Day: 16 January 2018

ബെംഗളൂരു ∙ പ്രദേശവാസികളുടെ എതിർപ്പ് വിഫലമാക്കി നമ്മ മെട്രോ രണ്ടാംഘട്ടത്തിലെ കന്റോൺമെന്റ് മെട്രോ സ്റ്റേഷൻ ബാംബൂ ബസാറിൽ തന്നെ നിർമിക്കാൻ ബെംഗളൂരു മെട്രോ റെയിൽ കോർപറേഷൻ(ബിഎംആർസിഎൽ) തീരുമാനിച്ചു. പാതമാറ്റം സംബന്ധിച്ച് സമീപകാലത്ത് വീണ്ടും നടത്തിയ സർവേയ്ക്കു ശേഷമാണ് ബിഎംആർസിഎൽ നിർണായക തീരുമാനമെടുത്തത്. കന്റോൺമെന്റ് റെയിൽവേ സ്റ്റേഷനിൽ നിന്ന് വളരെ മാറിയുള്ള മെട്രോ സ്റ്റേഷനെതിരെ പ്രദേശവാസികളുടെയും പൗരസമിതികളുടെയും എതിർപ്പിനെ തുടർന്നാണ് ഇവിടെ വീണ്ടും സർവേ നടത്തിയത്. നമ്മ മെട്രോ രണ്ടാംഘട്ടത്തിലെ ആദ്യ രൂപരേഖ അനുസരിച്ച് ഇവിടെ റെയിൽവേ സ്റ്റേഷനോടു ചേർന്നാണ് ഭൂഗർഭമെട്രോയും പാതയും നിർമിക്കാൻ തീരുമാനിച്ചിരുന്നത്.…

ബെംഗളൂരു ∙ വൈദ്യുതി പ്രതിസന്ധി രൂക്ഷമാകുന്നതിനിടെ താപവൈദ്യുത നിലയങ്ങളുടെ പ്രവർത്തനം തടസ്സപ്പെടാതിരിക്കാൻ കർണാടക വിദേശത്തുനിന്നു കൽക്കരി ഇറക്കുമതി ചെയ്തു തുടങ്ങി. കൽക്കരി വിഹിതം അനുവദിക്കുന്നതിന്റെ പേരിൽ കേന്ദ്രസർക്കാരുമായി ഭിന്നത നിലനിൽക്കുന്നതിനാലാണ് വിദേശ കൽക്കരി വാങ്ങാൻ കർണാടക തീരുമാനിച്ചത്. 10 ലക്ഷം ടൺ കൽക്കരി ഇറക്കുമതി ചെയ്യാനുള്ള ടെൻ‌‍ഡർ നടപടിക്രമങ്ങൾ കർണാടക പവർ കോർപറേഷൻ ലിമിറ്റഡ‍് (കെപിസിഎൽ) പൂർത്തിയാക്കി. ഈ മാസം അവസാനത്തോടെ കൽക്കരി എത്തുമെന്നാണു സൂചന. വിദേശത്തുനിന്ന് ആന്ധ്രയിലെ കൃഷ്ണപട്ടണത്തെത്തുന്ന കൽക്കരി ട്രെയിൻ മാർഗം കർണാടകയിലെത്തിക്കും. സംസ്ഥാനത്തിനു കൽക്കരി നൽകുന്നതിൽ കേന്ദ്രം ചിറ്റമ്മനയം സ്വീകരിക്കുകയാണെന്നും…