Category: CHENNAI NEWS

ചെന്നൈ: മിഞ്ചിക്കരൈ മെഹ്താ നഗറിലാണ് അതിദാരുണമായ സംഭവം നടന്നത്. പതിനഞ്ചുകാരി ജോലി ചെയ്തിരുന്ന ഫ്ളാറ്റിലെ ശുചിമുറിയില്‍ നിന്നാണ് മൃതദേഹം കണ്ടെത്തുന്നത്. കുട്ടിയുടെ ശരീരത്തില്‍ മുഴുവൻ മുറിവുകളും സിഗ്‍രറ്റ് കുറ്റികൊണ്ടും ഇസ്തിരിപ്പെട്ടികൊണ്ടും പൊള്ളിച്ചപാടുകളും ഉണ്ടായിരുന്നു. കൊലപാതകത്തിന് ശേഷം ഫ്ളാറ്റിന്റെ ഉടമസ്ഥരായ ദമ്പതികള്‍ മുഹമ്മദ് നിഷാദും നാസിയയും സഹോദരിയുടെ വീട്ടിലേക്ക് കടന്നുകളഞ്ഞെങ്കിലും പോലീസിന്റെ പിടിയിലാകുകയായിരുന്നു. ഇരുവരുടെയും വക്കീല്‍ പോലീസിനെ വിളിച്ചു പറഞ്ഞതിന്റെ അടിസ്ഥാനത്തില്‍ നടത്തിയ പരിശോധനയിലാണ് മൃതദേഹം കണ്ടെത്തുന്നത്. കഴിഞ്ഞ വർഷമാണ് മുഹമ്മദ് നിഷാദും നാസിയയും വീട്ടുജോലിക്കായി പതിനഞ്ചുകാരിയെ സുഹൃത്ത് വഴി സംഘടിപ്പിക്കുന്നത്. വീട്ടില്‍ എത്തിച്ച ശേഷം…

ചെന്നൈ: തമിഴ് നടൻ വിജയ് ആരംഭിച്ച രാഷ്ട്രീയ പാർട്ടിയായ തമിഴക വെട്രി കഴകത്തിന്റെ സമ്മേളനത്തില്‍ പങ്കെടുക്കാൻ എത്തിയവരുടെ കാർ അപകടത്തില്‍പ്പെട്ട് രണ്ടുപേർ മരിച്ചു. ഉളുന്തൂർപ്പെട്ടിയില്‍ വച്ച്‌ കാർ നിയന്ത്രണം വിട്ട് മരത്തിലടിച്ചാണ് അപകടം ഉണ്ടായത്. ട്രിച്ചിയില്‍ നിന്നും വന്ന പ്രവർത്തകരാണ് അപകടത്തില്‍പ്പെട്ടു മരിച്ചത്. താംബരത്തിനടുത്തുണ്ടായ മറ്റൊരു അപകടത്തില്‍ 11 പേർക്ക് പരിക്കേറ്റു. പ്രവർത്തകർ സഞ്ചരിച്ചിരുന്ന വാൻ ട്രക്കിനെ മറികടക്കാൻ ശ്രമിക്കുന്നതിനിടെയാണ് അപകടം. അതേസമയം സമ്മേളനത്തില്‍ എത്തിയ 120 ഓളം പേർ നിർജലീകരണം കാരണം കുഴഞ്ഞു വീണു. മെഡിക്കല്‍ സംഘം പ്രദേശത്ത് ക്യാമ്പ് ചെയ്യുന്നുണ്ട്. ഉച്ചയോടെ…

ചെന്നൈ: തമിഴ്‌നാട്ടിലെ തിരുപ്പൂരിലെ അവിനാശിയില്‍ കാർ ലോറിയുമായി കൂട്ടിയിടിച്ച്‌ ഉണ്ടായ അപകടത്തില്‍ രണ്ട് സഹോദരങ്ങള്‍ ഉള്‍പ്പെടെ മൂന്ന് പേർ മരിച്ചു. ഇന്ന് പുലർച്ചെ പഴങ്കറൈ ഗ്രാമത്തിന് സമീപമാണ് അപകടമുണ്ടായത്. സഹോദരിമാരായ അപർണ (26), ഹേമ (21) ഇവരെ കൂടാതെ മനീഷ് (28) എന്നിവരാണ് ഉ മരണപ്പെട്ടത്. ബെംഗളൂരുവില്‍ നിന്ന് കോയമ്പത്തൂരിലേക്ക് പോകുകയായിരുന്ന കാർ ഇന്ധനം തീർന്നതിനെ തുടർന്ന് റോഡരികില്‍ നിർത്തിയിട്ടിരുന്ന ലോറിയുമായി കൂട്ടിയിടിക്കുകയായിരുന്നുവെന്ന് അവിനാശി പോലീസ് പറഞ്ഞു. സംഭവത്തെ തുടർന്ന് പോലീസും ഫയർഫോഴ്‌സും ചേർന്ന് രക്ഷാപ്രവർത്തനം നടത്തി. എല്ലാ മൃതദേഹങ്ങളും പോസ്റ്റ്‌മോർട്ടത്തിനായി അവിനാശി സർക്കാർ…

ചെന്നൈ: ഉപയോക്താവിന് 50 പൈസ തിരികെ നല്‍കാതിരുന്ന തപാല്‍ വകുപ്പിന് പിഴയിട്ട് ഉപഭോക്തൃ തര്‍ക്ക പരിഹാര കമ്മീഷന്‍. തുക തിരികെ നല്‍കുന്നതിനൊപ്പം ഉപയോക്താവിന് 10,000 രൂപ നഷ്ടപരിഹാരം നല്‍കാനും കോടതി നിര്‍ദേശിച്ചു. കോടതിച്ചെലവായി 5,000 രൂപ നല്‍കാനും കാഞ്ചീപുരം ജില്ലാ ഉപഭോക്തൃ തര്‍ക്ക പരിഹാര കമ്മീഷന്‍ തപാല്‍ വകുപ്പിനു നിര്‍ദേശം നല്‍കി. 2023 ഡിസംബര്‍ 13ന് പൊഴിച്ചാലൂര്‍ പോസ്റ്റ് ഓഫീസില്‍ രജിസ്റ്റര്‍ ചെയ്ത കത്തിന് 30 രൂപ പണമായി നല്‍കിയെങ്കിലും രസീതില്‍ 29.50 രൂപ എന്നായിരുന്നുവെന്ന് പരാതിക്കാരിയായ എ മാനഷ പറഞ്ഞു. യുപിഐ വഴി…

ചെന്നൈ: നഗരത്തിലും പരിസരപ്രദേശങ്ങളിലും മഴ കുറഞ്ഞു. കാറ്റിന്റെ ദിശയും വേഗവും മൂലം ന്യൂനമർദ്ദ സഞ്ചാരപാത വഴിമാറിയതിനാലാണ് മഴ കുറഞ്ഞത്. നഗരത്തിലെ മിക്ക സ്ഥലങ്ങളിലെയും വെള്ളക്കെട്ട് പൂർണ്ണമായും നീങ്ങി. ഇന്ന് ഓറഞ്ച് അലർട്ട് പ്രഖ്യാപിച്ചിരിക്കുന്ന ഈ പ്രദേശങ്ങളില്‍ മഴ കാര്യമായി പെയ്യില്ലെന്നാണ് കരുതുന്നത്. കാറ്റിന്റെ ദിശയും വേഗവും മൂലം ന്യൂനമർദ മേഖലയുടെ സഞ്ചാരപാതയില്‍ വ്യത്യാസമുണ്ടായതോടെയാണു മഴ ഒഴിവായത്. തീവ്രന്യൂനമർദം ഇന്നു പുലർച്ചെ ആന്ധ്രയിലെ നെല്ലൂരിനും പുതുച്ചേരിക്കും ഇടയില്‍ കരതൊടും. വിദ്യാഭ്യാസ സ്ഥാപനങ്ങളും സർക്കാർ ഓഫിസുകളും ഇന്നു വീണ്ടും സജീവമാകും. മഴക്കെടുതിയില്‍ വലയുന്ന നഗരവാസികള്‍ക്ക് ‘അമ്മ ഉണവകങ്ങള്‍’…

ചെന്നൈ: കനത്ത മഴയെ തുടർന്ന് ജനങ്ങള്‍ ജാഗ്രത പാലിക്കണമെന്ന് അധികൃതര്‍ അറിയിച്ചിട്ടുണ്ട്. പലരും സുരക്ഷിതമായി വീടുകളിലാണുള്ളത്. ഇപ്പോഴിതാ വടക്കുകിഴക്കന്‍ മണ്‍സൂണിലെ ഒരു അര്‍ധരാത്രിയില്‍ ഉണ്ടായ ഇടിമിന്നല്‍ ദൃശ്യം സമൂഹ മാധ്യമങ്ങളില്‍ വൈറലാകുന്നു. എക്‌സിലെത്തിയ ദൃശ്യം ഷോളിങ്ങനല്ലൂരില്‍ നിന്നുള്ളതാണ്. വീഡിയോയില്‍ മിന്നലിനൊപ്പം പര്‍പ്പിള്‍ നിറത്തില്‍ ആകാശം കാണപ്പെടുന്നു. അത് ആകെ ഭയപ്പെടുത്തുന്നതാണ്. മിന്നല്‍ കുറയുമ്പോള്‍, ജനല്‍ പ്രതലത്തില്‍ തുള്ളികള്‍ തെന്നി വീഴുന്ന ഒരു ആകര്‍ഷകമായ ദൃശ്യവും കാണാം. നിരവധി കമന്‍റുകള്‍ ദൃശ്യങ്ങള്‍ക്ക് ലഭിച്ചു. “ഏലിയന്‍സ് മിന്നലിലൂടെ ഭൂമിയിലേക്ക് പ്രവേശിക്കുന്ന വാര്‍ ഓഫ് ദ വേള്‍ഡ്‌സ് എന്ന…

ചെന്നൈ: തമിഴ്‌നാട്ടില്‍ കനത്ത മഴ മുന്നറിയിപ്പ്. ചെന്നൈയില്‍ വെള്ളപ്പൊക്ക മുന്നറിയിപ്പും പുറപ്പെടുവിച്ചിട്ടുണ്ട്. ഇന്നു മുതല്‍ വെള്ളിയാഴ്ച വരെ അതിശക്തമായ മഴ തുടരുമെന്നാണ് അറിയിപ്പ്. കാലാവസ്ഥാമുന്നറിയിപ്പിന്റെ പശ്ചാത്തലത്തില്‍ ചെന്നൈ അടക്കം നാലു ജില്ലകളില്‍ വിദ്യാഭ്യാസ സ്ഥാപനങ്ങള്‍ക്ക് സര്‍ക്കാര്‍ നാളെ അവധി പ്രഖ്യാപിച്ചു. ചെന്നൈ, തിരുവള്ളൂര്‍, കാഞ്ചീപുരം, ചെങ്കല്‍പേട്ട് ജില്ലകളിലാണ് നാളെ അവധി നല്‍കിയിട്ടുള്ളത്. മുഖ്യമന്ത്രി എം കെ സ്റ്റാലിന്റെ അധ്യക്ഷതയില്‍ അവലോകനയോഗം ചേര്‍ന്നു. ഒക്ടോബര്‍ 15 മുതല്‍ 18 വരെ ഈ ജില്ലകളിലെ ഐടി കമ്പനികളിലെ ജീവനക്കാര്‍ക്ക് വീട്ടിലിരുന്ന് ജോലി ചെയ്യാന്‍ അനുവദിക്കുന്നതിനുള്ള ഉപദേശം നല്‍കാനും…

ചെന്നൈ: ഓടികൊണ്ടിരിക്കുന്ന ട്രെയിനില്‍ തൂങ്ങി കിടന്ന് വീഡിയോ എടുക്കാൻ ശ്രമിക്കുന്നതിനിടയില്‍ വിദ്യാർത്ഥിക്ക് ഗുരുതര പരിക്ക്. ചെന്നൈയിലെ ഇലക്‌ട്രിക് ട്രെയിനില്‍ സഞ്ചരിച്ച മാധവാരം സ്വദേശി അഭിലാഷിനാണ് പരിക്കേറ്റത്. വാതിലിന് പുറത്തുള്ള പടിയില്‍ ഇറങ്ങി നിന്നായിരുന്നു വിദ്യാർത്ഥിയുടെ അഭ്യാസ പ്രകടനം. പടിയില്‍ നിന്നുകൊണ്ട് തൂങ്ങിയാടുന്നതിനിടയില്‍ ഇലക്‌ട്രിക് പോസ്റ്റില്‍ തല ഇടിക്കുകയായിരുന്നു. അപകടത്തെ തുടർന്ന്, കൂടെ ഉണ്ടായിരുന്നവർ വിവരമറിയിച്ചാണ് ട്രെയിൻ നിർത്തിയത്. ഉടൻ തന്നെ വിദ്യാർത്ഥിയെ ആശുപത്രിയില്‍ എത്തിച്ചു. സ്വകാര്യ കോളേജിലെ വിദ്യാർത്ഥിയാണ് അഭിലാഷ്. രായപുരത്ത് നിന്ന് വണ്ണാർപേട്ടയിലേക്ക് ട്രെയിനില്‍ യാത്ര ചെയ്യുന്നതിനിടയിലായിരുന്നു അപകടം. കുട്ടിക്ക് ഗുരുതരമായി പരിക്കേറ്റിട്ടുണ്ടെന്ന്…

ചെന്നൈ: തമിഴ്നാട് തേനി ഉത്തമപാളയത്തുണ്ടായ വാഹനാപകടത്തില്‍ മലയാളി മരിച്ചു. ഇടുക്കി വെള്ളത്തൂവല്‍ സ്വദേശി തോമസ് മാത്യു ആണ് മരിച്ചത്. മൂന്ന് പേർക്ക് പരിക്കേറ്റു. ഉത്തമപാളയത്തുനിന്ന് തടിയുമായി ചിന്നമന്നൂരിലേക്ക് പോയ ലോറി കടയിലേക്ക് ഇടിച്ചു കയറുകയായിരുന്നു. റോഡരികില്‍ നിർത്തിയിട്ടിരുന്ന വാഹനങ്ങളിലും ഇടിച്ചു. തോമസ് ഉള്‍പ്പെടെ കടയില്‍ നിന്നവരാണ് അപകടത്തില്‍പെട്ടത്. സംഭവത്തില്‍ ഉത്തമപാളയം പോലീസ് കേസെടുത്ത് അന്വേഷണം ആരംഭിച്ചു.