Day: 17 June 2018

ബെംഗളൂരു : കാർഷിക വായ്പ എഴുതിത്തള്ളൽ ഉൾപ്പെടെയുള്ള കടാശ്വാസ പദ്ധതികൾ നടപ്പാക്കാൻ വൈകുന്നതിൽ പ്രതിഷേധിച്ചു നാളെ സംസ്ഥാന വ്യാപകമായി പ്രതിഷേധം സംഘടിപ്പിക്കുമെന്നു കർഷക സംഘടന കെആർആർഎസ്. 15 ദിവസത്തിനകം കാർഷിക വായ്പ എഴുതി തള്ളുമെന്നാണ് മുഖ്യമന്ത്രി കുമാരസ്വാമി മേയ് 30നു കർഷക സംഘടനാ പ്രതിനിധികൾക്കു നൽകിയ ഉറപ്പ്. എന്നാൽ, ഇതുവരെയായി തീരുമാനമൊന്നും ആയിട്ടില്ലെന്നു കെആർആർഎസ് പ്രസിഡന്റ് ചമര മാളിപാട്ടീൽ പറഞ്ഞു. നാളെ എല്ലാ ജില്ലാ ആസ്ഥാനങ്ങളിലും പ്രതിഷേധം സംഘടിപ്പിക്കുമെന്നും അദ്ദേഹം പറഞ്ഞു.

ബെംഗളൂരു : കുറഞ്ഞതു ലോക്സഭാ തിരഞ്ഞെടുപ്പു വരെയെങ്കിലും തന്നെ ആർക്കും തൊടാനാകില്ലെന്നു മുഖ്യമന്ത്രി എച്ച്.ഡി.കുമാരസ്വാമി. കോൺഗ്രസ്–ജനതാദൾ (എസ്) സഖ്യ സർക്കാർ എത്രകാലം നിലനിൽക്കുമെന്ന ചോദ്യത്തോട് പ്രതികരിക്കുകയായിരുന്നു അദ്ദേഹം. സഖ്യ സർക്കാർ സ്ഥിരതയാർന്ന ഭരണം കാഴ്ചവയ്ക്കും. സംസ്ഥാനത്തിന്റെ വികസനം ലക്ഷ്യമിട്ടുള്ള പ്രവർത്തനങ്ങളിൽ ശ്രദ്ധ കേന്ദ്രീകരിക്കും. കാലാവസ്ഥയും തനിക്ക് അനുകൂലമാണെന്നു കുമാരസ്വാമി പറഞ്ഞു. കർഷകരുടെ വായ്പ എഴുതിത്തള്ളാൻ താൻ പ്രതിജ്ഞാബദ്ധനാണ്. ഇതു സംബന്ധിച്ച പ്രഖ്യാപനം ഉടനുണ്ടാകും. പരമാവധി കർഷകർക്കു പ്രയോജനം ലഭിക്കുംവിധം ഇതു നടപ്പാക്കാനാണ് ലക്ഷ്യമിടുന്നത്. പുതിയ സർക്കാരിന്റെ ആദ്യ ബജറ്റ് ജൂലൈ ആദ്യവാരം ഉണ്ടായേക്കുമെന്നും കുമാരസ്വാമി…

ബെംഗളൂരു : ഗതാഗതക്കുരുക്കിൽ വീർപ്പുമുട്ടുന്ന ബെംഗളൂരുവിലെ നിരത്തിലൂടെ കുതിരസവാരി നടത്തി ഐടി ജീവനക്കാരന്റെ പ്രതിഷേധം. കമ്പനിയിലെ തന്റെ അവസാന ജോലിദിനം അവിസ്മരണീയമാക്കുക എന്ന ലക്ഷ്യത്തോടെയാണ് മത്തിക്കരെ നിവാസി രൂപേഷ്കുമാർ വർമ, ബൈക്കിനു പകരം കുതിരപ്പുറത്ത് യാത്ര തിരിച്ചത്. എന്നാൽ ‘വാഹനം’ മാറ്റിയിട്ടും ഫലമുണ്ടായില്ല, 10 കിലോമീറ്റർ അകലെയുള്ള ഓഫിസിലെത്താൻ ഏഴു മണിക്കൂർ വേണ്ടിവന്നു. രൂപേഷിന്റെ സവാരി ചിത്രങ്ങൾ സമൂഹമാധ്യമങ്ങളിൽ ഇതിനകം വൈറലായി. ബെംഗളൂരുവിലെ ഗതാഗതക്കുരുക്കിനോടുള്ള തന്റെ പ്രതിഷേധമാണിതെന്നു രൂപേഷ് പറഞ്ഞു. ലോകത്തെ ഐടി സംബന്ധമായ പല പ്രശ്നങ്ങൾക്കും പരിഹാരം കാണുന്ന ബെംഗളൂരുവിനു ഗതാഗതക്കുരുക്കിനു പരിഹാരം…