Tag: 70 SHEEP

ബെംഗളൂരു: വ്യാഴാഴ്ച രാത്രി അതിവേഗത്തിലെത്തിയ ട്രക്ക് ആട്ടിൻകൂട്ടത്തിനിടയിലേക്ക് ഇടിച്ചുകയറിയുണ്ടായ അപകടത്തിൽ എഴുപതോളം ആടുകളും ഇടയനും സംഭവസ്ഥലത്ത് വെച്ചുതന്നെ മരിച്ചു. ഹോളൽകെരെ താലൂക്കിലെ കനിവെയ്ക്ക് സമീപമാണ് അപകടമുണ്ടായതെന്ന് പോലീസ് പറഞ്ഞു. ബെനകനഹള്ളി വില്ലേജിലെ മൂടലപ്പ (47) ആണ് മരിച്ച ഇടയൻ. അഗാധമായ ക്രോസിൽ വച്ച് ട്രക്ക് ഡ്രൈവർക്ക് വാഹനത്തിന്റെ നിയന്ത്രണം നഷ്ടപ്പെട്ട് ആടുകളുടെയും ഇടയന്റെയും മുകളിലൂടെ പാഞ്ഞുകയറിയാണ് അപകടം ഉണ്ടായത്. അപകടം നടന്നയുടൻ ട്രക്ക് ഡ്രൈവർ ഓടി രക്ഷപ്പെട്ടു. സംഭവത്തിൽ ഹോളൽകെരെ റൂറൽ പോലീസ് പരാതി രജിസ്റ്റർ ചെയ്ത് അന്വേഷണം ആരംഭിച്ചു.