ബെംഗളൂരു: ബിബിഎംപിയുടെ വീടുതോറുമുള്ള ആരോഗ്യ സർവേ പ്രകാരം, ബെംഗളൂരു നിവാസികൾക്കിടയിലെ പ്രധാന രോഗാവസ്ഥയാണ് പ്രമേഹം. പ്രമേഹം ഇവിടെ വളരെ സാധാരണമാണ് എന്ന് സർവേ ചൂണ്ടിക്കാട്ടുന്നു.
50.86 ശതമാനം ആളുകളിൽ പ്രമേഹമുള്ളതായി സർവേ കണ്ടെത്തി. 35.82 ശതമാനം പേരിൽ അമിതരക്തസമ്മർദം കണ്ടു വരുന്നു.
ഹൈപ്പോതൈറോയിഡിസം (2.99 ശതമാനം), ഹൃദയ സംബന്ധമായ അസുഖങ്ങൾ(2.48 ശതമാനം) എന്നിവയാണ് സർവേ പ്രകാരം നഗരവാസികളിൽ കണ്ടു വരുന്ന മറ്റ് പ്രധാന രോഗങ്ങൾ.
സർവേയിൽ ഉൾപ്പെട്ട 7.11 ലക്ഷം പേരിൽ 57,528 പേർക്ക് എന്തെങ്കിലും തരത്തിലുള്ള ഒരു രോഗാവസ്ഥയുണ്ട്. കഴിഞ്ഞ 20 ദിവസത്തിനുള്ളിൽ 2,48,280 വീടുകൾ സർവേയിൽ ഉൾപ്പെടുത്തി, ഇത് ഉദ്ദേശിച്ച ലക്ഷ്യത്തിന്റെ 90 ശതമാനമാണ്.
മറ്റ് രോഗാവസ്ഥകൾ , കോവിഡ് വാക്സിനേഷൻ നില, പൊതുജനാരോഗ്യ നില തുടങ്ങിയ പൗരന്മാരുടെ ആരോഗ്യ വിവരങ്ങൾ ശേഖരിക്കുക എന്ന ലക്ഷ്യത്തോടെയാണ് ഓഗസ്റ്റ് 16-ന് സർവേ ആരംഭിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
