election – Page 23 – BengaluruVartha

വിദ്യാവർധക് സംഘ തിരഞ്ഞെടുപ്പ് ഫലം;കോടതി ഉത്തരവിന് വിധേയമായിരിക്കും

November 12, 2021November 12, 2021 Aishwarya

ബെംഗളൂരു : കർണാടക വിദ്യാവർദ്ധക് സംഘത്തിലേക്ക് (കെവിഎസ്) തിരഞ്ഞെടുപ്പ് നടത്തുന്നതിനെതിരായ റിട്ട് ഹർജി അംഗീകരിച്ചുകൊണ്ട് ഹൈക്കോടതിയുടെ ധാർവാഡ് ബെഞ്ച്. വ്യാഴാഴ്ച തെരഞ്ഞെടുപ്പിന്റെ ഫലം കോടതിയുടെ അന്തിമ ഉത്തരവിന് വിധേയമായിരിക്കുമെന്ന് പറഞ്ഞു. ഒരു നൂറ്റാണ്ടിലേറെ പഴക്കമുള്ള സംഘത്തിലേക്ക് തിരഞ്ഞെടുപ്പ് നടത്തുന്നത് തടയണമെന്ന് ആവശ്യപ്പെട്ട് മഹാദേവ് ദൊഡ്മണി സമർപ്പിച്ച റിട്ട് ഹർജി പരിഗണിക്കവെയാണ് ജസ്റ്റിസ് സൂരജ് ഗോവിന്ദരാജ് വ്യാഴാഴ്ച ഉത്തരവിട്ടത്.

ബിജെപി സംവരണ വിരുദ്ധരാണ്: സിദ്ധരാമയ്യ

October 27, 2021 WEB TEAM

വിജയപുര: സംവരണ വിഷയത്തിൽ ഭാരതീയ ജനതാ പാർട്ടിക്കെതിരെ ആഞ്ഞടിച്ച് കോൺഗ്രസ് നേതാവ് സിദ്ധരാമയ്യ. ബിജെപി ഒരിക്കലും ഭരണഘടനയിൽ വിശ്വസിക്കുന്നില്ലെന്നും അവർ പിന്നാക്ക വിഭാഗങ്ങൾക്ക് പ്രാധാന്യം നൽകുന്നില്ല എന്നും സിദ്ധരാമയ്യ പറഞ്ഞു. കോൺഗ്രസ് എല്ലാവരേയും ഒരുപോലെ പരിഗണിക്കുകയും ഭരണഘടനയിലും ജനാധിപത്യ മൂല്യങ്ങളിലും വിശ്വസിക്കുകയും ചെയ്യുന്നു എന്നും അദ്ദേഹം കൂട്ടിച്ചേർത്തു. പരസ്യ പ്രചാരണം അവസാനിക്കാൻ മൂന്ന് ദിവസം മാത്രം ബാക്കി നിൽക്കെ സിന്ദഗി മണ്ഡലത്തിലെ വിവിധ സമുദായങ്ങളിലെ നേതാക്കളുമായും ജനങ്ങളുമായും സിദ്ധരാമയ്യ കൂടിക്കാഴ്ച നടത്തി. ന്യൂനപക്ഷങ്ങൾ, പിന്നാക്ക വിഭാഗങ്ങൾ, പട്ടികജാതി–പട്ടികവർഗങ്ങളിലെ ചില വിഭാഗങ്ങൾ എന്നിവരുമായി അദ്ദേഹം ഇതിനകം കൂടിക്കാഴ്ച നടത്തി.

ഉപതിരഞ്ഞെടുപ്പ് പ്രചാരണം ; ബി.എസ്‌ യെദിയൂരപ്പ നാളെ സിന്ധഗിയിൽ

October 19, 2021October 20, 2021 Aishwarya

ബെംഗളൂരു :ഉപതിരഞ്ഞെടുപ്പ് പ്രചാരണത്തിന്റെ ഭാഗമായി ഒക്ടോബർ 20, 21 തീയതികളിൽ സിന്ധഗിയിലും 22, 23 തീയതികളിൽ ഹനഗലിലും പ്രചാരണം നടത്തുമെന്ന് മുൻ മുഖ്യമന്ത്രി ബി എസ് യെദ്യൂരപ്പ പറഞ്ഞു. ചൊവ്വാഴ്ച മാധ്യമപ്രവർത്തകരോട് സംസാരിക്കവെ, യെദ്യൂരപ്പ രണ്ട് സീറ്റുകളിലും ബിജെപി വിജയിക്കുമെന്ന് ആത്മവിശ്വാസം പ്രകടിപ്പിച്ചു, ആവശ്യമെങ്കിൽ ഹനഗലിൽ കുറച്ച് ദിവസം പ്രചാരണം നടത്തുമെന്നും കൂട്ടിച്ചേർത്തു. രാജിവെച്ച് കരഞ്ഞില്ലെന്നും സ്വയം അധികാരത്തിൽ നിന്ന് ഇറങ്ങിപ്പോയതാണെന്നും അദ്ദേഹം ആവർത്തിച്ചു. പാർട്ടിയിൽ ആരിൽനിന്നും സമ്മർദ്ദമില്ലെന്നും അദ്ദേഹം പറഞ്ഞു. ഒരു സാഹചര്യത്തിലും കേന്ദ്രം ന്യൂനപക്ഷങ്ങളെ അവഗണിച്ചിട്ടില്ലെന്നും അദ്ദേഹം വ്യക്തമാക്കി.

കോൺഗ്രസ് ദേശീയ പാർട്ടി; ആരെ മുഖ്യമന്ത്രിയാക്കിയാലും എല്ലാവരും അംഗീകരിക്കും; സിദ്ധരാമയ്യ

October 18, 2021 News Team

ബെംഗളുരു; 2023 ലെ നിയമസഭാ തിരഞ്ഞെടുപ്പിൽ മുഖ്യമന്ത്രി ആകുമോയെന്ന മാധ്യമപ്രവർത്തകരുടെ ചോദ്യത്തിന് ഇല്ലെന്ന് മറുപടി നൽകി സിദ്ധരാമയ്യ. എന്നാൽ ഇനി വരുന്ന തിരഞ്ഞെടുപ്പിന് ശേഷം ഹൈക്കമാൻഡ് മുഖ്യമന്ത്രിയെ തീരുമാനിക്കുമെന്നും ആ തീരുമാനം എല്ലാവരും അംഗീകരിക്കുമെന്നും സിദ്ധരാമയ്യ വ്യക്തമാക്കി. കോൺഗ്രസ് ദേശീയ പാർട്ടിയാണെന്നും തങ്ങൾക്ക് കാര്യങ്ങൾ തീരുമാനിക്കാൻ ഹൈക്കമാൻഡ് ഉണ്ടെന്നും അദ്ദേഹം അറിയിച്ചു. തന്നെ ദേശീയ രാഷ്ട്രീയത്തിലേക്ക് ആരും ക്ഷണിച്ചിട്ടില്ലെന്നും സോണിയ ഗാന്ധിയുമായി നടന്ന കൂടിക്കാഴ്ച്ചയിൽ ഇവ ചർച്ച ചെയ്തില്ലെന്നും അറിയിച്ചു. 74 വയസായതിനാൽ ഇനി പരമാവധി 5 വർഷം കൂടി മാത്രമേ രാഷ്ട്രീയത്തിൽ ഉണ്ടാകുകയുള്ളെന്നും…