Tag: മഴ

ബെംഗളൂരു: കഴിഞ്ഞ ദിവസങ്ങളിൽ കനത്ത മഴയിൽ ബെംഗളൂരു-മൈസൂർ ദേശീയപാത മുങ്ങിയതോടെ ബുദ്ധിമുട്ടിലായി കേരളം- തമിഴ്നാട് യാത്രക്കാർ. കർണാടക രാമനഗര ജില്ലയിലെ മിക്ക ഭാഗങ്ങളും വെള്ളത്തിനടിയിലായി. മൈസൂരു വഴി കേരളത്തിലേക്കും തമിഴ്നാട്ടിലേക്കുമുള്ള ദേശീയ പാതയിൽ മണിക്കൂറുകളോളമാണു ഗതാഗതം മുടങ്ങിയത്. വാഹനങ്ങൾ മറ്റ് വഴി തിരിച്ചുവിട്ടു. രാവിലെ 7 ന് മുമ്പ് എത്തേണ്ട കേരള ആർട്ടിസി ബസുകൾ മണിക്കൂറോളം വൈകിയാണ് ബെംഗളൂരുവിലെത്തിയത്. ഉച്ചയോടെ ഭാഗികമായി ഗതാഗതം പുനസ്ഥാപിച്ചു. ദേശീയപാത വികസനത്തിന്റെ ഭാഗമായി നിർമ്മിച്ച കാറുകളുടെ അടിപ്പാതകൾ മുങ്ങിയതോടെ 5 ബസുകളും 15 എണ്ണവും കുടുങ്ങി. ബസിലെ യാത്രക്കാരെ…

ബെംഗളൂരു: വെള്ളപ്പൊക്കം തടയാൻ 6 തടാകങ്ങളിൽ തടയണകൾ നിർമിക്കാൻ ഒരുങ്ങി ബിബിഎംപി. കനത്ത മഴയെ തുടർന്ന് വെള്ളം പൊങ്ങുന്ന വലിയ തടാകങ്ങളിൽ തടയണകൾ നിർമ്മിക്കാനുള്ള പദ്ധതിയുടെ ആദ്യഘട്ടമാണ് നടപടി. റേച്ചനഹള്ളി, ജക്കൂർ, കൽക്കരെ, രാംപുര എന്നീ  6 തടാകങ്ങളിലാകും തടയണകൾ നിർമിക്കുക. ഇവിടങ്ങളിൽ മഴയെത്തുടർന്ന് തടാകം നിറഞ്ഞൊഴുകി കനത്ത നാശനഷ്ടത്തിനു കാരണമായിരുന്നു.

ബെംഗളൂരു∙ മഴയ്ക്കു പിന്നാലെ നഗരത്തിൽ വീണ്ടും അപകടക്കുഴികളുടെ എണ്ണം കൂടുന്നു . നേരത്തെ അടച്ച കുഴികൾ ടാറിങ് പൊളിഞ്ഞു വീണ്ടും കുഴിയായി. നിർത്താതെയുള്ള മഴകാരണം കുഴിയടപ്പ് ബിബിഎംപി നിർത്തിവച്ചിരിക്കുകയാണ്. ട്രാഫിക് പോലീസ് ബാരിക്കേഡുകൾ വച്ചും ടയറുകൾ നിരത്തിയുമാണ് അപകടക്കുഴികളെ സംബന്ധിച്ച് താൽക്കാലിക മുന്നറിയിപ്പ് നൽകിയിരിക്കുന്നത്.  അറ്റകുറ്റപ്പണി കാര്യക്ഷമമായി നടത്താത്ത കരാറുകാർക്കെതിരെയും ഉദ്യോഗസ്ഥർക്കെതിരെയും ബിബിഎംപി നടപടിയെടുക്കുന്നുണ്ടെങ്കിലും പലയിടങ്ങളിലും ഗുണനിലവാരം പാലിക്കുന്നില്ലെന്ന പരാതി വ്യാപകമാണ്. ചാറ്റൽമഴയിൽ തന്നെ ടാറും മെറ്റലും ഒലിച്ചുപോകുന്നതോടെ റോഡിലെ കുഴികൾ മരണക്കെണിയായി മാറുകയാണ്.