തിരുവനന്തപുരം: ശബരിമലയിലെ സ്ത്രീപ്രവേശനവുമായി ബന്ധപ്പെട്ട സുപ്രീംകോടതി വിധിയില് ഉറച്ച നിലപാടുമായി മുഖ്യമന്ത്രി പിണറായി വിജയന്.
ശബരിമലയിലെ സ്ത്രീപ്രവേശനത്തില് സുപ്രീംകോടതി നടത്തിയ നിര്ണ്ണായക വിധിയക്കെതിരെ പുനഃപരിശോധനാ ഹര്ജി നല്കില്ലെന്ന് മുഖ്യമന്ത്രി പിണറായി വിജയന് പറഞ്ഞു. ശബരിമലയില് സ്ത്രീകളെ പ്രവേശിപ്പിക്കുന്നതുമായി ബന്ധപ്പെട്ടു വിശ്വാസികളില്ത്തന്നെ രണ്ട് അഭിപ്രായം ഉണ്ടായിരുന്നു. ഇതെല്ലാം പരിശോധിച്ചശേഷമാണു സുപ്രീംകോടതി വിധി വന്നത്. വിധി അനുസരിച്ചു നടപടി സ്വീകരിക്കാന് മാത്രമേ സംസ്ഥാന സര്ക്കാരിനു കഴിയൂ. വിധിയുടെ ഭാഗമായി ഉല്സവകാലത്ത് സ്ത്രീകള് വന്നാല് അവര്ക്കു സൗകര്യം ചെയ്യേണ്ടതുണ്ട്. മറ്റൊരു നിയമം വരുന്നതുവരെ ഇതാണു രാജ്യത്തെ നിയമമെന്നും മുഖ്യമന്ത്രി പറഞ്ഞു.
അമ്പലത്തിനകത്തേക്കു പോകാന് സ്ത്രീകള് വന്നാല് അവരെ തടയാന് പറ്റില്ല. സ്ത്രീകളുടെ സുരക്ഷയ്ക്കായി വനിതാ പൊലീസിനെ വിന്യസിക്കും. മറ്റു സംസ്ഥാനങ്ങളിലുള്ള വനിതാ പൊലീസിനെയും വിന്യസിക്കാന് ആലോചിക്കുന്നുണ്ട്. സുപ്രീംകോടതി എന്തും പറയട്ടെ നമ്മള് ചെയ്യില്ല എന്ന നിലപാടു സ്വീകരിക്കാന് സര്ക്കാരിന് കഴിയുമോയെന്നും മുഖ്യമന്ത്രി ചോദിച്ചു.
അതേസമയം, ദേവസ്വം ബോര്ഡ് പ്രസിഡന്റ് എം. പത്മകുമാർ നടത്തിയ പരാമര്ശങ്ങള്ക്കും മുഖ്യമന്ത്രി മറുപടി നല്കി. കൂടാതെ, ദേവസ്വം ബോര്ഡ് പുനഃപരിശോധനാ ഹര്ജി നല്കുമെന്ന് പത്മകുമാർ പറഞ്ഞത് ഏതു സാഹചര്യത്തിലാണെന്ന് അറിയില്ലെന്നും മുഖ്യമന്ത്രി പറഞ്ഞു.
ദേവസ്വം ബോര്ഡ് പുനഃപരിശോധനാ ഹര്ജി കൊടുക്കാന് തീരുമാനിച്ചിട്ടില്ല എന്നും അദ്ദേഹം പറഞ്ഞു. അദ്ദേഹത്തിന്റെ അഭിപ്രായങ്ങള് തികച്ചും അദ്ദേഹത്തിന്റെ തന്നെയാണെന്നും മാധ്യമങ്ങള് തെറ്റായി വ്യാഖ്യാനിക്കുന്നതിനാലാണ് ഇങ്ങനെയൊരു വിശദീകരണം നല്കാന് കാരണമെന്നും മുഖ്യമന്ത്രി പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
