ബെംഗളൂരു: വയോധികരായ ദമ്പതിമാരെ വീട്ടില്ക്കയറി മർദിച്ച മരുമകളായ ഡോക്ടർക്കെതിരേ പോലീസ് കേസ്.
ബെംഗളൂരുവില് ഡോക്ടറായ പ്രിയദർശിനിക്കെതിരേയാണ് ഭർതൃപിതാവിന്റെ പരാതിയില് പോലീസ് കേസെടുത്തത്.
വനിതാ ഡോക്ടറും ഇവരുടെ കുട്ടികളും ഭർതൃമാതാപിതാക്കളെ മർദിക്കുന്നതിന്റെ വീഡിയോ കഴിഞ്ഞദിവസം സാമൂഹികമാധ്യമങ്ങളില് പ്രചരിച്ചിരുന്നു.
മാർച്ച് പത്താം തീയതി നടന്ന സംഭവത്തിന്റെ വീഡിയോയാണ് കഴിഞ്ഞദിവസങ്ങളില് സാമൂഹികമാധ്യമങ്ങളില് പ്രചരിച്ചിരുന്നത്.
മരുമകളായ ഡോ. പ്രിയദർശിനിയും പേരക്കുട്ടികളും തന്നെയും ഭാര്യയെയും മകനെയും വീട്ടില് കയറി അസഭ്യം പറഞ്ഞെന്നും മർദിച്ചെന്നുമാണ് ഭർതൃപിതാവായ ജെ. നരസിംഹയ്യയുടെ പരാതി.
വനിതാ ഡോക്ടറും മക്കളും പ്രായമായ ദമ്പതിമാരെ മർദിക്കുന്നതിന്റെയും വലിച്ചിഴക്കുന്നതിന്റെയും ദൃശ്യങ്ങളും പുറത്തുവന്നിരുന്നു.
അതേസമയം, ഭർത്താവിന്റെ വീട്ടുകാരാണ് തന്നെ പ്രകോപിപ്പിച്ചതെന്നാണ് ഡോ. പ്രിയദർശിനിയുടെ അവകാശവാദം.
ഭർത്താവ് മക്കള്ക്ക് നല്കേണ്ട സാമ്പത്തികസഹായം നല്കാത്തതിനാലാണ് ഭർത്താവിന്റെ വീട്ടില്പോയത്.
ഇതിനിടെയാണ് പ്രകോപനമുണ്ടായതെന്നും തുടർന്ന് ക്ഷമ നശിച്ചാണ് താനും കുട്ടികളും പ്രതികരിച്ചതെന്നും വനിതാ ഡോക്ടർ പറഞ്ഞു.
സംഭവത്തില് ഇരുവിഭാഗങ്ങളുടെയും മൊഴികള് പരിശോധിച്ചുവരികയാണെന്നും അന്വേഷണം തുടരുകയാണെന്നും പോലീസ് അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
