Month: September 2018

ബെംഗളൂരു: പൊതുമേഖലാ സ്ഥാപനമായ ബെമൽ വൈദ്യുതി ഡംപ് ട്രക്ക് പുറത്തിറക്കി. പ്രധാനമന്ത്രിയുടെ ‘മേക്ക് ഇൻ ഇന്ത്യ’ സംരംഭത്തിന്റെ ഭാഗമായിട്ടാണ് ഖനന മേഖലയിലെ പ്രവർത്തനങ്ങൾക്ക് ഉപകരിക്കുന്ന ട്രക്ക് പുറത്തിറക്കിയത്. മൈസൂരുവിൽ നടന്ന ചടങ്ങിൽ ബെമൽ സി.എം.ഡി. ദീപക് കുമാർ ഹോത്ത, നോർത്തേൺ കോൾഫീൽഡ്‌സ് ലിമിറ്റഡ് സി.എം.ഡി. പി.കെ. സിൻഹ എന്നിവർ ചേർന്ന് വാഹനം ഫ്ളാഗ് ഓഫ് ചെയ്തു. മറ്റു ട്രക്കുകളെ പോലെ പരിസ്ഥിതിമലിനീകരണം ഉണ്ടാകില്ല എന്നതാണ് വൈദ്യുതി ട്രക്കിന്റെ ഏറ്റവും വലിയ പ്രത്യേകത. രാജ്യത്ത് ആദ്യമായിട്ടാണ് വൈദ്യുതി ഡംപ് ട്രക്ക് പുറത്തിറക്കുന്നത്.

മടിക്കേരി: സഞ്ചാരികൾക്ക് കുടകിലേക്ക‌ു ഏർപ്പെടുത്തിയ യാത്രാവിലക്ക‌് നിബന്ധനകളോടെ പിൻവലിച്ചു. ഉരുൾപൊട്ടിയും മണ്ണിടിഞ്ഞും റോഡുകളും പാലങ്ങളും തകർന്നതിനാൽ ഒന്നരമാസമായി കുടകിലേക്ക് സഞ്ചാരികളെ പ്രവേശിപ്പിച്ചിരുന്നില്ല. അബി വെള്ളച്ചാട്ട മേഖലകൾ ഉൾപ്പെടെയുള്ള ചില വിനോദസഞ്ചാര കേന്ദ്രങ്ങളിലേക്ക‌് പ്രവേശനമില്ലെന്ന നിബന്ധനയിലാണ‌് വിലക്ക‌ു നീക്കിയത‌്. കുടകിലെത്തുന്നവരുടെ സുരക്ഷ മാനിച്ചും യാത്രാക്ലേശം പരിഗണിച്ചുമാണ‌് ജില്ലാ ഭരണകേന്ദ്രം വിനോദസഞ്ചാര കേന്ദ്രങ്ങൾ അടച്ചത‌്. തകർന്ന റോഡുകളും പാലങ്ങളും താൽക്കാലിക അറ്റകുറ്റപ്പണി നടത്തിയാണ‌് പലയിടത്തും ചെറിയ വണ്ടികളെങ്കിലും കടന്നുപോകാൻ പാകപ്പെടുത്തിയത‌്. നിബന്ധനകൾ പാലിച്ചു വേണം ടൂറിസ‌്റ്റുകൾ കുടകിലെത്താനെന്ന‌് കുടക‌് ഡപ്യൂട്ടി കമ്മിഷണർ(കലക്ടർ) പി.ഐ.ശ്രീവിദ്യ അറിയിച്ചു.

ബെംഗളൂരു: ബന്ദിനെത്തുടർന്ന് ഭൂരിഭാഗം ടാക്സികളും നിരത്തിൽ നിന്ന് വിട്ടുനിന്നെങ്കിലും സർവീസ് നടത്തിയ ടാക്സികൾ യാത്രക്കാരിൽനിന്ന് കഴുത്തറപ്പൻ നിരക്കാണ് ഈടാക്കിയത്. ഓൺലൈൻ ടാക്സികൾ രണ്ടു കിലോമീറ്റർ ദൂരത്തിന് 150 രൂപയ്ക്കടുത്ത് യാത്രക്കാരിൽനിന്ന് വാങ്ങി. ഓട്ടോറിക്ഷകളും അധിക നിരക്ക് ഈടാക്കി. ബി.എം.ടി.സി., കർണാടക ആർ.ടി.സി. ബസുകൾ സർവീസ് നടത്താതിരുന്നതിനാൽ മറ്റുമാർഗങ്ങളില്ലാതെ യാത്രക്കാർ സ്വകാര്യവാഹനങ്ങളെ ആശ്രയിക്കുകയായിരുന്നു. ചില ഓട്ടോറിക്ഷാ ഡ്രൈവർമാർ രണ്ടിരട്ടി നിരക്കുവരെ ഈടാക്കിയതായി യാത്രക്കാർ പറഞ്ഞു. തിങ്കളാഴ്ച രാവിലെ മറ്റു സ്ഥലങ്ങളിൽ നിന്ന് നഗരത്തിലെ ബസ് സ്റ്റാൻഡുകളിലെത്തിയ യാത്രക്കാരാണ് കുടുങ്ങിപ്പോയത്. പലർക്കും ബസ് സ്റ്റാൻഡുകളിൽ ഏറെ നേരം നിന്ന…

ബംഗളൂരു: ബലാത്സംഗക്കേസിൽ മാണ്ഡ്യയിലെ വിവാദ ആൾദൈവം വിദ്യഹംസ ഭാരതിയെ അറസ്റ്റ് ചെയ്യാതെ കർണാടക പൊലീസ്. ഭർത്താവിന്‍റെ സഹായത്തോടെ വിദ്യഹംസയും അനുയായികളും വീട്ടിലെത്തി പീഡിപ്പിച്ചുവെന്ന് മൈസൂരുവിലെ യുവതി അഞ്ച് ദിവസം മുമ്പാണ് പരാതി നൽകിയത്. എന്നാല്‍ പ്രാഥമിക പരിശോധനകൾ പൂർത്തിയായ ശേഷമേ അറസ്റ്റുളളൂവെന്ന് പൊലീസ് ഇപ്പോഴും പറയുന്ന വാദം. മാണ്ഡ്യ പാണ്ഡവപുരയിലെ ത്രിധമ ക്ഷേത്രത്തിലെ സ്വയം പ്രഖ്യാപിത ആൾ ദൈവം വിദ്യഹംസ ഭാരതിക്കെതിരെയാണ് പരാതി. ആട്ടവും പാട്ടും നിറഞ്ഞ ആശ്രമരീതികൾ കൊണ്ട് വ്യത്യസ്തനാണ് വിദ്യഹംസ. കടം തീർക്കാൻ വിദ്യഹംസയ്ക്ക് വഴങ്ങിക്കൊടുക്കാൻ നിർബന്ധിച്ച ഭർത്താവ് പീഡനത്തിന് ഒത്താശ…