Day: 27 April 2026

ബെംഗളൂരു: ജയനഗറിലെ പ്രധാന വാണിജ്യ കേന്ദ്രമായ 3, 4 ബ്ലോക്കുകളെ ബന്ധിപ്പിക്കുന്ന റോഡിലെ വൈറ്റ് ടോപ്പിങ് ജോലികൾ അനന്തമായി നീളുന്നു. ആറുമാസത്തിനുള്ളിൽ പൂർത്തിയാക്കുമെന്ന് വാഗ്ദാനം ചെയ്ത പദ്ധതി ഒരു വർഷം പിന്നിട്ടിട്ടും എങ്ങുമെത്താത്തത് കച്ചവടക്കാരെയും താമസക്കാരെയും ഒരുപോലെ വലയ്ക്കുകയാണ്. റോഡ് നിർമ്മാണം കാരണം ഉപഭോക്താക്കൾ കുറഞ്ഞതോടെ ബിസിനസ്സിൽ 50 ശതമാനത്തോളം ഇടിവുണ്ടായതായി പ്രദേശത്തെ വ്യാപാരികൾ പരാതിപ്പെടുന്നു. മാലിന്യക്കൂമ്പാരവും എലിശല്യവും റോഡിൽ കുന്നുകൂട്ടിയിട്ടിരിക്കുന്ന നിർമ്മാണാവശിഷ്ടങ്ങൾ ഇപ്പോൾ അനധികൃത മാലിന്യ നിക്ഷേപ കേന്ദ്രങ്ങളായി മാറിയിരിക്കുകയാണ്. സമീപത്തെ റെസ്റ്റോറന്റുകളിൽ നിന്നുള്ള മാലിന്യങ്ങൾ ഇവിടെ തള്ളുന്നത് മൂലം പ്രദേശത്ത് എലിശല്യം…

ബംഗളുരു : നിർത്തിയിട്ടിരുന്ന പോലീസ് ബൈക്കിനുള്ളിൽ കുടുങ്ങിയ പാമ്പിനെ സാഹസികമായി പിടികൂടി. കോലാർ ജില്ലയിലെ പെട്രോൾ പമ്പിന് സമീപം പാർക്ക് ചെയ്തിരുന്ന ഇരുചക്ര വാഹനത്തിലാണ് പാമ്പ് അഭയം പ്രാപിച്ചത്. ഉരഗ രക്ഷാപ്രവർത്തകനായ നാഗരാജിന്റെ സമയോചിതമായ ഇടപെടലിലൂടെയാണ് പാമ്പിനെ സുരക്ഷിതമായി പുറത്തെടുത്തത്. വാഹനമെടുക്കാൻ ശ്രമിക്കുന്നതിനിടെയാണ് ബൈക്കിന്റെ ഉൾഭാഗത്ത് പാമ്പ് ഇരിക്കുന്നത് പോലീസുകാരുടെ ശ്രദ്ധയിൽപ്പെട്ടത്. ഉടൻ തന്നെ പാമ്പ് പിടുത്ത വിദഗ്ധനായ നാഗരാജിനെ വിവരമറിയിക്കുകയായിരുന്നു. സ്ഥലത്തെത്തിയ അദ്ദേഹം അതീവ ജാഗ്രതയോടെ വാഹനത്തിന്റെ ഭാഗങ്ങൾക്കിടയിൽ കുടുങ്ങിക്കിടന്ന പാമ്പിനെ പിടികൂടി. പിന്നീട് ജനവാസമില്ലാത്ത അടുത്തുള്ള വനപ്രദേശത്ത് പാമ്പിനെ സുരക്ഷിതമായി തുറന്നുവിട്ടു.…

ബെം​ഗളൂരു: റോഡിൽ പാർക്ക് ചെയ്തിരുന്ന ഓട്ടോറിക്ഷകൾ മാറ്റാൻ ആവശ്യപ്പെട്ടതിനെത്തുടർന്നുണ്ടായ തർക്കത്തിൽ രണ്ട് സഹോദരങ്ങൾക്ക് ക്രൂരമർദനം. കലബുറഗി താലൂക്കിലെ ഭീമല്ലി ഗ്രാമത്തിൽ ശനിയാഴ്ചയാണ് നാടിനെ നടുക്കിയ സംഭവം നടന്നത്. ചിറ്റാപൂർ താലൂക്കിലെ നൽവാര ഗ്രാമത്തിൽ നിന്നുള്ള ടോട്ടേന്ദ്ര, സുനിൽ എന്നിവരാണ് കൊല്ലപ്പെട്ടത്. സംഭവത്തിൽ ഓട്ടോ ഉടമ സയ്യിദ് ജാമിർ, സഹോദരന്മാരായ സൈഫാബ്, ആരിഫ്, ആസിഫ്, ഇമ്രാൻ എന്നിവർക്കെതിരെ പോലീസ് കേസെടുത്തു. ആലന്ദ് താലൂക്കിലെ ഗോള ഗ്രാമത്തിലുള്ള ലക്കംദേവി ക്ഷേത്രത്തിലെ ചടങ്ങിൽ പങ്കെടുത്ത ശേഷം സഹോദരിയെ ഭീമല്ലിയിലെ ഭർത്തൃവീട്ടിലാക്കി മടങ്ങുകയായിരുന്നു ടോട്ടേന്ദ്രയും സുനിലും. ഇവർ സഞ്ചരിച്ചിരുന്ന കാറിന്…

ബെംഗളൂരു: നഗരത്തിലെ കബ്ബൺ പാർക്കിൽ 20 ദിവസം മുമ്പ് രാജസ്ഥാൻ സ്വദേശി തൂങ്ങിമരിച്ച സംഭവത്തിൽ സ്ഫോടനാത്മകമായ വെളിപ്പെടുത്തലുമായി പോലീസ്. സുരേഷ് കുമാർ പുരോഹിത് എന്ന യുവാവിന്റെ മരണം വെറുമൊരു ആത്മഹത്യയല്ലെന്നും, നിരന്തരമായ മർദ്ദനത്തെയും വധഭീഷണിയെയും തുടർന്നുള്ള കടുത്ത മാനസിക സമ്മർദ്ദം മൂലമാണെന്നും അന്വേഷണത്തിൽ വ്യക്തമായി. രാജസ്ഥാനിൽ വെച്ച് പ്രതിയായ ജബറാമും സുരേഷും തമ്മിലുണ്ടായ വ്യക്തിപരമായ തർക്കമാണ് സംഭവങ്ങളുടെ തുടക്കം. വഴക്കിനിടെ സുരേഷിനെ ബാംഗ്ലൂരിലെ തന്റെ സുഹൃത്തുക്കളെ ഉപയോഗിച്ച് ഒരു പാഠം പഠിപ്പിക്കുമെന്ന് ജബറാം ഭീഷണിപ്പെടുത്തിയിരുന്നു. തുടർന്ന് സുരേഷ് ബാംഗ്ലൂരിലേക്ക് താമസം മാറിയെങ്കിലും മാർച്ച് അവസാന…

ബെംഗളൂരു: ചിന്നസ്വാമി സ്റ്റേഡിയത്തിൽ ഐപിഎൽ മത്സരത്തിനിടെ ഇരുന്നൂറിലധികം സിസിടിവി ക്യാമറകളുടെ കേബിളുകൾ മുറിച്ചുമാറ്റിയ കേസിൽ വഴിത്തിരിവ്. സുരക്ഷാ ക്രമീകരണങ്ങളുടെ ഭാഗമായി സ്ഥാപിച്ച ക്യാമറകൾ പ്രവർത്തനരഹിതമാക്കിയത് സ്റ്റേഡിയത്തിലെ സിസിടിവി പരിപാലന ചുമതലയുണ്ടായിരുന്ന കമ്പനിയിലെ ജീവനക്കാരാണെന്ന് കബ്ബൺ പാർക്ക് പോലീസ് കണ്ടെത്തി. ശമ്പളം നൽകാത്തതിലുള്ള പ്രതികാരമായാണ് ഇവർ ഈ കടുംകൈ ചെയ്തത്. ആർസിബിയും ഗുജറാത്ത് ടൈറ്റൻസും തമ്മിലുള്ള മത്സരത്തിനിടെയായിരുന്നു അതീവ സുരക്ഷാ മേഖലയായ സ്റ്റേഡിയത്തിലെ 240-ഓളം ക്യാമറകളുടെ കേബിളുകൾ മുറിക്കപ്പെട്ടത്. സംഭവത്തിൽ ഐവിഎസ് ഡിജിറ്റൽ സൊല്യൂഷൻ എന്ന കമ്പനിയിലെ ജീവനക്കാരായ മഞ്ജുനാഥ്, അബ്ദുൾ കലാം എന്നിവരെ പോലീസ്…