ്ങിത്തുടങ്ങിയപ്പോൾ ഓടിക്കയറാൻ ശ്രമിക്കുകയുമായിരുന്നു. വാതിൽക്കൽ നിന്ന സുഹൃത്തുക്കൾ പിടിച്ച് കയറ്റാൻ കൈ കൊടുത്തെങ്കിലും പ്ലാറ്റ് ഫോമിനും…

ബെംഗളൂരു : സംസ്ഥാനത്ത് പ്രവർത്തിക്കുന്ന ഐടി കമ്പനികളെ അടുത്ത ഒരു 5 വർഷത്തേക്ക് കൂടി തൊഴിൽ നിയമപരിധിയിൽ നിന്ന് ഒഴിവാക്കി. ജീവനക്കാർക്കിടയിൽ പ്രതിഷേധം പുകയുന്നു. ഐടി, അനുബന്ധ കമ്പനികൾ, സ്റ്റാർട്ട് അപ്പുകൾ, ടെലികോം, ബിപിഒ, ഗെയിമിംഗ്, ആനിമേഷൻ സ്ഥാപനങ്ങൾ തുടങ്ങിയ മേഖലകളുമായി പ്രവർത്തിച്ചു വരുന്ന സ്ഥാപനങ്ങളെയാണ് ഇൻഡസ്ട്രീയല്‍ എംപ്ലോയ്മെന്റ് സ്റ്റാന്റിംഗ് ഓർഡേഴ്സ് എന്ന നിയമത്തിന്റെ പരിധിയിൽ നിന്ന് 5 വർഷത്തേക്ക് കൂടി മാറ്റി നിർത്തിയത്. 2014 ജനുവരി 25നാണ് ആദ്യ വിജ്ഞാപനം ഇറങ്ങിയത്.ആദ്യം 5 വര്‍ഷത്തേക്ക് മാത്രം പ്രാബല്യത്തില്‍ ഉണ്ടായിരുന്ന നിയമം തൊഴിലാളി സംഘടനകളുടെ…

ബെംഗളൂരു : ഇന്ന് കർണാടകക്കാരിയായ സാലമരാട (മരങ്ങളുടെ അമ്മ) തിമ്മക്കയെ എല്ലാവരും അറിയും, ലോകത്തെ സ്വാധീനിച്ച 100 വനിതകളിൽ ഒരാൾ, രാജ്യം പത്മശ്രീ നൽകി ആദരിച്ച തിമ്മക്ക തങ്ങൾക്ക് മക്കൾ ഇല്ലാത്ത വിഷമത്തിലാണ് മരങ്ങൾ വച്ച് പിടിപ്പിച്ചത് എങ്കിൽ, 2005 ൽ തന്റെ ഭർത്താവ് നഷ്ടപ്പെട്ടതോടെ ആ ഓർമ്മക്ക് മുന്നിൽ ഇതുവരെ 73000 മരങ്ങൾ വച്ചു പിടിപ്പിച്ച് പരിപാലിച്ച് പോരുകയാണ് കോറമംഗലക്കടുത്ത് ഈജിപുരയിൽ താമസിക്കുന്ന ജാനറ്റ് യേഗ്നേശ്വരൻ. തന്റെ ഭർത്താവിന്റെ മരണത്തോടെ ഒറ്റക്കായി മാറിയ ജാനറ്റ് സമൂഹത്തിന് ഉപകാരപ്രദമായ കാര്യങ്ങൾ ചെയ്യാൻ മുന്നിട്ടിറങ്ങുകയായിരുന്നു. ആദ്യം…