ബെംഗളൂരു : ഡ്രൈവറില്ലാ മെട്രോ ട്രെയിനിന്റെ ദൃശ്യങ്ങൾ പുറത്തുവിട്ട് ബി.എം.ആർ.സി.എൽ. ഫെബ്രുവരി 14-ന് നഗരത്തിലെത്തിച്ച മെട്രോകോച്ചുകളുടെ ദൃശ്യങ്ങളാണ് പുറത്തുവിട്ടത്. ചൈനയിൽ നിന്ന് ചെന്നൈ തുറമുഖത്തെത്തിച്ച കോച്ചുകൾ റോഡ് മാർഗം ബെംഗളുരുവിലെത്തിക്കുകയായിരുന്നു. ഹെബ്ബഗൊഡി ഡിപ്പോയിലാണ് കോച്ചുകൾസൂക്ഷിച്ചിരിക്കുന്നത്. മാസങ്ങൾ നീണ്ടുനിൽക്കുന്ന പരീക്ഷണയോട്ടങ്ങൾക്കുശേഷമാണ് ഡ്രൈവറില്ലാ മെട്രോ സർവീസ് നടത്തുകയെന്ന് ബി.എം.ആർ.സി.എൽ. അധികൃതർ അറിയിച്ചു. ആർ.വി. റോഡ് മുതൽ ബൊമ്മെസാന്ദ്രവരെയാണ് യെല്ലോലൈൻ.
Read More