Month: June 2018

കാലിനിന്‍ഗാര്‍ഡ്: ലോകകപ്പിന്റെ ഗ്രൂപ്പ് ബിയിലെ നിര്‍ണായക മല്‍സരത്തില്‍ മുന്‍ ചാംപ്യന്‍മാരായ സ്‌പെയിന്‍ അട്ടിമറിത്തോല്‍വിയില്‍ നിന്നും കഷ്ടിച്ചു രക്ഷപ്പെട്ടു. ആഫ്രിക്കന്‍ ടീം മൊറോക്കോയാണ് സ്‌പെയിനിനെ മുള്‍മുനയില്‍ നിര്‍ത്തിയത്. ഒടുവില്‍ ഇഞ്ചുറിടൈമില്‍ നേടിയ ഗോളില്‍ 2-2ന്റെ സമനിലയുമായി സ്‌പെയിന്‍ തടിതപ്പുകയായിരുന്നു. പതിനാലാം മിനിറ്റില്‍ ഗോള്‍ നേടി ഖാലിദ് ബൗത്തെയ്ബിലൂടെയാണ്  മൊറോക്കോ സ്‌പെയിനിനെ ഞെട്ടിച്ചത്. സ്പാനിഷ് പിന്‍നിരയില്‍ റാമോസും ഇനിയേസ്റ്റയും തമ്മിലുള്ള ആശയക്കുഴപ്പമാണ് മൊറോക്കോയ്ക്ക്‌ ഗോള്‍ സമ്മാനിച്ചത്. പന്ത് പിടിച്ചെടുത്ത ബൗത്തെയ്ബ് അവസരം പാഴാക്കിയില്ല. പിക്ക്വെ പിറകെ ഓടിയെങ്കിലും ഫലമുണ്ടായില്ല. ഡേവിഡ് ഡി ഗിയയുടെ കാലുകള്‍ക്ക് ഇടയിലൂടെ ഒരു…

മോസ്‌കോ: കരുത്തരായ പോര്‍ച്ചുഗലിനെ വിറപ്പിച്ച് ഇറാന്‍ റഷ്യന്‍ ലോകകപ്പിനോട് വിടപറഞ്ഞു. പോര്‍ച്ചുഗലിനെതിരേയുള്ള മത്സരത്തില്‍ 1-1ന് സമനില വഴങ്ങിയതോടെയാണിത്. ക്രിസ്റ്റിയാനോ റൊണാള്‍ഡോ പെനല്‍റ്റി തുലച്ച മത്സരത്തില്‍ പോര്‍ച്ചുഗല്‍ ഭാഗ്യം കൊണ്ടു മാത്രമാണ് പ്രീക്വാര്‍ട്ടര്‍ ഉറപ്പാക്കിയത്. ഇഞ്ചുറി ടൈമില്‍ ഗോള്‍ നേടാനുള്ള സുവര്‍ണാവസരം തരേമി നഷ്ടപ്പെടുത്തിയില്ലായിരുന്നെങ്കില്‍ പോര്‍ച്ചുഗലിനെ മറികടന്ന് ഇറാന് പ്രീക്വാര്‍ട്ടിലെത്താമായിരുന്നു. ആദ്യ പകുതി അവസാനിക്കുന്നതിന് തൊട്ടുമുമ്പ് 45-ാം മിനിറ്റില്‍ റിക്കാര്‍ഡോ ക്വാറെസ്മയാണ് പോര്‍ച്ചുഗലിനായി ഗോള്‍ നേടിയത്. ആന്ദ്രെ സില്‍വ നല്‍കിയ ബാക്ക് പാസ് മനോഹരമായ നീക്കത്തിലൂടെ ക്വാറെസ്മ പോസ്റ്റിന്റെ ഇടതുമൂലയിലേക്ക് ഉയര്‍ത്തിയിടുകയായിരുന്നു. ഇഞ്ചുറി ടൈമില്‍ ഹാന്‍ഡ്…

ഗ്രൂപ്പ് എയിലെ പുറത്തായവരുടെ പോരാട്ടത്തില്‍ ഈജിപ്തിനെതിരേ സൗദി അറേബ്യക്കു 2-1ന്റെ ജയം. സല്‍മാന്‍ അല്‍ ഫറാജിന്റെ ഇരട്ടഗോളാണ് സൗദിക്ക് ആശ്വാസ ജയം സമ്മാനിച്ചത്. ഈജിപ്തിന്റെ ഗോള്‍ സൂപ്പര്‍ താരം മുഹമ്മദ് സലായുടെ വകയായിരുന്നു. ഒരു മല്‍സരം പോലും ജയിക്കാനാവാതെയാണ് ഈജിപ്തിന്റെ മടക്കം. ഇഞ്ചുറി ടൈമില്‍ ഈജിപ്ത്യന്‍ പ്രതിരോധ താരങ്ങള്‍ക്കിടയിലൂടെ സലേം അല്‍ ദോസരിയാണ് സൗദിയുടെ വിജയഗോള്‍ നേടിയത്. 95-ാം മിനിറ്റിലായിരുന്നു ഗോളിലേക്കുള്ള ഈ മനോഹരമായ നീക്കം. പോസ്റ്റിന്റെ വലതുഭാഗത്ത് നിന്ന് ഇടങ്കാല്‍ കൊണ്ട് സലേം അല്‍ ദോസരി ലക്ഷ്യം കണ്ടു.