Day: 20 September 2018

ബെംഗളൂരു: കർണാടകയിലെ സഖ്യകക്ഷി സർക്കാരിനെ വീഴ്‌ത്താൻ പതിനട്ടെടവും പുറത്തെടുക്കുകയാണ് ബിജെപി എന്ന് മുഖ്യമന്ത്രി എച്ച്.ഡി കുമാരസ്വാമി. കോൺഗ്രസ് ജെഡിഎസ് സഖ്യത്തെ തകർക്കാനായി എംഎൽഎമാരെ ചാക്കിട്ട് പിടിക്കാൻ ബിജെപി സൈനിക വിമാനം ഏർപ്പാടാക്കിയതായും കുമാരസ്വാമി ആരോപിക്കുന്നു. ബിജെപിയും യെദ്യൂരപ്പയും എല്ലാ പരിധിയും ലംഘിച്ചിരിക്കുകയാണ്. ഞങ്ങളുടെ ചില എംഎൽഎമാരോട് അവരെ സൈനിക വിമാനത്തിൽ മുംബൈയിലേക്കും പുണെയിലേക്കും കൊണ്ടുപോയി തിരികെ ബെംഗളൂരുവിൽ എത്തിച്ച് വിധാൻ സൗധയിൽ വിശ്വാസ വോട്ടെടുപ്പ് വേളയിൽ ഹാജരാക്കാമെന്നാണ് പറഞ്ഞതെന്നും അദ്ദേഹം ആരോപിച്ചു. അഞ്ച് കോടി രൂപയും മറ്റ് ചിലകാര്യങ്ങളുമാണ് എംഎൽഎമാർക്ക് വാഗ്ദാനം ചെയ്യുന്നത്. എന്ത്…

ബെംഗളൂരു : ഷൂസിൽ ഒളിപ്പിച്ച സ്വർണം വിമാനത്തിനുള്ളിൽ കൈമാറ്റം ചെയ്യാൻ ശ്രമിച്ച രണ്ടു മലയാളികൾ അറസ്റ്റിൽ. ദുബായിൽനിന്നു ഗോവ വഴി ബെംഗളൂരുവിലേക്കുള്ള വിമാനത്തിൽ എത്തിയ സമീർ അലി, ഗോവയിൽനിന്നു കയറിയ സൽമാൻ എന്നിവരാണ് 1.3 കിലോ സ്വർണവുമായി പിടിയിലായത്. പേസ്റ്റ് രൂപത്തിലാക്കിയ സ്വർണം ഷൂസിനുള്ളിൽ ഒളിപ്പിച്ചാണ് സമീർ എത്തിയത്. സൽമാനും സമീറും വിമാനത്തിനുള്ളിൽ ഷൂസ് പരസ്പരം മാറി. ഗോവയിൽനിന്നു കയറിയ സൽമാനു വലിയ പരിശോധന കൂടാതെ ആഭ്യന്തര ടെർമിനലിലൂടെ പുറത്തിറങ്ങാം എന്നായിരുന്നു കണക്കുകൂട്ടൽ. എന്നാൽ, ബെംഗളൂരുവിൽ ഇറങ്ങിയ ഇവരുടെ പെരുമാറ്റത്തിൽ സംശയം തോന്നിയ കസ്റ്റംസ് ഉദ്യോഗസ്ഥർ നടത്തിയ പരിശോധനയിലാണ് സ്വർണം കണ്ടെത്തിയത്.…

ബെംഗളൂരു: കോൺഗ്രസ് കേന്ദ്രനേതൃത്വത്തിന് ഹവാല ഇടപാടിലൂടെ പണം എത്തിച്ചുനൽകിയെന്ന ബി.ജെ.പി. ആരോപണത്തിനെതിരേ മന്ത്രി ഡി.കെ. ശിവകുമാർ. ലോകസഭാ തിരഞ്ഞെടുപ്പ് മുന്നിൽക്കണ്ട് പാർട്ടിയുടെയും തന്റെയും പ്രതിച്ഛായ മോശമാക്കാനാണ് ഇത്തരം ആരോപണം ഉന്നയിക്കുന്നതെന്ന് കോൺഗ്രസിന്റെ മുതിർന്ന നേതാവുകൂടിയായ ശിവകുമാർ ആരോപിച്ചു. ഭക്ഷ്യവിഷബാധയെ തുടർന്ന് ചികിത്സയിയലായിരുന്ന ശിവകുമാർ ആസ്പത്രിവിട്ടശേഷം മാധ്യങ്ങളോട് സംസാരിക്കുകയായിരുന്നു. കള്ളപ്പണം വെളുപ്പിക്കലിനെതിരേ ഡി.കെ. ശിവകുമാറിനെതിരേ എൻഫോഴ്‌സ്‌മെന്റ് ഡയറക്ടറേറ്റ് കഴിഞ്ഞദിവസം കേസെടുത്തിരുന്നു. കർണാടകത്തിൽനിന്ന് കോടിക്കണക്കിന് രൂപ ഡി.കെ. ശിവകുമാർ കോൺഗ്രസ് കേന്ദ്രനേതൃത്വത്തിന് എത്തിച്ചുനൽകിയെന്നാണ് ബി.ജെ.പി. വാക്താവ് സാംബിത്ത് പത്ര ആരോപിച്ചത്. രാഷ്ട്രീയ ഗൂഡാലോചനയുടെ ഭാഗമായാണ് ആദായനികുതി വകുപ്പ് റെയ്ഡ്…