ബെംഗലൂരു :കസവനഹള്ളിയില്‍ അധ്യാപികയെ ബലാല്‍സംഗം ചെയ്ത തമിഴ്നാട് സ്വദേശികളായ ശങ്കര്‍ ,ശെല്‍വകുമാര്‍ എന്നിവരെ കഴിഞ്ഞ ദിവസം സാഹസികമായി ബെംഗലൂരു പോലീസ് അറസ്റ്റ് ചെയ്തു ..തിങ്കളാഴ്ച പുലര്‍ച്ചെ നാലു മണിയ്ക്കായിരുന്നു സംഭവം ..സര്ജാപൂര്‍ റോഡില്‍ കാറില്‍ സഞ്ചരിച്ചു കൊണ്ടിരുന്ന പ്രതികളെ
ബെലന്തൂര്‍ ബി .എം .ടി സി ക്വാട്ടെഴ്സ് പരിധിയില്‍ വെച്ചായിരുന്നു ‘സിനിമ സ്റ്റൈലില്‍ ‘പിന്തുടര്‍ന്ന്‍ പിടി കൂടിയത് ..വിവരങ്ങളുടെ അടിസ്ഥാനത്തില്‍ ഒളിവിലായിരുന്ന പ്രതികളെ പോലീസ് നിരീക്ഷിച്ചു കൊണ്ടിരിക്കുകയായിരുന്നു ..കാറില്‍ നിന്നിറങ്ങി രക്ഷപെടാന്‍ ശ്രമിക്കുമ്പോള്‍ ആയിരുന്നു മുട്ടിനു താഴെ രണ്ടു റൗണ്ട് ഷൂട്ട്‌ ചെയ്തു കീഴ്പ്പെടുത്തിയത് ..
ഈ മാസം 18 നായിരുന്നു കേസിന് ആസ്പദമായ സംഭവം ..!കസവന ഹള്ളി റോഡില്‍ കാല്‍ നടയായി സഞ്ചരിച്ചു കൊണ്ടിരുന്ന അധ്യാപികയെ ഇരുവരും ചേര്‍ന്ന്‍ കാറില്‍ ബലമായി പിടിച്ചു കയറ്റി ബലാല്‍സംഗം ചെയ്യുകയായിരുന്നു ..തമിഴ് നാട് ധര്‍മ്മപുരി സ്വദേശികളാണ് ഇരുവരും .ബെലന്‍ന്തൂര്‍ സര്‍ക്കിള്‍ ഇന്‍സ്പെക്ടര്‍ വിക്ടര്‍ സൈമണിന്റെ നേതൃത്വത്തിലായിരുന്നു ഓപ്പറേഷന്‍ ..
