ബെംഗളൂരു ∙ ശബരിമലയിൽ കർണാടക ഭവൻ നിർമിക്കുന്നതിനായുള്ള സ്ഥലം സമയബന്ധിതമായി വിട്ടുനൽകണമെന്ന ആവശ്യം മുന്നോട്ടുവച്ച് കർണാടക സർക്കാർ. നിലയ്ക്കലിൽ ഇതിനായി അനുവദിച്ച നാലരയേക്കർ സ്ഥലം കാലതാമസമില്ലാതെ വിട്ടുനൽകണമെന്ന ആവശ്യമാണു തിരുവനന്തപുരത്തു മുഖ്യന്ത്രി പിണറായി വിജയൻ അധ്യക്ഷത വഹിച്ച ദക്ഷിണേന്ത്യൻ മുഖ്യമന്ത്രിമാരുടെ യോഗത്തിൽ കർണാടക ആവശ്യപ്പെട്ടത്. സംസ്ഥാന എമർജൻസി കോഓർഡിനേറ്റർ കെ.കെ.പ്രദീപാണ് മുഖ്യമന്ത്രി സിദ്ധരാമയ്യയുടെ പ്രതിനിധിയായി യോഗത്തിൽ പങ്കെടുത്തത്.
2013ൽ കർണാടക ഭവനു വേണ്ടി നിലയ്ക്കലിൽ നാലര ഏക്കർ ഭൂമി അനുവദിച്ചതിന്റെ പശ്ചാത്തലത്തിൽ ഭൂമിപൂജയും തറക്കല്ലിടലും വരെ നടത്തിയിരുന്നു. തുടർന്നു നടന്ന നിയമവ്യവഹാരങ്ങൾ നിർമാണപ്രവർത്തനങ്ങൾക്കു തടയിടുകയായിരുന്നു. നിയമക്കുരുക്കുകൾ അഴിത്തതോടെയാണു മറ്റു ദക്ഷിണേന്ത്യൻ സംസ്ഥാനങ്ങൾക്കൊപ്പം കർണാടകയും ഈ ആവശ്യം മുന്നോട്ടുവച്ചിരിക്കുന്നത്. തീർഥാടകർക്കായുള്ള താമസസൗകര്യം, എമർജൻസി മെഡിക്കൽ സെന്റർ, ദുരന്തനിവാരണ കേന്ദ്രം, ഹെൽപ് ലൈൻ സൗകര്യം തുടങ്ങിയവ ഉൾപ്പെടുന്നതാണു കർണാടക ഭവൻ. ഇതിന്റെ പ്രാഥമിക ഘട്ട നിർമാണങ്ങൾക്കായി 10 കോടി രൂപ കർണാടക സർക്കാർ നീക്കിവച്ചിട്ടുമുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
