ന്യൂഡല്ഹി: ബോപ്പയതന്നെ പ്രോട്ടെം സ്പീക്കര് ആയി തുടരും,അദ്ദേഹത്തിന്റെ തെരഞ്ഞെടുപ്പിന് എതിരെ കോണ്ഗ്രസ് സുപ്രീം കോടതിയില് സമര്പ്പിച്ച ഹര്ജിയില് അനുകൂല അഭിപ്രായം കോടതിയില് നിന്ന് ലഭിക്കാതെ ആയപ്പോള് കോണ്ഗ്രസ് ഹര്ജി പിന്വലിക്കുകയായിരുന്നു.
കര്ണ്ണാടകത്തില് പ്രോടെം സ്പീക്കറായി ബിഎസ് യെദ്യൂരപ്പയുടെ വിശ്വസ്തന് കെജി ബോപ്പയ്യയെ നിയമിച്ച നടപടിക്കെതിരെ കോണ്ഗ്രസ് നല്കിയ ഹര്ജിയില് വാദം പുരോഗമിക്കുന്നു. ഏറ്റവും മുതിര്ന്ന അംഗത്തെ തന്നെ പ്രോടേം സ്പീക്കറായി നിയമിക്കണമെന്ന് കപില് സിബല് വാദിച്ചുവെങ്കിലും അങ്ങനെ അല്ലാത്ത ചരിത്രവും ഉണ്ടല്ലോയെന്ന് ജസ്റ്റിസ് എ.കെ സിക്രി ചൂണ്ടിക്കാട്ടി.
മുതിര്ന്ന അംഗത്തെ തന്നെ പരിഗണിക്കണമെന്നില്ലെന്ന് കോടതി നിലപാടെടുത്തതോടെ ബൊപ്പയ്യയുടെ പൂര്വ്വകാല ഇടപെടലുകള് കപില് സിബലും മനു അഭിഷേക് സിങ്വിയും ചൂണ്ടിക്കാട്ടി. മുതിര്ന്ന അംഗം എന്നു പറയുന്നത് പ്രായത്തില് മുതിര്ന്നയാള് എന്നല്ലെന്നും മറിച്ച് സഭയിലെ അയാളുടെ പരിചയം മുന്നിര്ത്തിയാകണമെന്നും സിങ്വി വാദിച്ചു. തുടര്ന്ന് ബൊപ്പയ്യയുടെ കളങ്കിത പ്രതിച്ഛായ ഉയര്ത്തിയാണ് വാദങ്ങള് നിരത്തിയത്. ഓപ്പറേഷന് ലോട്ടസ് എന്ന പേരില് മുന്പു് ബിജെപിക്ക് അധികാരം ഉറപ്പിക്കാന് ബൊപ്പയ്യ നടത്തിയ വഴിവിട്ട നീക്കങ്ങളെക്കുറിച്ചും അഭിഭാഷകര് പരാമര്ശിച്ചു. നേരത്തെ അദ്ദേഹത്തിനെതിരെ കോടതി പുറപ്പെടുവിച്ച വിധിയിലെ പരാമര്ശങ്ങള് സിബല് കോടതിയില് വാദിച്ചു.
ഇതോടെ ഒരാളുടെ സത്യസന്ധതയും വിശ്വാസ്യതയും ചോദ്യം ചെയ്യുമ്പോള് അയാളുടെ ഭാഗം കൂടി കേള്ക്കാതെ പറ്റില്ലെന്ന് സുപ്രീം കോടതി നിലപാടെടുത്തു. അങ്ങനെയങ്കില് വിശ്വാസ വോട്ടെടുപ്പ് മാറ്റി വെയ്ക്കേണ്ടി വരുമെന്ന് സുപ്രീം കോടതി അറിയിച്ചു. എന്നാല് എംഎല്എമാരുടെ സത്യപ്രതിജ്ഞക്ക് ബൊപ്പയ്യ തന്നെ അധ്യക്ഷനായിക്കൊള്ളട്ടെയെന്നും വിശ്വാസ വോട്ടെടുപ്പിന് മറ്റൊരാള് വേണമെന്നും കപില് സിബല് വാദിച്ചു.
മുഖം രക്ഷിക്കുന്നതിനായി സഭ നടപടികള് റെക്കോര്ഡ് ചെയ്യണം എന്നും തത്സമയം സംപ്രേഷണം ചെയ്യണമെന്നും ഉള്ള ആവശ്യം കോണ്ഗ്രസിന്റെ കബില് സിബല് ഉന്നയിച്ചു ,അത് സുപ്രീം കോടതി അംഗീക്കുകയും ചെയ്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
