Day: 12 September 2018

ബെംഗളൂരു: നമ്മ മെട്രോയും സബേർബൻ ട്രെയിനുകളും വന്നതോടെ ബിഎംടിസി ബസുകളിലെ യാത്രക്കാരുടെ എണ്ണത്തിൽ കുറവുവന്നിരുന്നു. ടിക്കറ്റ് നിരക്ക് ഉയരുന്നതോടെ യാത്രക്കാർ വീണ്ടും കുറയുമെന്നാണ് ആശങ്ക. 18 ശതമാനം വരെയാണ് നിരക്കുവർധന. അടുത്തയാഴ്ചയോടെ ഇതു നടപ്പിലാകും. ബിഎംടിസി ബസുകളിൽ പ്രതിദിന ടിക്കറ്റെടുത്തു യാത്ര ചെയ്യുന്നവരുടെ എണ്ണത്തിലാണ് മെട്രോ വന്നതോടെ കാര്യമായ കുറവുണ്ടായത്. ഡെമി, മെമു സർവീസുകളിലെ കുറഞ്ഞ നിരക്കും ഒരു വിഭാഗം ബിഎംടിസി യാത്രക്കാരെ ആകർഷിച്ചു. 2014ലാണ് അവസാനമായി ബിഎംടിസി ടിക്കറ്റ് നിരക്കുകൾ ഉയർത്തിയത്. ഡീസൽ വില ഉയർന്നതോടെ പ്രതിദിനം പത്തു ലക്ഷം രൂപയിൽ അധികമാണു നിലവിൽ ബിഎംടിസിയുടെ നഷ്ടം. മെട്രോ റെയിൽ കണക്ടിവിറ്റിയുള്ള…

ബെംഗളൂരു : റയിൽവേയുടെ നിസ്സഹകരണവും മലയാളികളുടെ ഒരു മയില്ലായ്മയും ചൂഷണം ചെയ്യുന്ന ഒരു വിഭാഗമുണ്ട് നഗരത്തിൽ അവരാണ് സ്വകാര്യ ബസ് ഉടമകൾ.ഓണമോ മറ്റ് ഉൽസവങ്ങളോ വരുമ്പോൾ അവർ ബസ് നിരക്ക് വലിയ രീതിയിൽ ഉയർത്തും ,ആർക്കും പരാതിയില്ല. സ്പെഷൽ ട്രെയിൻ പ്രഖ്യാപിക്കാൻ റെയിൽവേയും മുതിരാറില്ല ,പ്രഖ്യാപിച്ചാൽ തന്നെ കഴിഞ്ഞ ഓണത്തിന്റെ പോലെ ഒരു മണിക്കൂർ മുമ്പെ മാത്രം. സ്വകാര്യ ബസുകാരും റയിൽവേ ഉദ്യോഗസ്ഥരും തമ്മിലുള്ള “അന്തർധാര ” സജീവമാണെന്നാണ് പൊതുജന സംസാരം. ഓണക്കാലത്തേതിനു സമാനമായി പൂജ അവധിക്കും കേരളത്തിലേക്കുള്ള സ്വകാര്യ ബസുകളിൽ കൊള്ളനിരക്ക്. അടുത്ത…

ബെളഗാവി: ഓടുന്ന ട്രെയിനിനുള്ളിൽ യുവതിയുടെ ഇത് രണ്ടാം പ്രസവം. കോലാപൂർ താലൂക്കിലെ യെല്ലവ്വ മയൂർ ഗെയ്ക്ക്‌വാദ് എന്ന 23 കാരിയാണ് രണ്ടുവർഷത്തിനിടെ രണ്ടു കുഞ്ഞുങ്ങൾക്ക് ട്രെയിനിനുള്ളിൽ ജൻമം നൽകിയത്. മൂന്നാമത്തെ പ്രസവത്തിനായി കോലപൂരിലെ വാടക വീട്ടിൽ നിന്ന് റായ്ബാഗിലെ സ്വന്തം വീട്ടിലേക്ക് പോകുവാൻ വേണ്ടിയാണ് യെല്ലവ്വ, ഹരിപ്രിയ എക്സ്പ്രസിൽ കയറിയത്. ട്രെയിൻ മഹാരാഷ്ട്ര അതിർത്തിയിലെ ചിഞ്ചാലി റെയിൽവേ സ്റ്റേഷൻ പിന്നിട്ടപ്പോൾ യെല്ലവ്വക്ക് പ്രസവവേദന അനുഭവപ്പെട്ടു. തുടർന്ന് കോച്ചിലെ യാത്രക്കാരെ ഒഴിവാക്കി വനിതാ യാത്രക്കാർ ചേർന്ന് പ്രസവത്തിന് വേണ്ട ക്രമീകരണങ്ങൾ ഒരുക്കി. റായ്ബാഗ് സ്റ്റേഷനിൽ നിന്ന് ആംബുലൻസിൽ യെല്ലവ്വയേയും ആൺകുഞ്ഞിനേയും സമീപത്തെ താലൂക്ക് ആശുപത്രിയിലെത്തിച്ചു.അമ്മയും…

ബെംഗളൂരു : മുൻകാമുകിയെ ഭീഷണിപ്പെടുത്തി മാനഭംഗം ചെയ്തുവെന്ന പരാതിയിൽ ഐടി ജീവനക്കാരനായ മലയാളി പിടിയിൽ മാറത്തഹള്ളിക്കു സമീപം താമസിക്കുന്ന പ്രവീണിനെയാണ് എച്ച്എഎൽ പൊലീസ് അറസ്റ്റ് ചെയ്തത്.  ഗുരുഗ്രാമിൽനിന്നുള്ള യുവതിയും പ്രവീണും ഒരു കമ്പനിയിലാണ് ജോലി ചെയ്തിരുന്നതെന്നു പൊലീസ് പറഞ്ഞു. സൗഹൃദത്തിലായ ഇരുവരും ഒരുമിച്ചായിരുന്നു താമസം. പിന്നീട് പിരിഞ്ഞെങ്കിലും സൗഹൃദം നിലനിർത്തി. പേയിങ് ഗെസ്റ്റായി താമസം മാറിയ യുവതിയെ, പാഴ്സൽ വന്നിട്ടുണ്ടെന്നു വിശ്വസിപ്പിച്ചാണ് കഴിഞ്ഞദിവസംവിളിച്ചുവരുത്തിയത്. യുവതിയുടെ പരാതിയെ തുടർന്ന് അറസ്റ്റ് രേഖപ്പെടുത്തിയ പൊലീസ് ഇരുവരെയും വൈദ്യപരിശോധനയ്ക്കു വിധേയമാക്കി. കോടതിയിൽ ഹാജരാക്കിയ പ്രവീണിനെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു.