Day: 10 May 2018

ബെംഗളൂരു: ലെനിൻ രാജേന്ദ്രന്റെ ‘ദൈവത്തിന്റെ വികൃതികൾ’ എന്ന സിനിമയിൽ അൽഫോൻസച്ചന്റെ മകൾ എൽസിയുടെ വേഷമിട്ട മാളവിക ഇന്നു ബിജെപിയുടെ കർണാടകയിലെ ചാനൽ മുഖമാണ്. പൊതുവേദികളിലെ തീപ്പൊരി സംവാദങ്ങളിൽ നായികയാണു പാർട്ടി വക്താവായ മാളവിക അവിനാഷ്.‘രാഷ്ട്രീയത്തോടു കോളജ് കാലത്തു തന്നെ ആഭിമുഖ്യമുണ്ടായിരുന്നു. കന്നഡ ടെലിവിഷൻ സീരിയലുകളാണ് എന്നെ പ്രശസ്തയാക്കിയത്.മായാമൃഗ എന്ന സിനിമയിൽ അഭിഭാഷകയുടെ വേഷം ഹിറ്റായി. ബാംഗ്ലൂർ യൂണിവേഴ്സിറ്റിയിൽനിന്നു റാങ്കോടെയാണ് എൽഎൽബി നേടിയത്. ലെനിൻ സാർ സിനിമയിലേക്കു വിളിക്കുമ്പോൾ പ്ലസ് ടുവിനു പഠിക്കുകയായിരുന്നു’– മല്ലേശ്വരത്തെ ബിജെപി ആസ്ഥാനത്തിരുന്നു മാളവിക പറഞ്ഞു. തമിഴിൽ കെ.ബാലചന്ദറിന്റെ അണ്ണിയിലൂടെയാണു മാളവിക…

ബെംഗളൂരു:തിരഞ്ഞെടുപ്പ് പ്രചാരണം തങ്ങളുടെ വഴിമുട്ടിച്ച ദുഃഖത്തിലാണ് കേംബ്രിഡ്ജ് ലേഔട്ടിലെ ഐഎസ്ആർഒ കോളനി നിവാസികൾ. തിരഞ്ഞെടുപ്പ് പ്രചാരണത്തിനായി പ്രവർത്തകർ കൂട്ടമായി നടപ്പാലത്തിൽ കയറിയതോടെയാണ് പാലം തകർന്നത്. മാലിന്യകനാലിനു മുകളിൽ കൂടിയുള്ള പാലമാണ് കോളനിയിലെ നാലായിരത്തോളം വരുന്ന താമസക്കാരുടെ ഏക ആശ്രയം. ശാന്തിനഗർ മണ്ഡലത്തിലെ ഈ കോളനിയിലേക്ക് ഇരുചക്രവാഹനങ്ങൾക്ക് സഞ്ചരിക്കാൻ പാകത്തിലുള്ള സ്ഥിരം പാലം വേണമെന്ന ആവശ്യത്തിന് വർഷങ്ങളുടെ പഴക്കമുണ്ട്.

ബെംഗളൂരു: നിയമസഭാ തിരഞ്ഞെടുപ്പ് പ്രചാരണം തീരുന്നതിന്റെ ഭാഗമായി നഗരത്തിൽ കനത്ത സുരക്ഷ. മണ്ഡലങ്ങളിൽ രാഷ്ട്രീയ പാർട്ടികളുടെ കൊട്ടികലാശത്തിനിടയിൽ അക്രമസംഭവങ്ങൾ തടയാൻ എല്ലായിടത്തും പൊലീസ് സാന്നിധ്യം ഉറപ്പ് വരുത്തിയിട്ടുണ്ട്. വൈകിട്ട് ആറുമണിക്കകം വാഹന പ്രചാരണവും റോഡ് ഷോയും അവസാനിപ്പിക്കാൻ രാഷ്ട്രീയ പാർട്ടികൾക്ക് കർശന നിർദേശമുണ്ട്. നഗരപരിധിയിൽ മദ്യവിൽപന കേന്ദ്രങ്ങളും ബാറുകളും ഇന്ന് വൈകിട്ട് അഞ്ചിന് അടയ്ക്കും. നാളെയും വോട്ടെടുപ്പ് ദിനമായ 11നും വോട്ടെണ്ണൽ ദിനമായ 15നും മദ്യവിൽപന ഉണ്ടാവില്ല.